Seanraite 31 - An Bíobla Naoṁṫa 1817 (Bedell)

Caibidil XXXI. Geanmnaóiḋeaċd, agus miosarraċd ri. 10 Clú, agus gainne ḃan ṡuḃailceaċ.

¹ Briaṫra an ríġ Lemuel, a nfáiġeadóireaċt do ṫeagaisg a ṁaṫair ḋó.

² Cioḋ, a ṁic? cioḋ, a ṁic mo ḃronn? agus cioḋ, a ṁic mo ṁóidionn?

³ Ná taḃair do neart do ṁnáiḃ, nó do ṡliġṫe don ní ṁillios na ríġṫe.

⁴ Ní cóir do ríoġuiḃ, a Lemuel, ní cóir do ríoġuiḃ fíon dól; nó do ṗrionnsaḋuiḃ deoċ láidir diḃe:

⁵ Deagla go niḃedís, agus go ndearmodfaidís an dliġeaḋ, agus go ccláonfaidís breiṫeaṁnus air aóinneaċ a mbuáiḋreaḋ.

⁶ Taḃraiḋ deoċ láidir don tí atá réiḋ ċum dul a muġa, agus fíon don druing ḃíos tromċroiḋeaċ.

⁷ Iḃioḋ sé deoċ, agus dearmuideaḋ sé a ḃoċtuine, agus ná cuiṁníġeaḋ sé a aṁgar ní is mó.

⁸ Oscuil do ḃéul ar son an duine ḃailḃ a ccúis a nuile ḋuine do cinneaḋ ċum aiḋṁillte.

⁹ Oscuil do ḃéul, déan breiṫeaṁnus coṁṫrom, agus aiġnis cúis an ḃoiċt agus án ríaċtanuiġ.

¹⁰ Cía ḟéadas bean ṡuḃailceaċ dfaġáil? óir atá a lúaċ a ḃfad ós cionn péarlaḋ.

¹¹ Cuiriḋ croiḋe a fir a ḋóiġ go daingionn inte, iondus naċ bia ríaċtanas re creiċ aige.

¹² Do ḋéana sí maiṫ ḋó agus ní holc air feaḋ láeṫe a sáoġail.

¹³ Iarruiḋ sí olann, agus líon, agus oibriġ sí go huṁal re na láṁuiḃ.

¹⁴ Is cosṁuil ré longaiḃ na gceannuiġeaḋ í; do ḃeir sí a beaṫa ó imċían.

¹⁵ Eírġiḋ sí fós súil éirġios an lá, agus do ḃeir sí bíaḋ dá muinntir, agus coṁroinn dá cailíniḃ.

¹⁶ Measuiḋ sí fearann, agus ceannċaiḋ sí é: le tóraḋ a láṁ plannduiġiḋ sí fineaṁuin.

¹⁷ Criosluiġ sí a leasraċ le neart, agus neartuiġ sí a riġṫeaċa.

¹⁸ Moṫuiġ sí gur maiṫ a ceann-niġeaċt: ní ṫéid a coinneal as san noiḋċe.

¹⁹ Cuiriḋ sí a láṁa air an maide sníoṁa, agus congṁaiḋ a láṁa an ċoigéul.

²⁰ Síniḋsí a láṁa amaċ don ḃoċt; síniḋ fós, a láṁ gus a neasḃuiḋeaċ.

²¹ Ni ḃí eagla an tsneaċta uirre dá muinntir: óir bíd a muinntir uile éuduiġṫe le scarloid.

²² Do ní sí ḋi féin foluiġe do ġreis; is síoda agus purpair a héadaċ.

²³ Aiṫniġṫear a fear annsna geataḋuiḃ, a nuáir ṡuiġios sé a measg ṡinnsior na tíre.

²⁴ Do ní sí línéudaċ fínealta, agus reacuiḋ sí é; agus do ḃeir sí creasanna don ċeannuiġe.

²⁵ Neart agus onóir a headaċ; gáirdeoċuíḋ sí san naimsir atá ag teaċt.

²⁶ Oscluiḋ sí a béul re gliocus; agus iona teangaiḋ atá dliġeaḋ an ċinéultais.

²⁷ Féuċuiḋ sí go maiṫ do ṡliġṫiḃ a muinntire, agus ní iṫean sí arán an díoṁaóinis.

²⁸ Eírġid a clann súas, agus goirid beannuiġṫe ḋi; a fear fós, agus moluiḋ sé í, ġa raḋ,

²⁹ Do rinneadar mórán inġean neiṫe tréiṫeaċa, aċt do ṡáruiġ tusa íad uile.

³⁰ Is meallta an daṫaṁlaċd, agus is díoṁaoin an scéiṁ: aċt an ḃean eagluiġios an TIĠEARNA, is isi ṁolfuiġṫear.

³¹ Taḃraiḋ ḋi do ṫoraḋ a láṁ féin; agus molaidís a hoibreaċa féin annsna geataḋuiḃ í.