Roṁánaċ 2 - An Bíobla Naoṁṫa 1817 (Bedell)

Caibidil II Gu ḃfuil na Iuduiġe agus na Cineaḋaċa faoi áondamnaḋ arson ṗeacaiḋ.

¹ Ar a naḋḃarin ní héidir do leisgél a ġaḃáil, a ḋuine, giḋ bé ar biṫ ṫú ḋamnuiġeas duine eile, oir ann sa ní a ndáorann tú neaċ eile, dáoraḋ tú ṫú féin; óir ṫusa ḋáorus duine eile do ní tú na neiṫe céadna.

² Aċd atá a ḟios aguinne go ḃfuil breiṫeaṁnas Dé do réir na fírinne a naġuiḋ na muinntire do ní ionnsaṁail na neiṫeaḋ sin.

³ Agus an measann tusa so, O a ḋuine ḋamnuiġeas an dream do ní a leiṫeid súd, agus ṫú féin dá ndéunaṁ, go raċa tú as ó ḃreiṫeaṁnus Dé?

⁴ Nó an dtarcuisniḋeann tú saiḋḃreas a ṁaiṫeasa agus a ḟoiġide agus foide a ḟulaing; gan a ḟios agad go dtréoruiġeann maiṫeas Dé ṫú ċum aiṫriġe?

⁵ Aċd do réir do ċruáis féin agus do ċroíḋe neaṁaiṫriġeaċ taisgiḋ tú ḋuit féin féarg fá ċoṁair láoi na feirge agus ḟoillsiġṫe ċeirtḃreiṫeaṁnuis Dé;

⁶ Noċ a ḃéuras dá gaċ éinneaċ do réir a ġníoṁarṫa:

⁷ Eaḋon don druing iarrus tré ḟoiġid na deaġoibre glóir agus onóir agus neaṁṫruáilleaḋ, an ḃeaṫa ṁarrṫanaċ:

⁸ Aċd don dreim ata ceannairrceaċ, agus naċ uṁluíġeann don ḟírinne, aċd ċreideas do néagcóruiġ, dó ḃéurṫar diombuġ agus fearg.

⁹ Trioblóid agus doġruing, air anam gaċ áonduine do ní olc, an lúdaiḋe ar tús, agus an Ġréugaiġ mar an gcéudna;

¹⁰ Aċd glóir, agus onóir, agus sioṫċáin, do gaċ áon do ní maiṫ, don Iúduiġe ar tús, agus don Ġréugaċ mar an gcéudna:

¹¹ Oír ní ḃfuil cion ag Día ar ṗearsain seaċ a ċéile.

¹² Oír an ṁéid do ṗeacuiġ gan an dliġeaḋ raċuid a múġa gan an dliġeaḋ: agus an ṁéid do ṗeacuiġ sa dliġeaḋ daiméontar íad leis a ndliġeaḋ;

¹³ (Oír ní híad luċd éisdeaċda an dliġiḋ atá na ḃfirénċuiḃ a ḃfiaḋnuisi Dé, aċd luċd ċoiṁlíonta an dliġiġ a síad ṡairfuiḋear.

¹⁴ Oir na Cineaḋaċa ag naċ ḃfuil an dliġeaḋ, do níd síad ó nádúir na neiṫe ḃeanas ris an dliġeaḋ, íad so, ag naċ ḃfuil an dliġeaḋ aca, atáid síad na ndliġeaḋ ḋóiḃ féin:

¹⁵ Noċ ḟoillsiġeas obair an dliġiḋ sgríoḃṫa an a gcroiḋṫiḃ, ar mbeiṫ dá gcogús ag déunaṁ fíaḋnuise má ráon ríu, agus a smuáintiġṫe ag éiliuġaḋ a ċéile nó fós ag gaḃáil a leisgiél;)

¹⁶ Ann sa lá an a mbéura Día breiṫ ar ṡeicréidiḃ na ndáoine tré Iósa Críosd do réir mo ṡoisgéilsi.

¹⁷ Féuċ, goirṫear Iúduiḋe ḋíotsa, agus muiniġiḋ tú as a ndliġeaḋ, agus do ní tú morḋáil as Día.

¹⁸ Agus atá fios a ṫoile agad, agus dearḃuiḋ tú na neiṫe as féarr, ar mbéiṫ foġlomṫa ḋuit ón dliġeaḋ;

¹⁹ Agus atáoi dóṫċasaċ go ḃfuil tú ad éoluiġe ag na dalluiḃ, ad ṡolas ag an muinntir atá a ndorċadas,

²⁰ A tfior múinte na ndáoine neaṁeagnuiḋe, ad ṫeagasgóir na leanbaḃ, ar son go ḃfuil foirm a néoluis agus na fírinne agad sa dliġeaḋ.

²¹ Ṫusa ar a naḋḃarsin ṁúineas duine eile, créd naċ múineann tú ṫú féin? Ṫusa ṡeanmóireas gan ġoid do ḋéunaṁ, a ndéunann tú féin goid?

²² Ṫusa a deir gan aḋaltrannas do ḋéanaṁ, a ndéanann tú féin aḋaltrannas? ṫusa agá ḃfuil gráin ar na hioḋaluiḃ, an sladann tú a neaglais?

²³ Ṫusa do ní mórḋáil as a ndliġeaḋ, an dtaḃair tú easonóir do Ḋía tré ḃriseaḋ an dliġe?

²⁴ Oír masluiġṫear ainm Dé ṫríḃsi eidir na Cineáḋaċuiḃ, mar atá sgríoḃṫa.

²⁵ Oír is tarḃaċ an timċeallġearraḋ go deiṁin má coiṁéudann tu an dliġeaḋ: aċd más fear ḃrisde an dliġiḋ ṫú, atá do ṫimċeallġearraḋ gan ḃeiṫ na ṫimċeallġearraḋ.

²⁶ Ar a naḋḃarsin má ċoiṁéudann an neaṁṫimċeallġearraḋ ordaiġe an dliġe, a né náċ measfuiġṫear a neaṁṫimċeallġearraḋ do ḃeiṫ na ṫimċeallġearraḋ.

²⁷ Agus a né naċ daiméona an neaṁṫimċeallġearraḋ átá ó nadúir, má ċoiṁéudann sé an dlíġeaḋ, ṫusa, atá ad ḟior sáruiġe an dliġe trés an litir agus trés an dtímċeallġearraḋ?

²⁸ Oír ní hé an tí atá go follas, is Iúduiġe ann; ná fós an dtimċeallġearraḋ atá go follas sa ḃfeóil, is timċeallġearraḋ:

²⁹ Aċd an té atá ós íseal, na Iúduiḋe; agus timċeallġearraḋ an ċroíḋe, ann sa spioruid, agus ní sa litir; aga ḃfuil a ṁolaḋ ní ó ḋaóiniḃ, aċd ó Ḋía.