Seanraite 14 - An Bíobla Naoṁṫa 1817 (Bedell)

Caibidil XIV. Iomḋa gnée gliocuis agus amadánaċd.

¹ Cuiriḋ gaċ aóinḃean ċríonna a tiġ súas: aċt leagaiḋ a namaid síos é le na láṁaiḃ féin.

² An té ṡiuḃluiġios iona ḟíréantaċt eagluiġiḋ sé an TIĠEARNA: aċt an té ḃíos urċóideaċ iona ṡliġṫiḃ tarcuisniġíḋ sé é.

³ Bí slat úaḃair a mbéul a namadáin: aċt dídeonuiġ puisíne an duine ġlic íad.

⁴ A náit naċ bíd daiṁ, bí an mainséur glan: aċt tig biseaċ mór le neart an daiṁ.

⁵ Ní ḋéana fiaḋnuise ḋíleas bréug: aċt laiḃeoruiḋ a nfiaḋnuise ḟallsa bréuga.

⁶ Iarruiḋ an tarcuisneaċ eagna, agus ní ḟaġann: aċt is socaṁlaċ éolus don tí ṫuigios.

⁷ Imṫiġ as fiaḋnuise ḋuine leiṁe, a núair naċ moṫoċuiḋ tú ann béul a néoluis.

⁸ Isé gliocas a neagnuiḋe a ṡliġe do ṫuigsin: aċt is cluáin leiṁe na namadán.

⁹ Do níd amadáin magaḋ fan bpeacaḋ: aċt a measg na ḃfíréan atá faḃar.

¹⁰ Aiṫniġiḋ an croiḋe a ṡearḃus féin; agus ní ḃeanann coiṁṫiġeaċ re na ṡólás.

¹¹ Claóiḋfiġṫear tiġ an droċḋuine: aċt blaiṫfiġ áitreaḃ an ionnraic.

¹² Atá sliġe ann do ċiṫear díreaċ do ḋuine, aċt isé a ċríoċ sin sliġṫeaċa an ḃáis.

¹³ Annsa ġáire féin bí an croiḋe duḃaċ; agus sé críoċ an tsúgaċais sin dóbrón.

¹⁴ Lionfuiġear re na ṡliġṫiḃ fein an ġearrċumainnaċ a ccroiḋe: agus fásfuiġṫear an duine maiṫ úaḋ féin.

¹⁵ Creidiġ an simpliḋeaċ gaċ aonḟocal: aċt féuċaiḋ an duine ġlic go maiṫ dá imṫeaċt féin.

¹⁶ Eagluiġiḋ an duine críonna, agus dealuiġiḋ ó nolc: aċ cuṫaiġiḋ an tamadán, agus bíḋ sé dóṫċusaċ.

¹⁷ An té ḟearguiḋṫear go hobann do ní sé amadánaċt: fúaṫuiġṫear fear na ndroiċ-ṫionnsgantaiḋ.

¹⁸ Sealḃuiġid na simpliġiḋ amadánaċd: aċt coróntar an teagnuiḋ lé héolus.

¹⁹ Cláonuiḋ an tolc roiṁe an maiṫ; agus an droċḋuine a ngeataḋuiḃ na ḃfíréun.

²⁰ Fúaṫuiġṫear an boċt ċeana ó na ċoṁarsuin féin: aċt bí mórán carad ag an tsaiḋḃir.

²¹ An té ṫarcuisniġios a ċoṁarsa peacuiġ sé: aċt is beannuiġe an té, do ní trócaire air na boċtaiḃ.

²² Naċ seaċránuid an drong ṫionsgnas an tolc? aċt biáiḋ trócaire agus fírinne ag án ndruing ṫionnsgnas an ṁaiṫ.

²³ Bí tarḃa ann gaċ uile ṡáoṫar: aċt tríalluiḋ caint na bpuisíneaḋ aṁáin ċum easḃuiġt.

²⁴ Coróin na neagnuiḋe a saiḋḃrios: aċt is leiṁe amadánaċd na namadán.

²⁵ Sáoruiḋ a nfíaḋuin ḟírinneaċ anmanna: aċt laḃruiḋ an meaḃlaċ bréuga.

²⁶ Atá dóṫċus láidir a neagla an TIĠEARNA: agus biáiḋ cúil ḋídin agá ċlóinn.

²⁷ As tobar beaṫa eagla an TIĠEARNA, do ḋealuġaḋ ré paintéarniḃ an ḃáis.

²⁸ A niomad na ndaóine atá onóir an ríġ: aċt a neasḃuiḋ daóine atá milleaḋ an ṗrionnsa.

²⁹ Bí tuigsi ṁor ag an té ḃíos mall ċum feirge: aċt an té ḃíos deiṫniosaċ a spioraid árduiġiḋ sé leiṁe.

³⁰ Isé an croiḋe falláin beaṫa na féola: aċt loḃaḋ na gcnáṁ an tnúṫ.

³¹ An té ṡáruiġios an boċt masluiġiḋ sé a Ċruṫaiġṫeoir: an té onoruiġios é bí trócaire ann don ḃoċt.

³² Díbearṫar an ciontaċ as iona ċionntaiḃ: aċt bí dóṫċus ag an ḃfíréan iona ḃás.

³³ Socruiḋ eagna a ccroiḋe an té agá mbí tuigsi: aċt foillsiġṫear an ní atá a meaḋón na namadán.

³⁴ Arduiġiḋ a nfíréantaċt cineaḋ: agus is masla an peacaḋ do ṗobal ar biṫ.

³⁵ Bí faḃar an ríġ leis an tseirḃíseaċ ṁaiṫ: aċt bí a ḟearg a naġaiḋ an té ḃeir cúis náire.