Roṁánaċ 16 - An Bíobla Naoṁṫa 1817 (Bedell)

Caibidil XVI Tar éis fáiltiuġaḋ do ṁóran, 17 ċuir Pól na bfaireaċ íad a ttáoḃ ḋáoine connsbóideaċ, contrarrḋa.

¹ Aċd táoḃam riḃ Ṗébe ar ndeirḃṡíur, noċ as searḃḟoġantuiḋe don neagluis atá a Gcenċreá:

² Do ċum go ngaḃa siḃ ría sa Dtiġearna, mar as cuḃaiḋ do náoṁaiḃ, agus cúngnaṁ ría an gaċ aḋḃar iona mbía ḃur riaċdanus uirṫe: oír tug sí áoiḋeaċd do ṁorán, agus dáṁsa féin mar an gcéudna.

³ Fáiltiġiḋ do Ṗriscilla agus do Acuila mo luċd cúnganta a Níosa Críosd:

⁴ (Noċ do ċuir a muinéul féin sios ar son manmasa: dá naċ misi aṁáin do ḃeir buiḋeaċus, aċd fós eagluiseaċa na Gineaḋaċ go hiomlán).

⁵ Agus do neagluis atá iona dtiġ. Fáiltiġiḋ do Epénetus as ionṁuin liomsa, agar ab é céudṫoraḋ na Haċaíá a Gcríosd.

⁶ Fáiltiġiḋ do Ṁuire, noċ do rinne sáoṫar ṁór ar dtimċeillne.

⁷ Fáiltiġiḋ do Andronicus agus Iúnia, mo ḋáoine gáoil, agus mo ċumpána príosúin, noċ atá oirḋeirc eidir na habstalaiḃ, noċ fós do ḃí a Gcríosd róṁamsa.

⁸ Fáiltiġiḋ do Amplias mo ḋíoġraiseaċ sa Dtíġearna.

⁹ Fáiltiġiḋ do Urbánus, ar ḃfear caḃarṫa a Gcríosd, agus do Staċis mo ḋearḃraṫair ionṁuin.

¹⁰ Fáiltiġiḋ do Apelles noċ atá dearḃṫa a Ccríosd. Fáiltiġaiḋ do luċd éntiġe Aristoboluis.

¹¹ Fáiltiġiḋ do Heródion mo ḃraṫair. Fáiltiġiḋ do luċ éntiġe Narcissuis, noċ atá sa Dtiġearna.

¹² Fáiltiġiḋ do Ṫriṗéna agus do Ṫriṗósa, mná ṡáoṫruiġeas sa Dtiġearna. Fáiltiġiḋ do Ṗersis ionṁuin, noċ do rinne móran sáoṫair sa Dtiġearna.

¹³ Fáiltiġiḋ do Ruṗus duine toġṫa sa Dtiġearna, agus da ṁaṫair agus do ṁáṫairse.

¹⁴ Fáiltiġiḋ do Asincritus, Ṗlegon, Hermas, Ṗatrobas, Hermes, agus do na dearḃraiṫriḃ atá na ḃfarraḋ.

¹⁵ Fáiltiġiḋ do Ṗilológus, agus do Iulias, do Nereas, agus dá ḋeirḃṡiáir, agus do Olimpas, agus do na náoṁuiḃ uile na ḃfarraḋ.

¹⁶ Beannaiġe féin dá ċéile maille ré póig náoṁṫa. Cuirid eagluiseaċa Ċríosd beaṫa agus sláinte ċugaiḃ.

¹⁷ Agus íarruim daṫċuinge oruiḃ, a ḋearḃráiṫreaċ, géurċoiṁéud do ḋéunaṁ ḋáóiḃ ar an muinntir ṫógḃus siosma agus is ciontaċ ré hoilḃeim do ṫaḃairt úaṫa contrarrḋa don teagasg do ḟoġluim siḃ; agus seaċnaiḋ íad.

¹⁸ Oír an luċd is cosṁuil ríu so, ní don Tiġearna Iósa Críosd do níd síad seirḃís, aċd dá mbolg féin; agus meallaid síad ré briaṫraiḃ millsi agus ré cluain croiḋṫe na ndáoine neaṁurċóideaċ.

¹⁹ Oir ráinic tuarasgḃáil ḃur núṁlaċdsa na huile ḋáoine. Ar a naḋḃarsin atá gáirdeaċas orum ḃur dtáoḃsa: giḋeaḋ is mían riom ḃeiṫ ḋáoiḃ eagnuiġe a dtáoiḃ na maiṫeasa, agus neaṁurċoideaċ a dtaoḃ a nuilc.

²⁰ Agus bruiṫfiḋ Día na síoṫċána Sátan fáoi ḃur gcosaiḃ go haiṫġoird. Grása ar Dtiġearna Iósa Críosd maille riḃ. Amén.

²¹ Cuiriḋ Timotéus mo ċompánaċ, agus Lúcius, agus Iáson, agus Sosipater, mo ḋáoine gáoil, beaṫa agus sláinte ċugaiḃ.

²² Cuirimsi Tertius, noċ do sgríoḃ an eipistilse, beaṫa agus sláinte ċugaiḃ sa Dtiġearna.

²³ Cuiriḋ Gaius mósdóir féin, agus na heagluisi uile, beaṫa agus sláinte ċugaiḃ. Cuiriḋ Erastus procadóir na caiṫreaċ beaṫa agus sláinte ċugaiḃ, agus an dearḃraṫair Quartus.

²⁴ Grása ar Dtiġearna Iósa Críosd maille riḃ uile. Amén.

²⁵ Agus a nois don té lér féidir siḃ do ḋaingniuġaḋ do réir mo ṡoisgeilsi, agus ṡeanmóra Iósa Críosd, do réir ḟoillsiġe na seicréide, noċ do congṁaḋ go folaiġeaċ ó ṫús an doṁain,

²⁶ Aċd a nois atá ar na noċdaḋ, agus ar na ḟoillsiuġaḋ do na huile ċineaḋaċaiḃ, tré sgríoptúraiḃ na ḃfáiḋeaġ, do réir aiṫne Dé ḃioṫḃúain, ċum úṁlaċda an ċreideiṁ:

²⁷ Don náoin Día éagnaiḋe aṁáin, glóir go síorruiḋe tré Iósa Críosd. Amén.