Seanraite 1 - An Bíobla Naoṁṫa 1817 (Bedell)

Caibidil I. A sé tosaċ agus daingniuġaḋ an ġliocuis, eagla Dé.

¹ Seanraiḋe ṡolaiṁ ṁic Dáiḃi, ríġ Israel;

² Daiṫniuġad eagna agus teasaisg; do ṫuigsin ḃríaṫra a ttuigsionaċd;

³ Do ġlacaḋ teagaisg na heagna, an ċeirt, an ḃreiṫeaṁnuis, agus an ċoṁṫruim;

⁴ Do ṫaḃairt géarċúise don tsimpliḋ, eóluis agus deiscréide don duine og.

⁵ Eístfiḋ an duine críonna, agus méideoċuiḋ sé foġluim; agus tiucfa duine tuicsionaċ ċum coṁairleaċ críonna:

⁶ Do ṫuicsin seanḟocail, agus dá ċíalluġaḋ; briaṫra na neagnuiḋe, agus ráite dorċa.

⁷ Asé eagla an TIĠEARNA tosaċ a néoluis: aċt dísbeaguid na hamadáin eagna agus teagasg.

⁸ A ṁic, éisd ré teagasg haṫar, agus ná tréig dliġeaḋ do ṁaṫar:

⁹ Oír béid síad iona ccóruġaḋ grás dot ċionn, agus na slaḃraḋuiḃ timċioll do ḃráġad.

¹⁰ A ṁic, má ḃrosduiġid peacaiċ ṫú, ná háontuiġ léo.

¹¹ Má deirid síad, Tárr linn, cuiriom luiḋeaċán air ḟuil, luiḋiom a ḃfolaċ ar ċionn an neiṁċiontaiġ gan ċúis:

¹² Sluigiom súas íad béo mar a núaiġ; agus iomlán, mar an ndruing ṫéid síos annsa ṗoll:

¹³ Do ġeaḃam gaċ uile ṁaóin ṁórluáiġ, líonfam ar ttiġṫe lé héadáil:

¹⁴ Teilg a steaċ do ċrannċar ar measg; bíoḋ áonsparán aguinn uile:

¹⁵ A ṁic, ná siuḃailsi annsa tsliġe léo; congṁaiḋ air hais do ċos ó na ccasán:

¹⁶ Oír riṫid a ccosa ċum uilc, agus do níd deíṫnios do ḋórtaḋ fola.

¹⁷ Go deiṁin is díoṁaóin an líon do spréaḋaġ a raḋarc eún ar biṫ.

¹⁸ Agus cuirid síad luiḋeaċán ar a ḃuil féin; luiġid a nuáignios air a nanmannaiḃ féin.

¹⁹ Mairsin atáid sliġṫe gaċ uile ḋuine dá mbí sanntaċ ċum éadála; noċ ḃeánas a nanam as a ndruing ler leis í.

²⁰ Eíġiḋ a neagna amuiġ; léigiḋ sí amaċ a guṫ annsna sráidiḃ:

²¹ Eíġiḋ sí annsa náit is mó taṫuiġṫe, a noscaltaiḃ na ngeataḋ: a deir sí a briaṫra annsa ċaṫruiġ, ag raḋ,

²² Gá fad, a ḋaóine simpliḋe, ġráiḋeoċtaoi simpliḋeaċt? agus ḃías dúil ag na tarcuisneaċaiḃ iona ttarcuisne, agus fúaṫoċuid amadáin a neagna?

²³ Filliḋsi re mo aċṁusánsa: féuċ, dóirtfiḋ mé amaċ mo spíorad ċugaiḃ, ḃéara mé fios mo ḃríaṫra díḃ.

²⁴ Do ḃríġ gur ġoir mé, agus gur ḋíultaḃairsi; gur ṡín mé mo láṁ amaċ, agus naċ ttug áon duine aire;

²⁵ Aċt do ċuireaḃair mo ċoṁairle uile a neiṁní, agus níor ḃáill liḃ maċṁusán:

²⁶ Do ḋéana misi fós gáire fa ḃur ndonassa; do ḋéana mé magaḋ a nuáir ṫiucfas ḃur neagla;

²⁷ A nuáir ṫiucfas ḃur neagla aṁail léirsgrios, agus ṫiucfas ḃur milleaḋ aṁuil gáoṫ ġuáirdéain; a nuáir ṫiocfas aindeisi agus cuṁgaċ oruiḃ.

²⁸ Annsin gairfid síad orumsa, aċt ní ḟreigeora mé; íarrfuid mé go moċ, aċt ní bfaġaid síad mé:

²⁹ Do ḃríġ gur ḟúaṫuiġeadar éolus, agus nar ṫoġadar eagla an TIĠEARNA:

³⁰ Níor ḃáill léo mo ċoṁairlesi: do ḋísbeagadar maċṁusán uile.

³¹ Uimesin íosuid síad do ṫoraḋ a sliġe féin, agus líonfuiġear íad dá dtionnscantaiḃ féin.

³² Oír muirfiḋ suaiṁneas na namadán íad, agus scriosfuiḋ sonas na nóinṁideaḋ íad.

³³ Aċt giḋ bé éistios riomsa, áitreoḃuiḋ sé go daingean agus biáiḋ sé suáiṁneaċ ó eagla a nuilc.