Seanraite 11 - An Bíobla Naoṁṫa 1817 (Bedell)

Caibidil XI. Molaḋ an ċeartais, 25 agus na féile; le diomolaḋ na ccontrarḋa.

¹ Is aḋḟúaṫṁaireaċt don TIĠEARNA coṁṫrom ḟallsa: aċt sé an coṁṫrom ceart a ḋúil.

² A nuáir ṫig an túaḃar, annsin ṫig náire: aċd bí eagna ag na daóiniḃ úṁla.

³ Tréoraċuiḋ iomláine na nionnrac íad féin: aċt millfiḋ urċóid na sáruiġṫeaċ íadsan.

⁴ Ní ṫarḃuiġionn an saiḋḃrios a ló an dioġaltais: aċt sáoruiḋ a nfíréantaċd ó ḃás.

⁵ Díreoċuiḋ a nfíréantaċt an duine iomlán air a ṡliġe: aċt tuitfiḋ an ciontaċ le na ċiontaiḃ féin.

⁶ Sáorfuiḋ fíréantaċt na nionnrac íad féin: aċt géaḃṫar luċt an tsáruiġṫe iona néagcóruiḃ féin.

⁷ A nuair éugas an droċḋuine, éugaiḋ a ḋóṫċus: agus imṫiġiḋ dóṫċus na ndaoine neiṁionnraic.

⁸ Tárṫuiġṫear an fíréun as a ḃuáireaḋ, agus ṫig an droċḋuine iona áit.

⁹ Milliḋ an meaḃlaċ a ċoṁarsan le na ḃéul: aċt tré éolus sáorfuiġear an tionnraic.

¹⁰ A nuáir ḃiṫear go maiṫ ag na fíréanaiḃ, gáirdiġiḋ an ċaṫair: agus a nuáir marḃṫar an droċḋuine, bí lúaṫġáire ann

¹¹ Lé beannuġaḋ a nionnraic árduiġṫear an ċaṫair: aċt leagṫar í le béul an ċionntuiġ.

¹² An té ḃíos a néugṁuis críonaċta tarcuisniġ sé a ċoṁarsa: aċt bí fear na tuigsiona na ṫoċt.

¹³ Foillsiġiḋ aiṫriseaċ sgéul seicréidiġ: aċt an té agá mbí spiorad fírinneaċ ceiliḋ sé an taḋḃar.

¹⁴ A náit naċ bí coṁairle, tuitiḋ an pobal: aċt a niomad na ccoṁairleaċ ḃíos daingean.

¹⁵ An té ḃíos a nurruḋas ar ċoiṁiḋeaċ goirteoċṫar ann é: agus an té ḟúaṫuiġios urraḋas bí sé daingion.

¹⁶ Conġmaiḋ bean ġrásaṁuil onóir: agus cuṁduíġid na daóine láidre saiḋḃrios.

¹⁷ Do ní an duine trócaireaċ maiṫ ḋá anam féin: aċt an té ḃíos éattrocaireaċ buáiḋriḋ sé a ḟeóil féin.

¹⁸ Oibriġiḋ an droċḋuine obair ṁeallta: aċt don té ṡíolċuireas fíréantaċt biáiḋ lúaċ dearḃṫa aige.

¹⁹ Aṁail ċéimniġios fíréantaċt ċum beaṫa: mairsin an té leanas an tolc leanuiġ sé ċum a ḃáis féin.

²⁰ An drong agá mbí croiḋe urċóideaċ is aḋḟúaṫṁaireaċd don TIĠEARNA íad: aċt an ṁéid ḃíos díreaċ íona sliġe a síad sin a ḋúil.

²¹ Bíoḋ go níaḋfaḋ láṁ a láiṁ, ní ḃiáiḋ an droċḋuine gan dioġaltas: aċt sáorfuiġṫior slioċt a nfíréin.

²² Mar ṡéud óir a sruiṁ muice, is mar sin ḃíos bean ḃréaḋa air ḋíṫ discréide.

²³ Fonn a nfíréin aṁáin an ṁaiṫ: aċt dóṫċus an droċḋuine dioġaltas.

²⁴ Bí neaċ ann sgaóileas, agus ṫairis sin ḃeirios biseaċ; agus neaċ ċongṁas ní is mó no is iomċuḃaiḋ, aċt is ċum boċtuine ṫig sé.

²⁵ Do ḋéantar an tanam dáonaċtaċ méiṫ: agus an té ḟliuċas fliuċfuíġṫéar é féin mar an gceudna.

²⁶ An té ṫaisgios arḃar, mailleoċuiḋ an pobal é: aċt biáiḋ beannaċt air ċeann an te reacas é.

²⁷ Giḋ bé íarrus maiṫ go dúṫraċtaċ tuilliḋ sé faḃar: aċt an té íarrus tubaiste, tiucfaiḋ sí ċuige.

²⁸ An té ċuirios a ḋóiġ iona ṡaiḋḃrios tuitfiḋ sé: aċt bláiṫfid na fíréin aṁuil buinneáin.

²⁹ An té ḃuáiḋrios a ṫiġ féin buḋ leis oiġreaċt na gaóiṫe: agus biáiḋ an tamadán na óglaċ ag an ccríonna a ccroiḋe.

³⁰ Is crann beaṫa toraḋ a nionraic; agus an té ġnoḋuiġios anmanna is críonna é.

³¹ Féuċ, béarṫar luaiġeaċt do nfíréun annsa tsáoġal: ca ṁéad ní sa ṁó ná sin don ċiontaċ agus don ṗeacaċ.