Roṁánaċ 1 - An Bíobla Naoṁṫa 1817 (Bedell)

Caibidil I Ag adṁail a Absdoldaċt, 21 dearḃa Pól gur ab peacṫa graineaṁla is bacaḋ ar an ḟirinne.

¹ Pol, searḃḟóġantuiġe Iósa Críosd, do goireaḋ ċum ḃeiṫ na absdal do toġaḋ ċum soisgéil Dé.

² (Noċ do réiṁġeall sé tré ná ḟáiḋiḃ sna sgriobtúraiḃ náoṁṫa,)

³ A dtimċeall a Ṁic Iósa Críosd ar Dtiġearna, (do gineaḋ do ṡíol Ḋáiḃi do réir na féola;

⁴ Do foillsiġeaḋ na Ṁac Dé a gcúṁaċdaiḃ, do réir spioraid na náoṁṫaċda, tré eiséirġe ó ṁarḃaiḃ:)

⁵ Tré a ḃfúaramairne grása agus absdaltaċd, ċum úṁlaċda an ċreidiṁ; a measg na nuile ċineaḋaċ, ar son anmasan:

⁶ (Eidir a ḃfuil siḃsi leis ar ḃur ngairm ré Híosa Críosd:)

⁷ Ċugaiḃsi uile an ṁéid atá sa Róiṁ, ar ḃur ngráḋuġaḋ ó Ḋía, agus ḃur náoṁaiḃ do réir ġarma: Grása agus sioṫċáin maille riḃ ó Ḋía ar Naṫair, agus an Dtiġearna Iósa Críosd.

⁸ Ar tús, beirim buiḋeaċus ré mo Ḋía féin tré Iósa Críosd ar ḃur sonsa uile, do ḃríġ go ḃfuil túarasgḃáil ḃúr gcreidṁe ar feaḋ an doṁain uile.

⁹ Oír atá Día dfíaḋnuise agum, ḋá ndéanaim seirḃís am spioraid a soisgéul a Ṁic, go mbím gan sgur ag teaċd ṫoraiḃ;

¹⁰ Ag íarraiḋ do ṡíor am urrnaiġe, a ḟaġáil do ṫoil Dé, asdar séunṁar ar ċor éigin do ḋéunaṁ ḋaṁ fa ḋeóiġ ré ṫeaċd ċugaiḃse.

¹¹ Oír atá ro ḟonn oram siḃse dfaicsin, ar ġléus go roinnfinn riḃ tioḋlacaḋ éigin spioradalta, ċum ḃur neartuiġe;

¹² Eaḋon ionnus go ḃfuiġinn coṁḟurtaċd ḃur ḃfoċairse tré ċreideaṁ a ċeile eaḋon ḃur gcreideaṁsa agus mo ċreideaṁsa.

¹³ Agus, a ḋearḃraiṫreaċa, ní hail leam gan a ḟios do ḃeiṫ agaiḃ, gur ċuir me roṁam go minic teaċd ċugaiḃ, (giḋeaḋ do cuireaḋ toirmeasg oram gus a nois,) ionnus go ḃfuiġinn toraḋ éigin ḃur measgsa, coṁmaiṫ ris na Cineaḋaċaiḃ eile.

¹⁴ Atáim am ḟéiṫeaṁnaċ do na Gréugaċaiḃ, agus do na dáoiniḃ Barbárṫa; do ḋáoiniḃ glioca, agus neaṁġlioca.

¹⁵ Ar a naḋḃarsin, an ṁéid is éidir leam, atáim ullaṁ ċum an tsoisgéil do ṡeanmóir ḋáoiḃse mar an gcéudna a ḃfuiltí sa Róiṁ.

¹⁶ Oír ní ḃfuil náire óram fá ṡoisgéal Ċríosd: do ḃriġ gur ab é cúṁaċd Dé é ċum slánaiġe dá gaċ áon ċreideas; don Iúdaiġe ar tús, agus fós don Ġréugaċ.

¹⁷ Oír as ann ḟoillsiġṫear fíréuntaċd Dé ó ċreideaṁ go creideaṁ: aṁail atá sgríoḃṫa, Do ġéuḃaiḋ an firéun beaṫa tre ċreideaṁ.

¹⁸ Oír ḟoillsiġṫear fearg Dé ó neaṁ anaġaiḋ gaċ úile neaṁḋíaḋaċd agus eagcóir na ndaóineaḋ, ċongṁas a nfirinne a neaṁḟireantaċd;

¹⁹ Oír an ṁéid déolus is éidir dfaġail ar Ḋía atá sé go follus ionntasan; óir do rinne Día follus ḋóiḃ é.

²⁰ Oir a neiṫesion naċ éidir dfaicsin, mar atá a ċúṁaċd síorraiḋe agus a ḋiaḋaċd, atáid síad soilléir sóṫuigsigṫe ó ċrúṫuġaḋ an doṁain treas na neiṫe do rinneaḋ; ionnus naċ beiṫ leiṫsgéul aca:

²¹ Do ḃríġ, ar naiṫniuġaḋ Dé ḋoiḃ, naċ rugadar buiḋeaċus ris; aċd gur líonadar do ḋioṁáoineas ann a smuáintiġiḃ, agus gur dallaḋ a gcroiḋe neaṁṫuigsionaċ.

²² Ag ráḋ gur ḋaóine éagnuiḋe íad fein, do rinneaḋ amadáin ḋióḃ,

²³ Oir do iompóiḋeadar glóir Dé naċ éidir do ṫruáilleaḋ a gcosaṁlaċd ioṁáiġe ḋuine ṡoṫruáilliġe, agus éunlaiṫe, agus ainṁinnteaḋ ċeaṫarċosaċ, agus ṗéisdeaġ.

²⁴ Ar a naḋḃarsin tug Día iadsan mar an gcéudna ċum neaṁġlaine tre aínṁíanaiḃ a gcríoḋeaḋ féin, ċum a gcorp do ṡalċaḋ eatorra féin:

²⁵ Mar ḋruing do iompóiḋ fírinne Dé a mbréig, agus do rinne onóir agus seirḃís don ċreatúr ag treigean an Ċruṫaiġṫéora, noċ atá beannaiġe go síorraiḋe. Amén.

²⁶ Ar a naḋḃarsa tug Día íad dainṁíanaiḃ gráineaṁla: óir do aṫruiġeadar a mná a ngnáṫuġaḋ nádúrṫa go ngnáṫuġaḋ mínádurṫa:

²⁷ Agus mar an gcéudna na fir, ar dtréigean ġnáṫaiġe nadúrṫa na mban dóiḃ, do lasadar ann a nainmíanaiḃ an fear a naġaiḋ a ċéile; na fir ag déunaṁ gráineaṁlaċda ris na fearuiḃ, agus fúaradar ionnta féin luáiḋeaċd a seaċrain, mar buḋ cóir.

²⁸ Agus aṁail mar nár ċuireadar suim a néolus Dé do ċongṁáil, as mar sin tug Día íadsan dinntinn neaṁċéilliḋe, ionnus go ndéunaidís neiṫe nar ḃiomċuḃaiḋ.

²⁹ Ar na líonaḋ do nuile éugcóir, do ṁaílis, do ḋrúis, do ḋroiċṁéin, do ṡaint; ar na líonaḋ do ṫnúṫ, do ḋúnṁarḃaḋ, dó ċeannarraic, do ṁeaḃail, do ḋroċḃéusuiḃ; luċd siusarnuiġe.

³⁰ Luċd iṫiomráiḋ, luċd fúaṫaiġe Dé, luċd tarcuisne, dáoine uáiḃreaċa, mórḋáláċa, luċd comṫa uile, easúṁal daiṫreaċaiḃ agus do ṁaiṫreaċaiḃ,

³¹ Eigcéilliḋe, neaṁċoinġeallaċ, gan ġráḋ nadúrṫa, doríarṫa, neaṁṫrócaireaċ:

³² Noċ, ar naiṫne ḋliġe Dé ḋóiḃ, (eaḋon go dtuíllid luċd na ngníoṁsa do ḋéunaṁ bás,) aċd mar an gcéudna cáoṁnuid síad luċd a ndéunta.