Psailm 95 - An Bíobla Naoṁṫa 1817 (Bedell)

Psalm XCV. Gan lorg na sinnsior do leanṁuin a ndroċ ċúis.

¹ Tagaiḋ, déanam lúaṫgáire ċum an TIĠEARNA: déanam fuáim ġáirdeaċ do ċarraic ar slánuiġṫe.

² Tagam do laṫair a aiġṫe ré taḃairt buiḋeaċuis, agus déanam fuáim lúaṫġáireaċ ċuige ré Salmuiḃ.

³ Oír is Día mór an TIĠEARNA, agus Ríġ mór ós cionn na nuile ḋée.

⁴ Iona láiṁ atáid uile áite doiṁne na talṁan: agus áirde na ccnoc iona ċuṁaċtuiḃ.

⁵ Is leis an ṁuir, agus é féin do rinne í, agus do ċumadar a láṁa an fearann tirim.

⁶ Tagaiḋ, déanam aḋra agus cláonam: filliom ar nglúine ós coinne an TIĠEARNA ar ccruṫuiġeóir.

⁷ Oír is eision ar Ndía; agus sinne pobal a innḃir, agus caóiriġ a láṁ. A niuġ má éistiġe a ġuṫ,

⁸ Ná cruáiḋiġe ḃur ccroiḋe, mar san Meribah, aṁuil is a ló Massah san ḃfásaċ:

⁹ Mar ar ċuireadar ḃur naiṫre caṫuġaḋ orum, do ḋearḃuiġeadar mé, agus do ċonncadar moibreaċa.

¹⁰ Do ḃí mé ḋá ḟiṫċiod blíaḋan air mo ḃuáiḋreaḋ ris an nginealaċso, agus a duḃras, Is pobal seaċránaċ a gcroiḋe íad, agus níor ḃaiṫne ḋóiḃ mó ṡliġṫeaċa:

¹¹ Dar ṁionnuiġios ann mfeirg, naċ raċaidís a steaċ dom ṡuaiṁneas.