Roṁánaċ 10 - An Bíobla Naoṁṫa 1817 (Bedell)

Caibidil X Gu bfuil fireactaċt an dliġe, sa nduine, agus a Nisrael aṁain: aċd fireactaċt an ċreidiṁ, a Ccriosd, ag roċtain na nuile ċineaḋ.

¹ A Ḃraiṫre, go deiṁin atá deaġṫoil mo ċroiḋe agus murnuiġe ċum Dé ar son Isráel, ċum a slánniġṫe.

² Oír do ním dfiaḋnuisi ḋóiḃ go ḃfuil teas ġráḋa Dé aca, aċd ní do réir éoluis.

³ Oir ar mbeiṫ ainḃfeasaċ ḋóiḃ a ḃfiréantaċd Dé, agus ag íarruiḋ a ḃfireantaċd féin do ṡeasaḋ, níor ísliġeadar íad féin dfiréantaċd Dé.

⁴ Oír a sé Críosd foirċeann an reaċda ċum fíreantaċda dá gaċ áon a ċreideas.

⁵ Oír sgríoḃuiḋ Máoise ar an ḃfíreantaċd ṫig ón reaċd, Giḋ bé duine ḋéanus íad mairfiḋ sé tríoṫa.

⁶ Aċd an ḟíréantaċd ṫig ó ċreideaṁ is mar so a deir sí, Na haḃair ann do ċróiḋe féin, Cía raċas súas ar neaṁ? is ionann sin, agus Críosd do ṫaḃairt a núas:

⁷ Nó, Cía raċas síos don duḃaigén? is ionann sin, agus Críosd do ṫaḃairt a rís ó ṁarḃuiḃ.

⁸ Aċd créd a deir sí? Atá an ḃríaṫar a ngar ḋuit, ann do ḃéul, agus an do ċroiḋe: a sí so, bríaṫar an ċreidiṁ, do nimíd do ṡeanmóir;

⁹ Eaḋon dá nadṁa tú ód ḃéol an Tiġearna Iósa, agus dá gcreide tú ad ċróiḋe gur ṫóg Día é ó ṁarḃuiḃ, sláinéoċṫar ṫú.

¹⁰ Oír is ris an gcróiḋe ċreidṫear ċum fíréantaċda; agus leis an mbéul do níṫear adṁáil ċum slánaiġe.

¹¹ Oír a deir an sgríoptúr, Giḋ bé ċreideas annsan ní ḃfuiġe sé náire.

¹² Oír ní ḃfuil diṫfir ar biṫ eidir an Iúduiḋe agus an Gréugaċ ann: óir is éin Tiġearna ḋóiḃ uile atá saiḋḃir dá gaċ uile ḋuine ġuiḋeas é.

¹³ Oír giḋ bé duine ġuiḋfeas ainm an Tiġearna, sláinéoċṫar é.

¹⁴ Aċd cionnas ġuiḋfid síad an té ann nar ċreideadar? agus cionnas ċreidfid síad ann sa té naċ ccúaladar teaċd ṫairis? Agus cionnas ċluinfid síad gan seanmóntuiġ?

¹⁵ Agus cionus do ḋéanuid siad seanmóir, muna ċuirtear ċuige íad? Mar atá sgríoḃṫa, O créd é bréaġaċd ċos na muinntire ṡoisgéulas an tsioṫċain, ṡoisgéulas neiṫe maiṫe!

¹⁶ Aċd níor úṁluiġeadar uile don tsoisgéul. Oir a deir Esaías, A Ṫiġearna, cía ċreid dar seanmóirne?

¹⁷ Uime sin is tré éisdeaċd ṫig an creideaṁ, agus an téisdeaċd tré ḃréiṫir Dé.

¹⁸ Aċd a deirimse, A né naċ ccúaladar? Do ċuáiḋ a ḃfuáim go deiṁin fá gaċ uile ṫalaṁ, agus a mbríaṫra go leiṫimeal an doṁain.

¹⁹ Aċd a deirim, A né náċ raiḃ a ḟios ag Israél? A deir Máoisi ar tús, Cuirfiḋ mé tnúṫ oruiḃ lé cineaḋ naċ ḃfuil na ċineaḋ, le cineaḋ míoṫuigseaċ cuirfiḋ mé fearg oruiḃ.

²⁰ Agus atá Esaías dána, agus a deir sé Fríṫ mé leis a ndréim naċ ar íarr mé; Do rinneaḋ follus mé don dreim nár íarr mo ṫúarasgḃáil.

²¹ Aċd a deir sé a naġuiḋ Israél, Do ṡín mé amaċ mo láṁa feaḋ an láoi ċum pobuil easúṁuil laḃrus am aġaiḋ.