Seanraite 20 - An Bíobla Naoṁṫa 1817 (Bedell)

Caibidil XX. Gan ḃeiṫ ag caiṫeaṁ ar ḋeoċ laidir.

¹ Is mealtaire an ḟíon, is buileaṁuil an deoċ láidir: agus giḋ be méalltar léo sín ní ḃfuil sé críonna.

² Bí eagla an ríġ aṁuil búirfeaḋaċ leoṁain: giḋ bé ḃrostuiġios ċum feirge é peacuiġ sé a naġaiḋ a anma féin.

³ Is onóir do ḋuine scur do ċeannairg: aċt biáiḋ gaċ áon amadán ag teagṁáil.

⁴ Ní ṫreaḃṫuiġ an lorgánaċ do ḃríġ a nfúaċta; uimesin íarrfuiḋ sé déirc san ḃfoġṁar, agus ni bía aoinni aige.

⁵ As cosṁuil coṁairle a ccroiḋe ḋuine re huisge doṁuin; aċt taireonguiḋ duíne tuigseaċ amaċ í.

⁶ Maóiḋiġ an ċuid is mó do na daoiniḃ a maiṫeas féin gaċ áon aca: aċt cía ġeaḃus duine fírinneaċ?

⁷ Imṫiġ an duine ceart iona iomláine féin: bíd a ċlann beannuiġ na ḋiáiġ.

⁸ Scaóiliḋ an ríġ ṡuiġios a ccaṫaoir ḃreiṫeaṁnuis a nuile olc ó ċéile le na ṡúiliḃ.

⁹ Cía ḟéadas a ráḋ, Do rinne mé mo ċroiḋe glan, atáim glan óm ṗeacaḋuiḃ?

¹⁰ Coṁṫruim éagsaṁla, agus meaḋa éagsaṁla, atáid aráon aḋḟúaṫṁar a ḃfiaġnuise an TIĠEARNA.

¹¹ Aiṫeantar fós an leanaḃ air a ġníoṁarṫaiḃ, an mbí a ṡáoṫar fíorglan, nó an mbí ceart.

¹² Isé an TIĠEARNA do rinne aráon, an ċluas ċluinteaċ, agus an tsúil ḟaicsionaċ.

¹³ Ná gráḋuiḋ ċoḋlaḋ, deagla go ttiucfá ċum boċtaíne; oscáil do ṡúil, agus saiseoċtar le harán ṫú.

¹⁴ Neaṁniġ, neaṁniġ é, a deir an ceannuiġe: aċt a nuáir imṫiġios roiṁe, annsin muiḋiġ sé.

¹⁵ Atá ór ann, agus móran do ċloċuiḃ uáisle: aċt is íad bríaṫra a néolus an séud mórluáiġ.

¹⁶ Glac éadaċ an té ṫéid a nurruġas ar ċoiṁṫiġeaċ: agus glac geall uáḋ ar son mná ċoiṁṫíġiḋ.

¹⁷ Is milis le duine arán na ceilge: aċt na ḋiáiġ sin biáiḋ a ḃéul líonta do ġaineaṁ.

¹⁸ Daingniġṫear gaċ uile ṫionnsgnaṁ lé coṁairle: agus le coṁairle ġlic déana cogaḋ.

¹⁹ An té imṫiġios fa gcuáirt na aiṫristeaċ scéul scaóiliḋ sé rún: uimesin ná bean ris an te spleaḋuiġios le na ṗuisíniḃ.

²⁰ Giḋ bé ṁalluiġios a aṫair nó a ṁaṫair, cuirfiġṫear a loċrann as a ndorċadas duḃ.

²¹ Is féidir oiġreaċt dfaġáil go lúaṫ air ttosaċ; aċt ní buḋ beannuiġ a ċríoċsin.

²² Ná habairsi, Cúiteoċuiḋ mé olc, aċt feiṫ air an DTIĠEARNA, agus táirṫeoċuiḋ sé ṫú.

²³ Is aḋḟúaṫṁaireaċt don TIĠEARNA coṁṫruim éagsaṁla; agus an meaḋ mealltaċ ní maiṫ í.

²⁴ Is ón TTIĠEARNA atá imṫeaċt an duine; cionnus ḟéadus duine maiseaḋ a ṡliġe fein do ṫuigsin?

²⁵ Is paintéar don té ṡluigios ní naoṁṫa, agus tar éis móide íarṁoireaċt do ḋéanaṁ.

²⁶ Dioscaóiliḋ ríġ críona na droċḋaóine, agus do ḃeir sé an roiṫléan ṫarsa.

²⁷ Ise spiorad an duine coinneall an TIĠEARNA, ag scrúdaġ a nuile ċuid a stiġ don ḃolg.

²⁸ Trocaire agus fírinne ċuṁduiġios an ríġ: agus is lé trócaire connaiṁṫior súas a ċaṫaoir.

²⁹ Isí neart na ndaóine óg a nglóir: agus isí scíaṁ na seandaóine an ceann liaṫ.

³⁰ Glanuiḋ guirme na ċeiḋe a nurċóid: agus is marsin do níd na scíursaḋa a nuile ċuid a stiġ don ḃolg.