Psailm 86 - An Bíobla Naoṁṫa 1817 (Bedell)

Psalm LXXXVI. Atá Dáiḃi ag iarraiḋ maiṫeaṁnas peacaiḋ, agus Dídion ó naiṁdiḃ.

Urnaiġ Ḋáiḃi.

¹ Claon do ċlúas a núas, a ṪIĠEARNA, cluin mé: óir atáim boċt agus uireasḃaċ.

² Coiṁéad manam, óir atáim náoṁṫa: ó mo Ḋía, sáor do ṡeirḃíseaċ noċ ċuirios a ḋóiġ ionnad.

³ Déan trócaire orum, a ṪIĠEARNA: óir is ċugadsa ġairim ar feaḋ an láoi.

⁴ Gáirdiġ anam do ṡerḃísiġ: óir is ċugadsa, a ṪIĠEARNA, ṫógḃuim súas manam.

⁵ Oír tusa, a ṪIĠEARNA, atáoi maiṫ agus maiṫfeaċ; agus ro ṫrócaireaċ don luċd ġairios ort.

⁶ Taḃair éisdeaċd, a ṪIĠEARNA, dom urnaiġ; taḃair aire do ġuṫ mo ġearáin.

⁷ A ló mo ḃuáiḋearṫa gairfiod ortsa: óir freagorá tú mé.

⁸ Ní ḃfuil do ṡaṁuilse a measc na ndée, a ṪIĠEARNA; agus ní ḃfuilid neiṫe cosṁuil red oibreaċaiḃ.

⁹ Tiocfaid na huile ċineaḋaċa do rinnis agus do ḋéanaid aḋra ós do ċoinne, a ṪIĠEARNA; agus do ḋéanaid hainm do ġlóruġaḋ.

¹⁰ Oír is mór ṫusa, agus do nír neiṫe iongantaċa: is tú féin Día aṁáin.

¹¹ Teagaisg ḋaṁ a ṪIĠEARNA, do ṡliġṫeaċa; agus siuḃólad ann tfírinne: coiṁċeangail mo ċroiḋe ċugadsa deagluġaḋ hanma.

¹² Molfad ṫú, a ṪIĠEARNA mo Ḋía, rem uile ċroiḋe: agus do ḋéanad hainm do ġlóruġaḋ go bráṫ.

¹³ Oír is mór ṫrócaire orumsa: agus dfúascail tú manam ó ifrionn íoċdaraċ.

¹⁴ O a Ḋé, déirġiodar na huáiḃriġ súas am aġaiḋ, agus díarradar coiṁṫíonól na ḃfoiréignioċ manam; agus níor ċuireadar ṫusa as a ccoṁar.

¹⁵ Aċt atá tusa, a ṪIĠEARNA, Día trócaireaċ, grásaṁuil, ag fulang a ḃfad, agus lán do ṫrócaire agus dfírinne.

¹⁶ Féuċ orum, agus déan trocaire orum; taḃair do neart dot ṡeirḃíseaċ, agus tárṫuiġ mac hinneilte.

¹⁷ Déan riomsa coṁarṫa ċum maiṫesa; agus faicdís sin an luċd ḟúaṫuiġios mé, agus bíoḋ náire orra: do ḃriġ, a ṪIĠEARNA, gur ċuidiġ tusa leam, agus go ttugais meisneaċ ḋaṁ.