Psailm 94 - An Bíobla Naoṁṫa 1817 (Bedell)

Psalm XCIV. Gearán um ráiṫe na ndroċḋaoine. 12 Agus tarḃa tig ré smaċduġ an TIĠEARNA .

¹ O a ṪIĠEARNA Día, dar dúal dioġaltas; ó a Ḋé, dar dúal dioġaltas, déalraiḋ amaċ.

² Tóig ṫú féin súas, a ḃreiṫiṁ na talṁan: taḃair luáiġeaċt do nuáiḃreaċ.

³ Gá fad do ḋéanas an ciontaċ, a ṪIĠEARNA, cá fad do ḋéanas an ciontaċ caiṫréim?

⁴ Ca fad ḃiáiḋ síad ag lúaḋ agus ag laḃairt neiṫe cruaiḋe? cá fad ḃiáid síad ag síorċaint an ṁéid oibriġios éagceart?

⁵ Brúiġid síad do ḋaoine, a ṪIĠEARNA, agus buáiḋrid síad hoiġreaċd.

⁶ Marḃuid síad an ḃaintreaḃaċ agus an duine coigriċe, agus do níd feall air an ndílleaċda.

⁷ Agus a deirid síad, Ní ḟaicfe an TIĠEARNA sin, ní ṫuigfiḋ Día Iacob é.

⁸ Tuigiḋe, a ḃrúideaṁla a measg na ndaóine: agus siḃsi ḋaóine leaṁa, cá huáir ḃeiṫíse eagnuiġe?

⁹ An té ṡuiġios an ċlúas, naċ ccluinfe sé? an té ċumas an tsúil, naċ ḃfáicfiḋ sé?

¹⁰ An té smaċduiġios na cineaḋaċa, naċ ttiuḃraiḋ sé aċṁusan uáḋ? an té ṁúinios éolus don duine; naċ bía a ḟios aige?

¹¹ Is aiṫne don TIĠEARNA smuáintiġe an duine, gur díoṁaóineas íad.

¹² Is beannuiġe an duine, a ṪIĠEARNA, noċ smaċduiġios tusa, agus ṁúineas tú as do ḋliġeaḋ;

¹³ Do ṫaḃairt súaiṁnis dó a láeṫiḃ a nuilc, nó go ttoċaltar poll don ċíontaċ.

¹⁴ Oír ní ṫeilgfiḋ an TIĠEARNA a ḋaoine féin úaḋ, agus ní ṫréigfiḋ sé a oiġreaċd.

¹⁵ Oir fillfiḋ breiṫeaṁnus ċum ceirt: agus leanfuid a nuile ḋíreaċ a ccroiḋe é.

¹⁶ Cía éireoċus-súas ar mo ṡonsa a naġaiḋ luċd déanta a nuilc? cía ċuirfios é féin air mo ṡon a naġaiḋ luċta oibriġṫe na héagcóra?

¹⁷ Aċt muna ḃeiṫ go raiḃ an TIĠEARNA na ċungnaṁ agam, ní mór naċ bíaḋ manam san nuáiḋ.

¹⁸ A nuáir a duḃras, Sciorruiḋ mo ċos; do ċonnaiṁ do ṫrócaire, súas mé, a ṪIĠEARNA.

¹⁹ A niomad mo smuáintiġṫe ionnam a stiġ do ṫaitniġiodar do ċoṁḟurtaċda rem anam.

²⁰ An mbía cumann riotsa ag caṫaóir na hurċóide, noċ ċumas éaigceart re dliġeaḋ?

²¹ Coiṁċeanglaid íad feín a naġaiḋ anma a nfíréin, agus damnuiġid an ḟuil neiṁċiontaċ.

²² Aċt biáiḋ an TIĠEARNA mar ċuṁdaċ agamsa; agus mo Ḋía mar ċarraic mo ḋídin.

²³ Agus fillfe sé orra féin a gcionta agus ann a nurċóid géarrfa sé amaċ íad; scriosfa an TIĠEARNA ar Ndía íad.