Roṁánaċ 5 - An Bíobla Naoṁṫa 1817 (Bedell)

Caibidil V Toraḋ na saóirsinne tré ċreideaṁ; 12 agus Coiṁṡíneaḋ Aḋaíṁ agus Ċríosd ré ċéile.

¹ Ar a naḋḃarsin tar éis ar soárṫa tré ċreideaṁ, atá sioṫċáin aguinn ré Día tré ar Dtiġearna Iósa Críosd:

² Tré na ḃfúaramar mar an gcéadna sliġe trés an gcreideaṁ ċum na ngrása ann a seasmáoid, agus a ndéanmáoid gáirdeaċás fá ṁuiníġin ġlóire Dé.

³ Agus ní hé aṁáin, aċd do nimid gáirdeaċus mar an gcéadna a dtrioblóidiḃ: do ḃríġ go ḃfuil a ḟios aguinn go noibriġeann an trioblóid foiġid;

⁴ Agus an ḟoiġid, dearḃaḋ; agus an dearḃaḋ, dóṫċus:

⁵ Aċd ní aḋnáirġeann an dóċus; do ḃríġ go ḃfuil gráḋ Dé ar na ḋórtuḋ an ar gcroiḋiḃne trés an Spiorad Náoṁ atá ar na ṫaḃairt dúinn.

⁶ Oír do ḟúlaing Críosd bás na am féin ar son na ndaóineaḋ neaṁḋíaḋa, an tan do ḃámar fós anḃann.

⁷ Oír deiṁin is deacair go ḃfuileongaḋ duine bás ar son ḟírénuiġ: óir dob éidir go laṁṫaḋ duine éigin bás dfulang ar son ḋuine ṁaiṫ.

⁸ Aċd foillsiġiḋ Día a ġráḋ féin dúinne ann so, do ḃriġ ag mbeiṫ ḋúinn fós ar bpeacṫaċuiḃ, gur ḟuiling Críosd bás air ar son.

⁹ Ar a naḋḃarsin, tar éis ar sáorṫa a nois lé na ḟuilsion, is mó go mór ċoiṁéudfuiḋṫear sinn ṫrídsion ó ḟeirg.

¹⁰ Oir má, réiḋeaḋ eadruinne agus Día tré bás a Ṁic, a nuáir do ḃámar ar náiṁdiḃ, is mó ná sin go mór, ar mbeiṫ a naṫṁuinntearḋas dúinn, ċoiṁéadfuiġṫear sinn tré na ḃeaṫasan.

¹¹ Agus ní hé sin aṁáin, aċd már an gcéudna do nímíd máoiḋeaṁ a Ndía tré ar Dtiġearna Iósa Críosd, tré a ḃfúaramar a nois an taṫṁuinntearḋas.

¹² Ar a naḋḃarsin mar ṫáinic an peacaḋ air a tsáoġal tré áonduine aṁain, agus an bás trés an bpeacaḋ; is mar sin ráinic an bás na huile ḋaóine, ar son gur ṗeacuiġeadar uile:

¹³ Oír gus an dliġeaḋ do ḃí an peacaḋ ann sa tsáoġal, aċd ní cuirṫear an peacaḋ a leiṫ ḋuine a nuáir naċ mbíonn dliġeaḋ ann.

¹⁴ Giḋeaḋ do ḃí rioġaċd ag an mbás ó Aḋaṁ go Maóisi, ar a ndréim fós nar ṗeacaiġ do réir ċosaṁlaċda easuṁlaċda Aḋuiṁ, noċ atá na ḟioġair ag an té úd do ḃí ċum teaċda.

¹⁵ Aċd ní mar an gcoir, atá an tioḋlacaḋ. Oir má fúaradar mórán bás tré ṫuitim áonduine aṁáin, is roṁó na sin do acfuinniġ grás Dé, agus an tioḋlacaḋ tré ġrás a náonduine Iósa Críosd, do ṁórán.

¹⁶ Agus ní mar an táonduine do ṗeacuiġ, atá an taḃartas: óir ṫáinic an ḃreiṫeaṁnus tré áonċoir aṁáin ċum dámanta, aċd tainic an taḃartus ó iomad cionntaḋ ċum sáorṫa.

¹⁷ Oír más do ḃríġ áonċoire aṁáin do ġaḃ an bás rioġaċd tré áonduine; is mó ná sin go mór do ġéuḃá an ṁuinntir ġlacas fáirsingi ġrása agus ṫaḃartais na fireantaċda rioġaċd a mbeaṫa tré áon, eaḋon Iósa Críosd.

¹⁸ Ar a naḋḃarsin, aṁail as tré áonċoir aṁáin ṫáinic bréiṫeaṁnus air ná huile ḋaóiniḃ ċum damanta; is mar sin ṫáinic an taḃartus tré áontsáoraḋ aṁáin air gaċ uile ḋuine ċum sáorṫa na beaṫa.

¹⁹ Oír mar is tré easúṁlaċd éunduine aṁáin do rinneaḋ peacuiġ do ṁórán, is mar sin tré úṁlaċd éunduine aṁáin do ḋéantar firéanuiġ do ṁórán.

²⁰ Aċd ṫáinic an dliġeaḋ, ionnus go méidéoċṫaói an ċoir. Aċd sa ḃall ar ṁéuduiġ an peacaḋ is ann rug an grás bárr:

²¹ Ionnus dó réir mar do ṫiġearnuiġ an peacaḋ ċum báis, go dtiġearnóċaḋ grás mar an gcéudna tré ḟiréantaċd ċum na beaṫa marṫanuiġe tré Iosa Críosd ar Dtiġearna.