Psailm 81 - An Bíobla Naoṁṫa 1817 (Bedell)

Psalm LXXXI. Rí iomḋa maiṫ uáinn, agus tiocfaiḋ iomḋa olc oruinn, ċion buiḋeaċuis.

Don ṗríṁḟear ceóil ar Ġittit, Psalm Asaṗ.

¹ Luaṫġairiġ ċum Dé ar neart: déanaiḋ fuáim ṁeanmnaċ ċum Dé Iácob.

² Glacaiḋ psalm, agus tugaiḋ an tiompán liḃ, an tsiterne ṫaiġiúir maille ris an ccláirsiġ.

³ Séidiġ an stoc annsa ngealuiḋ núaḋ, annsa núair ċinte, ló ar ḃféile.

⁴ Oír is dliġeaḋ so do Israel, reaċt ó Ḋía Iácob.

⁵ Mar ḟiaḋnuise do ṡuiġiḋ sé é do Ióseṗ, a nuáir do ċuáiḋ sé ṫríd ṫalaṁ na Hégipte: mar a ccúaluiḋ mé teanga nar ṫuigios.

⁶ Dáṫruiġ mé a ġúala ó núalaċ: do sáoraḋ a láṁa ó na potuiġiḃ.

⁷ A mbuáiḋreaḋ do ġoir tú, agus do ṡáor mé ṫú; do ḟreagair mé ṫú a nionad uáigneaċ na tóirniġe: do ḋearḃ mé ṫú láiṁ ré huisgeaḋuiḃ Meribah. Selah.

⁸ Eist, ó mo ṗobal, agus do ḋéanadsa fiaġnuise ḋuit: ó Israel, ma eístir liom;

⁹ Ní biáiḋ ionnadsa día coiṁṫiġeaċ; agus ní ċláonfa tú ṫú féin do ḋía coigcríċe.

¹⁰ Is misi an TIĠEARNA do Ḋía ṫug súas ṫú as críċ na Hégipte: fosgail do ḃéul go fairsing, agus líonfa misi é.

¹¹ Aċt níor éisdeadar mo ḋaóine rem ġuṫ; agus níor uṁluiġ Israel daṁ.

¹² Agus do léigios dóiḃ imṫeaċd a míangus a ccroiḋe: do ṡioḃladar iona ccoṁairle féin.

¹³ O dá néistfedís mo ḋáoine riomsa, dá siuḃlaḋ Israel ann mo ṡliġṫiḃ!

¹⁴ Do ḃéuruinn a naiṁde a núas go haiṫġéarr agus dfillfinn mo láṁ air a neasccáirdiḃ.

¹⁵ Duiṁleoċaidís luċt fúaṫa an TIĠEARNA íad féin go faṫaċ ḋó; aċt do ḃíaḋ a naimsirsion go siorrúiḋe.

¹⁶ Agus do ḃeaṫoċaḋ sé íad le méuṫus cruiṫneaċda: agus lé mil amaċ as an ccarruic do ṡáiseoċuinn ṫú.