Séamas 2 - An Bíobla Naoṁṫa 1817 (Bedell)

Caibidil II Naċ mar Abraham, aċd cosṁuil re creideaṁ eattrom na ndeaṁan, creideaṁ gan deaġ oibreaċuiḃ.

¹ A ḋearḃraiṫre, ná bíoḋ creideaṁ ar Dtíġearna ġlórṁar Iósa Críosd aguiḃ, maille ré féuċain do ṗearsuin seaċ a ċéile.

² Oír dá dtí neaċ a steaċ da ḃur gcoiṁṫíonól ar a mbiáiḋ fáinne óir, a néudaċ lonnraċ, agus go dtiucfuiḋ duine boċd mar an gcéudna a néudaċ ṫruáilliġe;

³ Agus go mbiáiḋ féuċain aguiḃ don tí ar a mbí an téudaċ lonnraċ, agus go naibéora siḃ ris, Suiġse sa nionad onóraċsa; agus go naibéora siḃ ris an duine boċd, Seasaiṁse ann sin ṫall, no suíġ ann so faói sdol mo ċos:

⁴ A né naċ ḃfuil siḃ ag breaṫnuġaḋ eadruiḃ féin, agus do rinneaḋ breiṫeaṁuin díḃ air ḋroċ smuáintiġiḃ?

⁵ Eisdiġ, a ḋearḃráiṫre gráḋaċa, A né nár ṫoġ Día boiċd an tsáoġailse, sáiḋḃir a gcreideaṁ, agus na noiġriġiḃ na rioġaċda noċ do ġeall sé don druing ġráḋuiġeas é?

⁶ Aċd tugaḃairse easonóir don ḃoċd. A né naċ déunuid na sáiḋḃir ro iomarcuiġ oruiḃ, agus a né naċ dtairrngid siḃ ċum breaṫeaṁnuis?

⁷ A né naċ dtaḃruid síad masla don nainm óiḋeirc as a nainmniġṫear siḃ?

⁸ Giḋeaḋ dá gcoiṁlíona siḃ an reaċd ríoġa do réir an sgriobtúir, Graḋuiġ do ċóṁarsa mar ṫú féin, as maiṫ do ní siḃ é:

⁹ Aċd má ḃíonn féuċain do ṗearsuin seaċ a ċéile aguiḃ, do ní siḃ peacaḋ, agus éiliġṫear siḃ ón réaċd mar luċd sáruiġe.

¹⁰ Oir giḋ bé neaċ ċoiṁlíonfus an reaċd uile, agus ġeuḃas tuisleaḋ a néun áiṫne aṁáin, ata sé ciontaċ ionnta uile.

¹¹ Oír an tí a duḃairt, Ná déun aḋaltrannas, a duḃairt sé mar an gcéudna, Ná déun dúnṁarḃaḋ. Agus bíoḋ naċ ndéun tú aḋaltrannas, aċd go ndéun tú dúnṁarḃaḋ, do rinneaḋ fear sáruiġe an réaċda ḋíot.

¹² Go maḋ haṁluiġ laiḃéorṫaói, agus go maḋ haṁluiḋ ḋéunas siḃ, mar an luċd ar a ndéuntar breiṫeaṁnus tré reaċd na saóirsi.

¹³ Oír breiṫeaṁnus gan trócaire, don tí naċ dearnaḋ trócaire; agus do ní an trócaire gáirdeaċas a naġuiḋ an ḃreiṫeaṁnuis.

¹⁴ Créd é an tarḃa, a ḋearḃráiṫre, do neaċ a ráḋ go ḃfuil creideaṁ aige, agus gan oibreaċa aige? an ḃféudann an creideaṁ a ṡáoraḋ?

¹⁵ Oir da raiḃ dearḃráṫair nó deirḃṡíur lomnoċduiġe, agus a riaċdanas na béaṫa láeṫeaṁla,

¹⁶ Agus go naibéora neaċ aguiḃse ríu, Imṫiġe róṁuiḃ a síoṫċain, goruiḋ siḃ féin agus líonuiġ ḃur mbuilg; agus gan siḃ do ṫaḃairt na neiṫeann atá na riaċdanas ar an gcolainn dóiḃ; créd é a ṫarḃa sin?

¹⁷ As aṁluiḋ sin an ċreideaṁ mar an gcéudna, muna ḃfuilid oibreaċa aige, atá sé marḃ ann féin.

¹⁸ Aċd, a déuruiḋ neaċ éigin, Atá creideaṁ agadsa, agus atáid oibreaċa agumsa: taisbéinse ḋáṁsa do ċreideaṁ a ḃféugmuis hoibreaċa, agus taisbéuneadsa mo ċreidiṁ ḋuitse as ṁoibreaċuiḃ.

¹⁹ Creidiġ tusa go ḃfuil áon Ndía ann; as maiṫ do ní tú sin: creidid na deaṁuin féin mar an gcéudna, agus crioṫnuiġid síad.

²⁰ Aċd a ḋuine ḋíoṁaóin, an mían leaċd a ḟios dfáġáil, gur marḃ an creideaṁ gan oibreaċuiḃ?

²¹ A né naċ ó oibreaċuiḃ do rinneaḋ ar naṫair Abráham fíréunta, an tan dforáil sé a ṁác Isaac ar naltóir?

²² A né naċ léir ḋuit go raiḃ an creideaṁ ag coṁoibriuġaḋ maille ré na ġníoṁarṫuiḃ, agus gur ab as na gníoṁarṫuiḃ do rinneaḋ an creideaṁ diongṁálta?

²³ Agus do coiṁlíonaḋ an sgriobtúir a deir, Do ċreid Abraham do Ḋía, agus do measaḋ ḋó é na ḟiréuntaċd: agus do goireaḋ Caruid Dé ḋe.

²⁴ Ar a naḋḃarsin do ċí siḃ gur ab as oibreaċuiḃ do niṫear duine fíreunta, agus naċ as creideaṁ aṁáin.

²⁵ Agus mar an gcéudna fós an ṁeirdreaċ Rahab, a né náċ as oibreaċuiḃ do rinenaḋ firéunta í, an tan tug sí aóiḋeaċd do na teaċdaireaḋiḃ, agus do ċuir sí uáiṫe íad a sliġe eile?

²⁶ Oir aṁuil is marḃ an corp a ḃféugṁuis na spioruide, as aṁluiḋ sin mar an gcéudna ḃíos an creideaṁ marḃ gan oibreaċuiḃ.