Psailm 80 - An Bíobla Naoṁṫa 1817 (Bedell)

Psalm LXXX. Gaḃaiḋ Día cúram ḋá ḟineaṁain, 1 ḋá eaglaisi fein, giḋ ata anois ar na cognaṁ agus ar na toċlaḋ.

Don ṗríṁḟear ceóil air Ṡosannim Edut, Psalm Asaṗ.

¹ O a aoḋaire Israel, taḃair éisdeaċd, ṫusa noċ ṫréoruiġios Ióseṗ aṁuil ṫréad; deálruiġiḋsi amaċ, noċ ṡuiġios ar na ċeruḃíniġ.

² Roiṁe Eṗraim agus Ḃeniamin agus Ṁanasseh corruiḋ súas do neart, agus ttárṫuiġ sinn.

³ A Ḋé, iompoiġ sinn, agus taḃair air haġaiḋ deálruġ; agus bíam slán.

⁴ A ṪIĠEARNA a Ḋé na slóġ cá fad ḃías tú feargaċ a naġaiḋ urnaiġe do ḋaóine?

⁵ Do ḃeaṫuiġ tú íad ré harán na ndéor; agus ṫugais orra déora iḃe go fairsing.

⁶ Do ní tú imriosuin dínn dár ccoṁarsanaiḃ: agus do níd ar naiṁde magaḋ eaturra féin.

⁷ A Ḋé na slóġ, iompóiġ sinn arís, agus taḃair air haġaiḋ deálraḋ; agus bíam slán.

⁸ Ṫug tú fíneaṁuin as an Négipt: do ṫeilgis amaċ na cineaḋaċa, agus do ċuir tú í.

⁹ Do ṡolaṫair tú ionad roimpe, agus ṫugais air a fréaṁaċ fréaṁaḋ, agus do líon sí an talaṁ.

¹⁰ Do folċaḋ na sléiḃte re na scáile, agus ba séadair ṁóra a beangáin.

¹¹ Do ċuir sí amaċ a beangáin go nuige an ṁuir, agus a gaḃláin gus a naḃuinn.

¹² Cred far ḃrisis síos a fálta, ċor go sgoṫaid í gaċ a ngaḃann an tsliġe?

¹³ Toċlaiḋ fíaḋ-ċullaċ na coilleaḋ í, agus iṫiḋ beaṫaċ állta an ṁaġa súas í.

¹⁴ A Ḋé na slóġ, iompóiġ, a íarmid daḋċuinge ort: féuċ ó neaṁ, agus faic, agus tárr dféaċain na fíneaṁnaso;

¹⁵ Agus an stoc do ṗlannduiġ do láṁ ḋeas, agus an beangán do rinne tú coṁláidir sin duit féin.

¹⁶ Atá sí ar na losgaḋ ré teine, géarrṫa síos: meaṫaid ré haċṁusán do ġnúise.

¹⁷ Bioḋ do láṁ air ḟear do láiṁe deise, air ṁac an duine noċ do rinnis coṁláidir sin duit féin.

¹⁸ Agus ní raċam ar ccúl uáitsi: béoḋuiġ sinn, agus gairfiom air hainm.

¹⁹ A ṪIĠEARNA a Ḋé na slóġ, iompóiġ arís sinn, agus taisbéin haġaiḋ ḋúinn; agus bíam slán.