Seanraite 15 - An Bíobla Naoṁṫa 1817 (Bedell)

Caibidil XV. Feaḃas, ṫeanga an eagnaiḋ, 10 na smaċda, 15 an ḃuiḋe, 22 an ċoṁairle, 31 agus na huirisleaċd.

¹ Iompoiġiḋ freagra ṁacánta fearg: aċt brostuiġid bríaṫra borba a nfearg.

² Gnáṫuiġ teanga a neagnuiġe éolus go ceart: aċt dóirtiġ béul na namadán leiṁe amaċ.

³ Atáid súile an TIĠEARNA ann gaċ uile ḃall, ag féuċuin air a nolc agus air an maiṫ.

⁴ Is crann beaṫa teanga ḟalláin: aċt is briseaḋ a spioraid urċóid do ḃeiṫ innte.

⁵ Tarcuisniġ amadán teagasg ón aṫair: aċt is eagnuiḋe an té ḃeir aire do smaċt.

⁶ Bí mórán ionṁuis a ttiġ a neagnuiḋe: aċt a ccíos an droċḋuine buaiḋreaḋ.

⁷ Díoscaóilid puisíne a neagnuiḋe éolus: aċt ní marsin do ċroiḋe a nainḃfiosaiġ.

⁸ Is aḋḟúaṫṁaireaċt don TIĠEARNA íoḋbairt an ċiontaiġ: aċt sí urnaiġ a nfíréin a ḋúil.

⁹ Is aḋḟúaṫṁaireaċt don TIĠEARNA sliġe an ċiontaiġ: aċt is ionṁuin leis an té leanas a ndiáiġ na fíréantaċta.

¹⁰ Is doirḃ an smaċt don té ṫréigios an tsliġe: éagfuiḋ an té ḟúaṫuiġios armáire.

¹¹ Atá ifrionn agus dioṫlaiṫriuġaḋ as coinne an TIĠEARNA: maiseaḋ ca ṁéid ní is mó ná sin atáid croiḋṫe ċloinne na ndaóine?

¹² Ní hionṁuin leis a ndísbeagaċ an té ḃeir aċṁusán dó: ní mó raċus sé gus na heagnuiġiḃ.

¹³ Do ní ċroiḋe súgaċ gnúis ṡuilḃir: aċt lé dóḃrón an ċroiḋe bristear an spiorad.

¹⁴ Iarruiḋ croiḋe an té agá mbí tuigsi éolus: aċt ís air amadánaċt beaṫuiġṫear béul na namadán.

¹⁵ Atáid uile láeṫe na daóine mbúaiḋearṫa go holc: aċt an té agá mbí croiḋe súgaċ bí féusta gnáṫaċ aige.

¹⁶ Bféarr beagan maille re heagla an TIĠEARNA ná ionnṁus mór agus buáiḋreaḋ maille ris.

¹⁷ Is féarr dínnér luiḃionn mar a mbí gráḋ, ná daṁ bíaḋta agus fúaṫ maille ris.

¹⁸ Dúisgiḋ duine niṁneaċ súas ceannairg: aċt an té is mall ċum feirge laġduiġiḋ sé imreasuin.

¹⁹ Atá sliġe an duine leisgeaṁail mar ḟál dosán: aċt atá sliġe a nionruic déanta go bláiṫ.

²⁰ Do ni mac críonna aṫair lúaṫġáireaċ: aċt tarcuisniġiḋ an duine leaṁ a ṁaṫair.

²¹ Bíḋ amadánaċt na sólás ag an té ḃíos gan eagna: aċt siuḃluiġ fear na tuigsi go díreaċ.

²² Toirmiscṫior tionnscanta a néagṁuis ċoṁairle: aċt a niomad na ccoiṁairleaċ daingniṫear íad.

²³ Sólásaiġear duine le freagra a ḃéil féin: agus an focal laḃarṫar iona am féin, cred é méud a ṁaiṫeasa!

²⁴ Is súas atá sliġe na beaṫa ag a neagnuiġ, ċor go seaċonaḋ sé ifrionn ṡíos.

²⁵ Leagfuiḋ an TIĠEARNA tiġ a nuáiḃriġ: aċt daingneoċuiḋ sé teóra na baintreaḃuiġ.

²⁶ Is aḋḟúaṫṁaireaċt don TIĠEARNA smuáintiġṫe an ċiontuiġ: aċt is briaṫra millse, bríaṫra a nfíorġlain.

²⁷ An té ḃíos diṫċiollaċ ċum éadala buáiḋriḋ sé a ṫiġ féin; aċt an té ḟúaṫuiġios bronta mairfiḋ sé.

²⁸ Stuidéaruiḋ croiḋe a nionraic ċum freagarṫa: aċt dóirtiġ béul an ċiontuiġ droiċneiṫe amaċ.

²⁹ Is fada an TIĠEARNA ón cciontaċ: aċt do ċluin sé guiḋe a nfíréin.

³⁰ Gáirdiġiḋ solus na súl an croiḋe: agus do ní clú ṁaiṫ cnáṁa méiṫ.

³¹ An ċlúas do ċluin aċṁusán na beaṫa, oirisiġ sí a measc na ndaóine nglic.

³² An té ḋíultas múnaḋ tarcuisniġiḋ sé anam féin: aċt an té uṁluiġios do smaċt do ġeiḃ sé tuigsi.

³³ Ise eagla an TIĠEARNA teagasg na heagna; agus atá uṁlaċt roiṁe onóir.