Roṁánaċ 6 - An Bíobla Naoṁṫa 1817 (Bedell)

Caibidil VI Ar ċum peacaḋ do scrios, 4 aiṫġintear duine tré baisde, 12 agus ḟásas sé a Gcríosd.

¹ Ar a naḋḃarsin créd a déurum? An ḃfanfum a gcóṁnuiḋe a bpeacaḋ, ionnus go líonfaḋ grás Dé?

² Nár léige Día sin. Cionnas do ḟéadfamaóisne, atá marḃ don ṗeacaḋ fuireaċ béo fós ann?

³ A né naċ ḃfuil a ḟios agaiḃ, an ṁéid ḋínne do baisdeaḋ a Níosa Críosd gur baisdeaḋ sinn ann a ḃás san?

⁴ Ar a naḋḃarsin atámuid aḋlaice maráon risean tré ḃaisdeaḋ ċum báis: ionnus do réir mar do tógḃaḋ súas Críosd ó ṁarḃaiḃ ċum glóire a Náṫar, gur mar sin mar an gcéudna do ḋéunmais siuḃal a núaiḋeaċd beaṫa.

⁵ Oír dá raiḃ sinn air ar bplannduġaḋ maráon rision a gcosṁuilaċd a ḃáis: bíam mar an gcéadna a gcosṁuilaċd a eiséiriġe:

⁶ Ar mbeiṫ ḟios so aguinn, go ḃfuil ar seanduine ar ná ċéusaḋ maráon rision, do ċum go sgriosfuiḋe corp an ṗeacaiḋ, ionnus náċ déanamaóis seirḃis ó so súas don ṗeacaḋ.

⁷ Oír an tí fuáir bás, is sáor é ó ṗeacaḋ.

⁸ Agus má fúaramar bás mar áon ré Críosd, creidmid go mairfeam mar an gcéudna maráon ris:

⁹ Ar mbeiṫ a ḟios aguinn ar néirġe do Ċríosd ó ṁarḃaiḃ naċ ḃfuiġe sé bás ní sa ṁó; ní ḃfuil tiġearnus feasda ag an mbás air.

¹⁰ Oir ar ḃfaġáil ḃáis dó, is don ṗeacaḋ fuáir sé bás éunuáir aṁáin: aċd ar mbeiṫ béo ḋó, is do Ḋía atá sé béo.

¹¹ Agus mar an gcéudna is measda ḋáoiḃsi go ḃfuilti go deiḃin marḃ don ṗeacaḋ, agus béo do Ḋía tré Iósa Críosd ar Dtiġearna.

¹² Ar a naḋḃarsin na bioḋ rioġaċd ag an bpeacaḋ ion ḃur gcorp sóṁarḃṫa, ionnus go dtiuḃraḋ siḃ úṁlaċd dó ann ainṁianaiḃ.

¹³ Agus na tugaiḋ ḃur mbaill na nármuiḃ éugcóra don ṗeacaḋ: aċd tugaiḋ siḃ féin do Ḋía, mar ḋruing atá béo ó ṁarḃuiḃ, agus ḃur mbaill na nármuiḃ firéantaċda do Ḋía.

¹⁴ Oír ní ḃiáiḋ tiġearnus ag an bpeacaḋ oraiḃ: do ḃríġ náċ fáoi an dliġeaḋ atá siḃ, aċd faói ġrásuiḃ.

¹⁵ Créd eile maseaḋ? a ndéanam peacaḋ, ar a naḋḃar náċ ḃfuilmíd faói an dliġeaḋ, aċd faói ġrásuiḃ? nar léige Día sin.

¹⁶ An é naċ ḃfuil a ḟios aguiḃ, giḋ bé ḋá dtaḃarṫaói siḃ féin mar ṡeirḃíseaċuiḃ ċum úṁlaċda, gur seirḃísiġ siḃ don tí sá núṁlaiġṫí; mas do ṗeacaḋ ċum báis, no dúṁlaċd ċum firéantaċda?

¹⁷ Aċd buiḋeaċas ré Día, go raḃaḃair ḃur seirḃíseaċuiḃ ag an bpeacaḋ, aċd dúṁlaiġ siḃ ó ċróíḋe don ḟoirm ṫeaguisg do tugaḋ ḋíḃ.

¹⁸ Agus ar mbeiṫ ḋíḃ ar ḃur sáoraḋ ó ṗeacaḋ, do rinneaḋ seirḃísiġ don ḟíréuntaċd ḋaóiḃ.

¹⁹ Is mar ḋuine laḃrum ar son anḃfainne ḃur ḃféolasa: oír do réir mar ṫugaḃair ḃur mbaill na seirḃíseaċuiḃ do neaṁġloine agus do ḃriseaḋ na naiṫeantaḋ ċum éagcóra; taḃruiġ a nois mar an gcéudná ḃur mbaill na seirḃíseaċuiḃ don ḟíréantaċd ċum náoṁṫaċda.

²⁰ Oír an tan do ḃí siḃ ḃur seirḃíseaċuiḃ ag an bpeacaḋ, do ḃí siḃ sáor ó ḟíréuntaċd.

²¹ Ar a naḋḃarsin créd é an toraḋ fúaraḃair a nuáirsin ann sna neiṫiḃ fá a ḃfuil náire a nois oraiḃ? oír as é as críoċ ḋóiḃ bás.

²² Aċd a nois ar mbeiṫ ḋáoiḃ ar ḃur sáoraḋ ó ṗeacaḋ, agus ar ḃur ndéunaṁ ḃur seirḃiseaċuiḃ dó Ḋía, atá toraḋ aguiḃ ċum náoṁṫaċda, agus an ċríoċ ḋeiġeanaċ an ḃeaṫa ṁarrṫanaċ.

²³ Oír asé as tuarasdal don ṗeacaḋ bás; aċd asé taḃartus De an ḃeaṫa ṁárrṫanaċ tré Iosa Críosd ar Dtiġearna.