Psailm 91 - An Bíobla Naoṁṫa 1817 (Bedell)

Psalm XCI. Is dídion Día da ḋaoiniḃ disle, an-aġaiḋ gaċ soiġead agus sciúrsa.

¹ An té áitiġios a núaingnios an té is ro áirde do ḋéana sé coṁnuiḋe ar scáṫ a Nuileċuṁaċtuiġ.

² A déarad a ttaoḃ an TIĠEARNA, Mo ḋídean agus mo ḋaingion: mo Ḋía; cuirfiod mo ḋóṫċus ann.

³ Go deiṁin sáorfa sé ṫusa ó líon a nfíaġaiḋ, ón ṗláiġ niṁniġ.

⁴ Ré na sciaṫán foileoċaiḋ sé ṫú, agus fa na sciaṫánaiḃ ċuirfios tú do ḋóṫċus: is scíaṫ agus buicléir a ḟirinne.

⁵ Ní ḃía faítċios ort air eagla na hoiḋċe; nó fó na soiġde eitiollas san ló;

⁶ On ṗláiġ noċ ṡíuḃlas annsa dorċadus; nó ón dioġaltas noċ ṡiuḃlas san meaḋóin laói.

⁷ Tuitfid míle ré do ṫáoḃ, agus deiċ míle ar do láiṁ ḋeis; ní ṫiucfa sin ad ġarsa.

⁸ A ṁáin lé do ṡúiliḃ do ċífe tú agus do ċífir luáiḋeaċt na neiṁḋíaḋaċ.

⁹ Oír don TIĠEARNA mo ḋaingionsa, don té is ro áirde, do rinne tú hionad coṁnuiḋe;

¹⁰ Ní ḃeanfa áonolc riot, agus ní ṫiucfa an ṗláiġ a ccoṁġar dot ṗáillíun.

¹¹ Oír cuirfe se dúalaċ air a aingliḃ dot ṫáoḃsa, dot ċoiṁéad ann do ṡliġṫiḃ uile.

¹² Iomċoruid ṫú ann a láiṁ, deagla go mbeanfaḋ do ċos re cloiċ.

¹³ Sailteorair air an leoṁan agus air an Mbasilisc: do ḋéanair saltairt air an leoṁan óg agus air an ndragún.

¹⁴ Do ḃríġ go ḃfuil gráḋ aige orumsa, saorfa mé é: áirdeoċád é, do ḃríġ gó ráiḃ fios manma aige.

¹⁵ Goirfe sé orum, agus cluinfe misi é; atáimse aige iona ḃuaiḋreaḋ; do ḋéanad a ṡaoraḋ, agus a ġlóruġaḋ.

¹⁶ Do ḋéanad a ríar le fad laéṫeaḋ, agus foillseoċad mo ṡlánuġaḋ ḋó.