Roṁánaċ 3 - An Bíobla Naoṁṫa 1817 (Bedell)

Caibidil III O ṡaruiġ na Iuduiġe an reaċd, 28 sé creideaṁ is didean dóiḃsi, agus do na Cineaḋaċaiḃ.

¹ Maseaḋ cred é an bárr atá ag an Iúduiḋe? nó créd é tarḃa an timċeallġearrṫa?

² Is mór é ar gaċ áonċor: a ċéadúair, do ḃríġ gur ríusan do ṫáoḃaḋ ḃríaṫra Dé.

³ Oír créd é an ċúis má nár ċreideadar dream áiriġe ḋíoḃ? a ndéuna a neaṁċreideaṁsan fírinne Dé gan eifeaċd?

⁴ Nár léige Día sin: aċd, bíoḋ Día fírinneaċ, agus gaċ uile ḋuine bréugaċ; mar atá sgríoḃṫa, Ar ċor go sáorfuiḋe ṫú ad ḃríaṫruiḃ, agus go mbearṫa buáiḋ an tan ḃeireas tú breiṫ.

⁵ Aċd má neartuiġeann ar néagcóirne cóir De, créd a déaram? An ḃfuil Día éagcóraċ do ní dioġaltus? (mar ḋuine laḃruim.)

⁶ Nár léige Día sin: oir don táoḃ eile cionnas ḃias Día na ḃreiṫeaṁ ar a tsáoġal?

⁷ Oír má ṁéudaiġe fírinne Dé trém ḃréigsi ċum a ġlóiresion; créd fá a ndamantar misi fós mar ṗeacṫaċ?

⁸ Agus créd fá naċ déanámaoid uile, ionnus go dtiocfaḋ maiṫe ḋíoḃ, (do réir mar ṁaslaiġṫear sinne, agus mar a deirid dáoine áiriġe) ar a dtig damnúġaḋ ó ċeart, go nabramáoid?

⁹ Créd eile má seaḋ? an ḃfuilmídne ag breiṫ ḃáirr? Ní ḃfuilmíd, ar éanċor: óir do ṡuiġeamar roiṁe so na Iúduiġe agus na Gréaguiġ uile, do ḃeiṫ fá ṗeacaḋ;

¹⁰ Mar atá sgríoḃṫa, Ní ḃfuil firéun ann, fós, ní ḃfuil, áonnduine:

¹¹ Ní ḃfuil neaċ ann ṫuigeas, ní ḃfuil neaċ íarrus Día.

¹² Do ċláonadar uile, atáid síad a néinḟeaċd ar na ndéunaṁ míṫarḃaċ; ní ḃfuil neaċ ann do ḋéunaḋ maiṫ, ní ḃfuil, go héinneaċ.

¹³ As uáiṁ osguilte a sgórnaċ; do rinneadar meaḃail lé na dteangṫuiḃ, atá neiṁ na naiṫreaċ neiṁe fa na bposuiḃ:

¹⁴ Agá ḃfuil a mbéul lán do ṁallaċdaiḃ agus do ṡearḃas:

¹⁵ Atáid a gcosa lúaṫ ċum fola ḋórtaḋ:

¹⁶ Agá ḃfuil briseaḋ croíḋe agus anṡóġ ann a sliġṫiḃ:

¹⁷ Agus nior aiṫniġeadar sliġe na sioṫċána:

¹⁸ Ní ḃfuil eagla Dé a ḃfiaḋnuisi a súl.

¹⁹ Agus atá a ḟios aguinne giḋ bé ar biṫ neiṫe a deir an dliġeaḋ, gur ris a ndreim atá fán dliġeaḋ laḃrus sé: ionnus go dtoċdfuiḋ gaċ uile ḃéul, agus go mbeiṫ an doṁan uile cionntaċ do breiṫeaṁnus Dé.

²⁰ Ar a naḋḃarsin ní ṡáorfuiḋṫear éinneaċ na ḟíaḋnuisision ó oibriġiḃ an dliġe: óir is trés an dliġeaḋ tig aiṫne an ṗeacuiġ.

²¹ Aċd a nois a néagṁuis a dliġe atá ceart Dé ar na ḋéunaṁ follas, ar na ḋearḃaḋ lé fíaḋnuisi an dliġe agus na ḃfáiḋeaḋ;

²² Ceart Dé a deirim tré ċreideaṁ Iósa Críosd dá gaċ áonduine agus ar gaċ áon ċreideas: óir ni ḃfuil eidirḋéaluġaḋ ann:

²³ Oir do ṗeacaiġ a nuile ḋuine, agus atáid a négṁuis ġlóire Dé;

²⁴ Agus atáid ar na sáoraḋ a naisgiḋ ré na ġrásuiḃsean trés an ḃfúasglaḋ do rinneaḋ lé Híosa Críosd:

²⁵ Noċ do órduiġ Día na ċeann réiġtiġ tré ċreideaṁ ann a ḟuil, ċom a ḟíréantaċda dfoillsiuġaḋ, tré ṁaiṫṁeaċas na bpeacaḋ do ċuáiḋ ṫaruinn, a ḃfoiġid Dé;

²⁶ Ċum a ḟiréantaċda féin dfoillsiuġaḋ ann sa naimsirsi do laṫair ionnus go mbíaḋ sé féin ceart, agus go sáorfaḋ sé an té atá do ċreideaṁ Iósa.

²⁷ Ar a naḋḃarsin cáit a ḃfuil an ṁórḋháil? Atá sí ar na cur amaċ. Cía an dliġeaḋ? an tré ḋliġeaḋ na noibreaċa? Ní heaḋ, aċd tré ḋliġeaḋ an ċrediṁ.

²⁸ Measamuid ar a naḋḃarsin gur lé creideaṁ ṡáorṫar an duine a néagṁuis oibreaċ an dliġe.

²⁹ An leis na Iúdaiġiḃ aṁáin Día? a né naċ leis na Cineaḋaċuiḃ é mar an ccéadna? Go deiṁim a sé Día na Gcineaḋaċ é leis:

³⁰ Oír is éin Ndía ṡáorfas an timċeallġearraḋ ó ċreideaṁ, agus an neaṁṫimċeallġearraḋ tré ċreideaṁ.

³¹ Uime sin a ndéunmáoid an dliġeaḋ neaṁṫaḃaċdaċ tré san gcreideaṁ? Nár léige Día sin: aċd fós, neartuiġemíd an dliġeaḋ.