Seanraite 12 - An Bíobla Naoṁṫa 1817 (Bedell)

Caibidil XII. Ní hionann smuáineaḋ, briaṫra, agus gníoṁa na bfiréin, agus luċt an uilc.

¹ Giḋ bé ġráḋuiġios teagasg gráḋuiġiḋ sé eólus: aċt an té ḟúaṫuiġios smaċt is brúideaṁuil é.

² Gnoḋuiġiḋ an duine maiṫ faḃar an TIĠEARNA: aċt daimneoċuiḋ sé duine na ndroiċṫríall.

³ Ní daingneoċar duine lé hurċóid: aċt ní háiṫreoċṫar fréaṁ a nfíréin.

⁴ An ḃean ṡuḃailceaċ is coróin dá fear í: aċt an ḃeán náiriġios é is loḃaḋ iona ċnáṁaiḃ í.

⁵ Ataid smuáintiġṫe a nfíréin ionnruic: aċt is cealg coṁairleaċa an droċḋuine.

⁶ Bíd bríaṫra an droċḋuine na luiġe a cceilg ar ḟuil: aċd tárṫoċuiḋ béul a nfíréin íad.

⁷ Teilgtear as na droċḋaoine, agus ní ḃíd ann: aċt seasuiḋ tiġ a nfíréin.

⁸ Molfuiġṫear duine do réir a eagna: aċt dísbeagfuiḋṫior an té agá mbía croiḋe urċóideaċ.

⁹ Is féarr an té ṫarcuisniġṫear, agus agá mbí seirḃíseaċ, ná an té onóruiġios é féin, agus ag naċ bí arán.

¹⁰ Bí cúram ag an duine ionnraic a nanam a ḃeaṫuiġ: aċt is crúaḋalaċ trócaire maiṫ an ċiontuiġ.

¹¹ An té ṡáoṫruiġios a ḟéarann sáiseoċṫar lé harán é: aċt an té leanas daóine díoṁaóine atá sé gan tuigsi.

¹² Iárruiḋ na coiriġṫe líonnan: aċt do ḃeir fréaṁ a nfíréin toraḋ.

¹³ Gaḃṫar an droċḋuine a míolaḃairt a ḃéil: aċt tiucfaiḋ an fíréun amaċ as buáiḋreaḋ.

¹⁴ Sáiseoċṫar duine lé maiṫ do ṫoraḋ a ḃéil: agus cúiteoċṫar luaiġeaċt a láṁ re duine.

¹⁵ Bí sliġe a namadáin díreaċ iona ṡúiliḃ féin: aċt is críonna an té éistios ré coṁairle.

¹⁶ Aiṫeantar air ball fearg a namadáin: aċt folċuiġ an duine críonna náire.

¹⁷ An té laḃras fírinne taisbeanuiḋ sé amaċ fíréuntaċt: aċt is cealg ṫaisbeanas a nfíaḋnuise ḃréugaċ.

¹⁸ Bíḋ drong ann laḃras cosṁuil re sáiṫiḃ cloiḋiṁ: aċt is sláinte teanga a neagnuiḋe.

¹⁹ Daingneoċṫar béul na fírinne go bráṫ: aċt ní ḃí an teanga ḃréugaċ aċt air feaḋ móimeinte.

²⁰ Cealg ḃíos a ccroiḋe na droinge noċ smuáinios an tolc: aċt do ċoṁ-airleaċaiḃ na síoṫċána atá gáirdeaċus.

²¹ Ní ṫeigeoṁa olc ar biṫ ris a nionraic: aċt líonfuiġṫear an droċḋuine do ṫubaiste.

²² Is aḋḟúaṫṁaireaċt don TIĠEARNA na béil ḃréagaċa: aċt is íad an drong ḋéanas go fírinneaċ a ḋúil.

²³ Ceiliḋ an duine glic éolus: aċt fúagraiḋ croiḋe na namadán amadánaċt.

²⁴ Iomċoruiḋ láṁ an ḋúṫraċtaiġ ríaġail: aċt biáiḋ an taiṁleasg fa ḋuiḃċíos.

²⁵ Do ḃeir dóbrón a ccroiḋe ḋuine air cromaḋ: aċt do ní focal maiṫ sólásaċ é.

²⁶ Is féarr an fíréun ná a ċoṁarsa: aċt mealluiḋ sliġe na ndroċḋaóine léo íad.

²⁷ Ní rósann an duine aiṁleasg an ní do ġaḃ sé lé fiaḋaċ: aċt is mórluáiġ substaint an duine ḋúṫraċtaiġ.

²⁸ A sliġe na fíréantaċta atá an beaṫa; agus ní ḃfuil bás ar biṫ ann a easánaiḃ.