Seanraite 3 - An Bíobla Naoṁṫa 1817 (Bedell)

Caibidil III. Luaiḋeaċd ar aiṫeantaiḃ De do ċoiṁed.

¹ A ṁic, ná dearmaid mo ḋliġeaḋ; aċt coiṁéadaḋ do ċroiḋe maiṫeanta:

² Oír do ḃéaruid síad ċugad, fad láeṫeaḋ, agus sáoġal fada, agus síoṫċáin.

³ Ná tréigeaḋ trócaire agus fírinne ṫú: ceangail fad ḃráġaid íad; scríoḃ íad ar ċlár do ċroiḋe:

⁴ Marsin do ġeaḃa tú faḃar agus tuigsi ṁaiṫ a raḋarc Dé agus duine.

⁵ Cuir do ḋóiġ a Ndía re do uile ċroiḋe; agus ná bí táoḃ ré do ṫuigsi féin.

⁶ Ann do ṡliġṫiḃ uile adṁuiġ eision, agus do ḋéana sé do ṡliġṫe díreaċ.

⁷ Na bí glic ann do ṡúiliḃ féin: bíoḋ eagla an TIĠEARNA ort, agus seaċain an tolc.

⁸ Biáiḋ sin na ṡláinte dot imlinn, agus na smior dot ċnáṁuiḃ.

⁹ Onoruiḋ an TIĠEARNA le do ṁaóin, agus le primidil huile ḃisiġ:

¹⁰ Marsin líonfuiġear do scioból lé saíḋḃrios, agus brisfid do ċantaóiriġe amaċ le fíon núaḋ.

¹¹ A ṁic, na tarcuisniġ smaċtuġaḋ an TIĠEARNA; agus na bí curṫa ḋá ċeartuġaḋ:

¹² Oír an té ġráḋuiġios an TIĠEARNA, smaċtuiġiḋ sé é; aṁuil aṫair an mac iona mbí a ḋúil.

¹³ Is beanuiġe an té do ġeiḃ eagna, agus an duine do ġeiḃ tuigsi.

¹⁴ Oír is féarr a ceanniuġeaċt ná ceannuiġeaċt airgid, agus a soċar ná ór glan.

¹⁵ Is mórluáiġ go mór í náid na cloċa uaisle: agus na huile neiṫe is áoiḃinn leaċd ní coiṁmeas ría íad.

¹⁶ Atáid fad láeṫe ann a deasláiṁ; agus ann a láiṁ ċlé saiḋḃrios agus onóir.

¹⁷ Is sliġṫe soláis a sliġṫe, agus is síoḋċain a casáin uile.

¹⁸ Is crann beaṫa í don druing ġlacus greim ḋí: agus is beanuiġe gaċ aon dá ḃfostoiġionn í.

¹⁹ Do ṡuiġiḋ an TIĠEARNA an talaṁ le na ġliocas; le tuigse do ḋaingniḋ sé na flaiṫeaṁnuis.

²⁰ Le na éolus bristear amaċ na haigéin, agus filid na néulla an drúċt a núas.

²¹ A ṁic, ná dealċaidís sin ré do ṡúiliḃ: connuiṁ gliocas iomlán agus discréid:

²² Marsin béid síad na mbeaṫa dot anam, agus na ngrasaiḃ dot ṁuinéul.

²³ Ann sin siuḃoluiḋ tú ann do ṡliġe go daingean, agus ní ḃfuiġe do ċos tuisleaḋ.

²⁴ A nuáir luiḋfios tú síos, ní ḃía eagla ort: fós, luiḋgiḋ tú síos, agus biáiḋ do ċoḋlaḋ sáiṁ.

²⁵ Ná bíoḋ eagla ort re húaṁan obann, nó re dólás na nolc, a nuáir ṫiucfas sé.

²⁶ Oír buḋ é an TIĠEARNA do ḃaránta, agus cuiṁdeoċuiḋ sé do ċos ó ḃeiṫ gaḃṫa.

²⁷ Ná connaiṁ maiṫ ón ndruing dar dúal í, a nuáir ḃías sé a ccumas do laiṁe ré na ḋéanaṁ.

²⁸ Ná habair re do ċoṁarsuin, Imṫiġ, agus tárr a rís, agus do ḃéara mé a máraċ; a nuáir ḃías sé agad attaice.

²⁹ Ná tionnscuin olc a naġaiḋ do ċoṁarsan, ó áitreaḃus sé go suáiṁneaċ láiṁ riot.

³⁰ Ná ceannairg ré duine gan aḋḃar, muna ndéarna sé doċar ar biṫ ḋuit.

³¹ Ná bí tnúṫ agad ris an bfoiréigeantaċ, agus ná tóġ áon dá ṡliġṫiḃ.

³² Oir is aḋḟúaṫṁaireaċt don TIĠEARNA an ceannairgeaċ: aċt atá a ṡecréid ag an ḃfíréun.

³³ Atá mallaċt an TIĠEARNA a ttiġ an droċḋuine: aċt beannuiġiḋ sé áitreaḃ a nionnruic.

³⁴ Go dearḃṫa tarcuisniġiḋ sé na tarcuisniġ: aċt do ḃeir sé grása do na huirísliḃ.

³⁵ Ġeaḃuiḋ an duine glic oiġreaċt ġlóire: aċt is náire ḃus árduġaḋ do na hamadánuiḃ.