Seanraite 28 - An Bíobla Naoṁṫa 1817 (Bedell)

Caibidil XXVIII. Eagal an duine ċiontaiġ. 18 Agus socair an ḟíréin, &c.

¹ Teiṫid na cionntuiġ a nuáir naċ bí áonduine dá ttóruiġeaċt: áċt bíd na hionnruic dána aṁuil leoṁan.

² Ar son sáruiġṫe dúiṫċe bíd mórán prionnsaḋ uirre: aċt aig duine tuicsionaċ éolaċ mairfiḋ an staid a ḃfad.

³ Is cosṁuil an duine boċt ṡáruiġios an boċtan re fearṫuinn scúapṫa naċ ḃfágḃann beaṫa ar biṫ na diáiġ.

⁴ An drong ṫréigios an dliġeaḋ moluid na cíontuiġ: aċt an ṁéid ċoiṁéadas an dliġeaḋ caṫuiġid riu.

⁵ Ní tuigid na droċḋaóine breiṫeaṁnus: aċt tuigid an drong íarrus an TIĠEARNA gaċ uile ní.

⁶ Is féarr an boċt imṫiġios iona ionnracus, ná an té ḃíos urċóideaċ iona ṡliġṫiḃ, bíoḋ go mbeiṫ sé saiḋḃir.

⁷ Giḋ bé ċoiṁéadas an dliġeaḋ is mac glic é: aċt an té is companaċ do ḋaóiniḃ cráosaċa náiriġiḋ sé a aṫair.

⁸ An té ṁéaduiġios a ṁaoin lé húsuireaċt agus lé tarḃa éagcóir, cruinneoċuiḋ sé é don tí agá mbía truáiġe don ḃoċt.

⁹ An té iompoiġios a ċlúas ó ċluinsion an dliġe, biáiḋ a ġuiḋesin na aḋḟúaṫṁaireaċt.

¹⁰ Giḋ bé ḃéaras air an ḃfíréun seaċrán do ḋéanaṁ a ndroiċṡliġe, tuitfiḋ sé féin iona ṗoll: aċt biáiḋ neiṫe maiṫe a seilḃ an díriġ.

¹¹ Bíḋ an duine saiḋḃir críonna iona ṫuigsin féin; aċt scrúduiġ an boċt agá mbí tuigsi amaċ é.

¹² A nuáir ġáirdiġid na daoine ionnraca, bí glóir ṁór annsin: aċt a nuáir éirġios an cointaċ, folċaiḋ duine é féin.

¹³ Giḋ bé ċeilios a ṗeacuiġe ní ḃía biseaċ air: aċt giḋ bé adṁas agus ṫréigios íad do ġeaḃa sé trócaire.

¹⁴ Is sona an té air a mbí úaṁan do ġnáṫ: aċt an té ċruáiḋiġios a ċroiḋe tuitfiḋ sé a ttubaisde.

¹⁵ Aṁuil ḃíos leoṁan cuṫaiġ, agus maṫġaṁuin luáimneaċ; marsin ḃíos an droċúaċtaran ós cionn na ndaóine mboċt.

¹⁶ An prionnsa ag naċ bí tuigsi mar an ccéadna is mór an fear leaṫtruim é: aċt an té ḟúaṫuiġios saint faideoċuiġ sé a láeṫe.

¹⁷ An duine do ní fóirneart air ḟuil ḋuine ar biṫ teiṫfiḋ sé ċum an ṗuill; ná stadaḋ éanduine é.

¹⁸ Giḋ be ṡiúḃluiġios go fíréanta biaiḋ sé sáor: aċt an té ḃíos urċóideaċ iona ṡliġṫiḃ tuitfe sé a néinḟeaċt.

¹⁹ An té ṡáoṫruiġios a ḟearann biáiḋ fairsinge aráin aige: aċt an té leanas a ndiáiġ ḋáoine díoṁaóin do ġeaḃa sé boċtuine go lór.

²⁰ Líonfuiḋ an duine fíréanta do ḃeannaċduiḃ: aċt an té do ní deiṫnios ċum ḃeiṫ saiḋḃir ní ḃiáiḋ se neiṁċiontaċ.

²¹ Ní maiṫ meas do ḃeiṫ ar ḋaóiniḃ tar ċéile: óir ciontoċuiḋ an fearsin ar son greama aráin.

²² Bí droċṡúil ag an té ḋeiṫḃriġios ċum ḃeiṫ saiḋḃir ní ṫuigionn sé go ttiucfa boċtaine air.

²³ An té iomaiṫḃirios duine do ġeaḃa sé ní sa ṁó dfaḃar na ḋiaiġsin ná an té ḃláiṫuiġios leis an tteangaiḋ.

²⁴ Giḋ be ṡladas a aṫair nó a ṁaṫair, agus a deir, Ní peacaḋ é; is compánaċ do ṡladuiġe an té sin.

²⁵ An té agá mbí croiḋe uáiḃreaċ, cuiriġ sé ceannairg air siuḃal: aċt do ḋéantar méiṫ an té ċuirios a ḋóiġ annsa TIĠEARNA.

²⁶ Giḋ bé ṫáoḃas re na ċroiḋe féin is oinṁid é: aċt giḋ bé imṫiġios go glic táirṫeoċṫar é.

²⁷ Giḋ bé ḃeir ní don ḃoċt ní ḃiáiḋ easḃuiġ air: aċt an té ḟolċus a ṡúile do ġeaḃa sé mórán mallaċt.

²⁸ A nuáir éirġid na droċḋaoine, folċuid na daoine íad féin: aċt a nuáir imṫiġid seaċad, líonuid na fíréin.