Seanraite 24 - An Bíobla Naoṁṫa 1817 (Bedell)

Caibidil XXIV. Gan ċumann do ṡuáṫaḋ re droċḋaóiniḃ 3 aċt re tuigse agus eagna.

¹ Na bíse aingiḋe a naġaiḋ droċḋaóine, agus ná sanntoiġ ḃeiṫ na ḃfoċair.

² Oír stuidéaruiḋ a ccroiḋe millteaċus, agus laḃruid a mbéil urċóid.

³ Tré ġliocas do niṫior tiġ dfoirgneaḋ; agus le tuigsi daingniġṫior é:

⁴ Agus lé héolus líonfuiġṫear na séomraḋa le gaċ uile ṡaiḋḃrios ṁórluáiḋ ṡólasaċ.

⁵ Is láidir an duine éagnuiḋe; méaduiġ fós, fear a néolus neart.

⁶ Oír is lé coṁairle ġlic do ḋéana tú do ċogaḋ: agus a niomad na ccoṁairleaċ ḃíos cuṁdaċ.

⁷ Is ro árd a neagna do namadán: ní osclann sé a ḃéul annsa ġeata.

⁸ Goirfiḋṫear duine urċoideaċ don té ṫríallus an tolc do ḋéanaṁ.

⁹ Is peacaḋ smuáineaḋ a neiṁġliocuis: agus is aḋḟúaṫṁaireaċt an tarcuisneaċ do na daoiniḃ.

¹⁰ Má anḃfainniġionn tú a ló na haindeisi, is beag do neart.

¹¹ Má léigionn tú ḋíot tárṫáil na druinge ṫairngior ċum báis, agus an luċt ḃíos réiġ ċum a marḃṫa;

¹² Má deir tú, Féuċ, ní raíḃ a ḟios aguinn; naċ measann an té sgrúdas na croiḋṫe sin? agus naċ ḃfuil a ḟios ag an té ċuṁduiġios hanamsa, agus naċ ttinḃra sé dá gaċ áon do réir a oibreaċ?

¹³ A ṁic, iṫsi mil, do ḃríġ gur maiṫ í; agus an ċríaṫar ṁeala, noċ is milis dot ċarbad:

¹⁴ Marsin ḃías éolus na héagna dot hanam: anuáir do ġeaḃa tú é, annsin do ġeaḃṫar luáiġeaċt, agus ni ġéarrfuiġṫior amaċ do ḋóṫċus.

¹⁵ Ná cuir luiḋeaċán, a ḋroċ ḋuine, a naġaiḋ áitreiḃe a nfíréin; na creaċ a áit coṁnuiġe:

¹⁶ Oír tuitiḋ an duine ionnruic seaċt nuáire, agus éirġiḋ sé a rís: aċt tuitfid na ciontuiġ a nolc.

¹⁷ Ná lúaṫġáiriġ a nuáir ṫuitfios do náṁaid, agus ná gáirdiġeaḋ do ċroiḋe a nuáir do ġeiḃ sé tuisleaḋ:

¹⁸ Deagla go ḃfaicfeaḋ an TIĠEARNA sin, agus go maḋ míoṫaitneaṁaċ leis é, agus go niompoċaḋ a ḟearg úaḋ.

¹⁹ Ná bíoḋ fearg ort ar son na ndroċḋaoine, agus ná bíoḋ tnúṫ órt ris na ciontaċaiḃ;

²⁰ Oír ní ḃía luáiġeaċt ag an ndroċḋuine; cuinfiġear coinneal an ċiontuiġ as.

²¹ A ṁic, imeagluiḋsi an TIĠEARNA, agus an ríġ: agus ná bean ris na dáoiniḃ sóġluáisde:

²² Oír éireoċuiḋ a ndonus go hobann; agus cía dar fios a sgrios aráon?

²³ Bainid fós na neiṫesi ris na dáoiniḃ glic. Ní maiṫ meas do ḃeiṫ air ṗearsuinn tar a ċeile a mbreiṫeaṁnus.

²⁴ Giḋ bé déaras ris an gciontaċ, Atá tú ionnruic; mailleoċuiḋ an pobal é, fúaṫoċuid cineaḋaċa é:

²⁵ Aċt biáiḋ áoiḃneas don droing aiṫḃioras é, agus tiucfuíḋ beannuġaḋ maiṫ orra.

²⁶ Pógfuiḋear puisíniġ an té do ḃeir freagra ċeart úaḋ.

²⁷ Gléus hobair amúiġ, agus déan oireaṁnaċ ḋuit féin í annsa ṁaċaire; agus na ḋiáiġ sin déan do ṫiġ.

²⁸ Ná bí ad ḟíaḋuin a naġuiḋ do ċoṁarsan gan aḋḃar; agus ná meall le do ḃéul.

²⁹ Ná habair, Do ḋéana misi marsin ris aṁuil do rinne sé riom: cúiteoċuiḋ me ris a neglaċ do reir a oibre.

³⁰ Do ġaḃ mé láiṁ re maċaire an duine ḟallsa, agus láiṁ ré fíneaṁuin an duine gan tuigsin;

³¹ Agus, féuċ, do ḃí sin uile ar ḃfás ṫairis do ḋosánuiḃ, agus dfoluiġ a neantóg a aġuiḋ, agus do ḃí a ḃalla cloiċe briste sios.

³² Annsin do ċonnairc mé, agus do ṁeas mé go maiṫ é: dféuċ mé air, agus do ġaḃ mé teagasg.

³³ Beagan codalta fós, néull beag, filleaḋ beag na láṁ air a ċeile ċum codalta:

³⁴ Marsin tiucfuiḋ do ḃoċtuine mar áon ḃías ar siuḃal, agus do ríaċtanas mar ḋuine armṫa.