Seanraite 16 - An Bíobla Naoṁṫa 1817 (Bedell)

Caibidil XVI. Onoir ġnioṁarṫa Dé, 8 an ċeartais, 20 an ġliocuis, 31 an ċeinn leiṫe, &c.

¹ Is on TTIĠEARNA, ṫig ullṁuġaḋ an ċroiḋe annsa duine, agus freagra na teangṫa.

² Bíd uile ṡliġṫe an duine glan iona ṡúiliḃ féin; aċt coṁṫromuiġ an TIĠEARNA na spioraid.

³ Cuir hobair a leiṫ an TIĠEARNA, agus daíngneoċṫar do smuáintiġṫe.

⁴ Ḋó féin do rinne an TIĠEARNA gaċ uile ní: an ciontaċ fós, a gcionne laé a nuilc.

⁵ Is aḋḟúaṫṁaireaċt don TIĠEARNA gaċ uile ḋuine ḃíos uáiḃreaċ a ccroiḋe: bíoḋ go níuḋfaḋ láṁ a láiṁ, ní ḃíaiḋ se gan dioġaltas.

⁶ Le trócaire agus lé fírinne leasuiġṫear a néagcóir: agus lé heagla an TIĠEARNA seaċnuid daóine an tolc.

⁷ A nuáir ṫaitnid sliġṫe an duine leis an TTIĠEARNA, do ḃeir sé air a náṁaid féin ḃeiṫ síoḋaċ ris.

⁸ Is féarr beagán lé hionnracas ná cíosanna móra gan ċeart.

⁹ Ise croiḋe an duine ṫríallus a ṡliġe: aċt ísé an TIĠEARNA ḋíriġios a ċéime.

¹⁰ Bí fáistine ḋíaḋa a mbéul an ríġ: ní ċiontuiġionn a ḃéul a mbreiṫeaṁnus.

¹¹ Is leis an TTIĠEARNA scálaḋa agus ċoṁṫruim ċearta: is íad a obair coṁṫruim an ṁála uile.

¹² Is aḋḟúaṫṁaireaċt do ríġṫiḃ olc do ḋéanaṁ: óir daingniġṫear an ċaṫaóir ríoġa lé ionnracus.

¹³ Is íad puisíne fíreanta dúil nan ríġ; agus is ionṁuin léo an té laḃras an ceart.

¹⁴ Atá fearg an ríġ aṁail teaċtaireaḋ an ḃáis: aċt ceinnseoċuiḋ duine glic í.

¹⁵ Bí beaṫa a solus ġnúise an ríġ; agus a ḟaḃar aṁuil néul fearṫanna deiġionuiḋ.

¹⁶ Ga ṁéad is féarr eagna dfaġáil ná ór? agus tuigsi dfaġáil is córa í do ṫoġa ná airgiod?

¹⁷ Ise sliġe ṁór a nfírein dealuġaḋ ris a nolc: an té ċoiṁéadas a ṡliġe cuṁduiġe sé a anam.

¹⁸ Ṫig an túaḃar roiṁe a naiḋṁilleaḋ, agus áirdspiorad roiṁe an leagaḋ.

¹⁹ Is féarr ḃeiṫ do spioraid úṁail leis na hisliḃ, ná an ċreaċ do roinn leis a nuáiḃreaċ.

²⁰ An té ġlacus cúis go críonna do ġeáḃa sé maiṫ: agus giḋ be ċuirios a ḋóiġ ann sa TIĠEARNA, is soná é.

²¹ Goirfiġear duine críonna don ġlic a gcroiḋe: agus méuduiġiḋ millsi an beil ealaḋa.

²² Is tobar fíoruisge ċum beaṫa an tuigsi don tí agá mbí sí: aċd is amadánaċt teagasg na namadán.

²³ Múiniḋ croiḋe an ġlic a ḃéul, agus do ḃeir bárr ealaḋan dá ṗuisiniġ.

²⁴ Is cíor ṁeala bríaṫra millsi, milis do nanam, agus sláinte do na cnáṁuiḃ.

²⁵ Bí sliġe ann do ċiṫear ceart do ḋuine, aċt isé a ċríoċ sin sliġṫeaċa an ḃáis.

²⁶ An té ṡáoṫruiġios is dó féin ṡáoṫruiġios sé; óir íarruiḋ a ḃéul air é.

²⁷ Toċluiḋ an duine neiṁḋíaḋa olc: agus bi iona ḃéul aṁuil teine lasarḋa.

²⁸ Síolċuiriḋ an duine ceannairgeaċ imreasuin: agus dealuiġiḋ an cogarnaċ na cáirde disle ó ċéile.

²⁹ Brostuiġiḋ duine sáruiġṫe a ċoṁarsa, agus tréoruiġe sé é ċum na sliġeaḋ naċ maiṫ.

³⁰ Druidiḋ sé a ṡuile do ṫriall neiṫe ccrosta, ag corruġaḋ a ṗuisíne do ḃeir sé olc ċum críċe.

³¹ Is coróin ġlóire an ceann líaṫ, ar na ḟáġail a sliġe a nionracuis.

³² Is féarr an té ḃíos mall ċum feirge ná an cuṁaċtaċ; agus an té ríaġlas a spiorad ná an té ġaḃus caṫair.

³³ Do teilgeaḋ an crannċar annsa nuċt; aċt is ag an TTIĠEARNA atá a ċur a gcríċ uile.