Psailm 83 - An Bíobla Naoṁṫa 1817 (Bedell)

Psalm LXXXIII. Guiḋe a naġaiḋ coṁċogáir na naṁad ré ċéile anasaónta Dé agus a ḋaóine.

Caintic agus Psalm Asaṗ.

¹ A Ḋe, ná bí ad ṫoċd: ná bí boġar, agus ná coisg, a Ḋé.

² Oír, féuċ, do níd do naiṁde coṁmbuáiḋreaḋ: agus tógḃaid luċt ṫfuaṫuiġṫe a cceann.

³ A naġaiḋ do ḋaóinesi do ġaḃadar coṁairle uáigneaċ go meaḃlaċ, agus do ċúadar a ccoṁairle a naġaiḋ háoin ḃfoluiġeaċ.

⁴ Dúḃradar, Tagaiḋ, agus gearram amaċ íad ó ḃeiṫ na gcineaḋ; go naċ ccuiṁneoċṫar ainm Israel nísa mó.

⁵ Oír do ċoṁairliġeadar ré ċéile dáontoil: atáid coiṁċeangailte ad aġaiḋ:

⁶ Páilliún Edom, agus na Hismaelítiġ; Móab, agus na Hagaréniġ;

⁷ Gébal, agus Ammon, agus Amalec; na Ṗilistiniġ maille ris an ndroing ċoṁnuiġios ag Tíor;

⁸ Atá Assur air na ċeangal léo mar an ccéadna: agus bá cungnaṁ íad do ċloinn Lot. Selah.

⁹ Déansa orrasan mar do rinnis air na Ṁidianiġ; air Ṡisera, air Iábin, ag aḃuinn Císon:

¹⁰ Noċ do ṫuit ag Endor: do rinneaḋ aóileaċ ḋíoḃ ċum na talṁan.

¹¹ Déan a ndáoine nuáisle mar Oreb, agus mar Seeb: agus a bprionnsuiḋe uile mar Seba, agus mar Salmunnah:

¹² Noċ a duḃairt, Glacam ċuguinn féin tiġṫe Dé mar oiġreaċd.

¹³ O mo Ḋía, déan aṁuil roiṫlean iad; mar an gconnlaċ air aġaiḋ na gaóiṫe.

¹⁴ Mar loisgios an teine coill, mar ċuirios an lasair na sléiḃte tre ṫeine;

¹⁵ Aṁluiġ sin déansa ainleanṁuin orra led anfaḋ, agus buaiḋir íad led stoirm.

¹⁶ Líon a naiġṫe lé náire; ċor go níarruid hainm, a ṪIĠEARNA.

¹⁷ Claóiḋtear agus buáiḋearṫar íad go siorruiḋe; bíoḋ náire orra, agus meaṫaid:

¹⁸ Ċor go mbia a ḟios aca gur tusa aṁáin, dárab ainm IEHOḂAH, is ro áirde ós cionn na talṁan uile.