Seanraite 10 - An Bíobla Naoṁṫa 1817 (Bedell)

Caibidil X. Deiċneaṁar siuḃailce, agus na duḃailceaḋ contrarḋa.

¹ Seanraiḋte Ṡoluiṁ. Do ní mac críonna aṫair sólásaċ: aċt sé an mac leaṁ duḃaċus a ṁáṫair.

² Ní ṫárḃuiġid ionṁusa na nolc aóinní: aċt sáoruiḋ an tionnracus ó ḃás.

³ Ní ḟuileonguiḋ an TIĠEARNA anam a nionruic do ḋul don ġorta: aċt teilgiḋ sé maóin an ċiontaiġ seaċad.

⁴ An té ċumlas lé laiṁ ṁainneaċtnuiġ ṫig sé ċum boċtuine: aċd do ní láṁ an dúṫraċtaiġ sáiḋḃir.

⁵ An té ċruinniġios annsa tsáṁraḋ mac críonna é: aċt an té ċoḋlas annsa ḃfóġṁar is mac do ġeiḃ náire é.

⁶ Atá sonus ar ċeann a nfíréin: aċt folċuiḋ foiréigion béul na cciontaċ.

⁷ As beannuiġ cuiṁne a nfíréin: aċt loiġfiġ ainm an droċḋuine.

⁸ Glacfuiḋ an duine glic a ccroiḋe aiṫeanta ċuiġ: aċt tuitfiḋ an tamadán síorċainteaċ.

⁹ An té ṡiuḃlas go hionnruic imṫiġiḋ go daingion: aċt an té ṁillios a ṡliġṫe aiṫeontar é.

¹⁰ An té ċláonas le na ṡúil taḃuiġ sé dóbrón: aċt tuitfiḋ a nóinṁid ṡíorċainteaċ.

¹¹ Is tobar beaṫa béul an duine ionruic: aċt folċaiġ foiréigion béul na cciontaċ.

¹² Dúisgiḋ an fúaṫ imreasuin: aċt folċuiḋ an gráḋ na huile ċionta.

¹³ Do ġeiḃṫior eagna a mbéul an té agá mbí tuigse: aċt atá slat a ccoinne ḋroma an té ḃíos a néagṁuis tuigsiona.

¹⁴ Do níd na daoine críonna stór éoluis: aċt is fogus béul a namadáin daiḋṁilleaḋ.

¹⁵ Isé saiḋḃrios an duine ṡaiḋḃir a ċaṫair neartṁar: sí a mboċdaine scrios na mboċt.

¹⁶ Tríalluiḋ sáoṫar a nfírein ċum beaṫa: toraḋ an ċionntoiġ ċum peacaiḋ,

¹⁷ An té ċoiṁéadas teagasg atá sé a sliġe na beaṫa: aċt an té ḋíultas smaċtuġaḋ atá sé air seaċrán.

¹⁸ An té ċeilios fúaṫ lé puisíniḃ bréagaċa, agus an té laḃras scannail, is amadán é.

¹⁹ Ní ḃí díṫ peacaiḋ a niomad na mbríaṫar: aċt an té ċongṁus air a ḃéul atá críonna.

²⁰ Is airgiod toġṫa teanga a nfíréin: is beag is fíu croiḋe an droċḋuine.

²¹ Beaṫuiġiḋ béul a nfíréin mórán: aċt éugaid na hamadáin do ḋíṫ eagna.

²² Do ní beannuġaḋ an TIĠEARNA, saiḋḃir, agus ní ċuirionn doilġios ar biṫ iona ċoiṁideaċt.

²³ Is ait leis a namadán urċóid do ḋéanaṁ: aċt bí críonnaċt aig fear na tuigsi.

²⁴ Tuitfiḋ eagla an droċḋuine, air féin: aċt aointeoċṫar iarratas a nfíréin.

²⁵ Mar imṫiġios an ġáoṫ ġuáirdeáin, mar sin ni ḃíonn an droċḋuine ní sa ṁo: aċt is bunáit ṡíorruiḋe an tionnruic.

²⁶ Mar ḃíneagra do na fíaclaiḃ agus deataċ do na súiliḃ, marsin ḃíos an lorgánaċ don druing ċuirios úaṫa é.

²⁷ Cuiriḋ eagla an TIĠEARNA fad ar na láeṫiḃ: aċt géarrfuiġear blíaḋna an droċḋuine.

²⁸ Dóṫċus ḃus lúaṫġáire do nfíréun: aċt raċaiḋ furaċus an droċḋuine ar meaṫ.

²⁹ Is neart do nionruic sliġe an TIĠEARNA: aċt bíaiḋ sgrios air luċt oibriġṫe a néigceirt.

³⁰ Ní corroċṫar an fíréan ċoiḋċe: aċt ní áitreoḃuiḋ an ciontaċ an talaṁ.

³¹ Do ḃeir béul an duine ċeirt críonaċt úaḋ: aċt géarrfuiġṫear amaċ an teanga ṁillteaċ.

³² Aiṫniġid puisíniġ a nfíréin cred is ionġlacṫa: aċt laḃruiḋ béul an ċiontuiġ go cam.