Psailm 78 - An Bíobla Naoṁṫa 1817 (Bedell)

Psalm LXXVIII. Rúinndíaṁra na sean aimsir.

Psalm teagaisg Asaṗ.

¹ Tugaiḋ, ó mo ṗobal, éisteaċt dom ḋliġeaḋ: cláonuiḋ ḃur cclúas ċum bríaṫar mo ḃéil.

² Foisgeolad mo ḃéul a ccosaṁlaċt: noċtfa mé laḃarṫa dorċa ón tseanaimsir:

³ Noċ do ċúalamar agus bá fios dúinn, agus dinnisiadar ar naiṫre ḋúinn.

⁴ Ní ċeilfiom air a ccloinn íad, ag innisin don ġinealaċ ṫiocfas molta an TIĠEARNA, agus a ċuṁaċta, agus na míorḃuile do rinne sé.

⁵ Oír do ḋaingniġ sé fiaḋnuise ann Iácob, agus dórduiġ sé dliġeaḋ a Nísrael, noċ daiṫin dar naiṫriḃ, a ḟoillsiuġaḋ dá gcloinn:

⁶ Ċum go mbiáiḋ a ḟíos ag an nginealaċ do ṫiucfaḋ, ag na leiniḃ do béartaoi; agus ag éirġe go ninneosaidís dá gcloinn féin:

⁷ Agus go ccuirfedís a ndóṫċus a Ndía, agus naċ dearmadfaidís oibreaċa Dé, agus go cconneoċaidís a aiṫeanta:

⁸ Agus gan a ḃeiṫ mar a naiṫre, ginealaċ neiṁċeannsuiġ agus easuṁal; ginealaċ naċ díriġionn a ccroiḋe go ceart, agus naċ ḃfuil a spiorad fírinneaċ do Ḋía.

⁹ Ar mbeiṫ do ṁacuiḃ Eṗraim, armṫa, ag láṁaċ re boġa, dfilliodar air a nais a ló an ċaṫa.

¹⁰ Níor ċongṁadar connraḋ Dé, agus do ḋiúltadar imṫeaċt iona ḋliġeaḋ;

¹¹ Agus do ḋearmadar a oibreaċa, agus a ionganta noċ dfoillsiġ sé ḋóiḃ.

¹² Do laṫair a naiṫreaḋ do rinne se miorḃuil, a ttalaṁ na Hégipte, a maċaire Soan.

¹³ Do scoilt se a nfairge, agus ṫug íadsan tríṫe; agus ṫug air na huisgeaḋuiḃ seasaṁ mar ċárn.

¹⁴ Agus do ṫréoruiḋ íad a néull san ló, agus air feaḋ na hoiḋċe ré solus teineaḋ.

¹⁵ Do scoilt sé na cairge annsa díoṫraṁ, agus ṫug deoċ ḋóiḃ go fairsing mar buḋ as a naigéan.

¹⁶ Agus ṫug sé sroṫa amaċ as na cairgiḃ, agus ṫug sé air na huisgiḋiḃ rioṫ síos aṁuil aiḃne.

¹⁷ Agus do ṗeacuiġeadar fós na aġaiḋ re caṫuġaḋ do ċur annsa díoṫraṁ air an té is ro áirde.

¹⁸ Agus do ċuireadar caṫuġaḋ air Ḋía iona gcroiḋe ag íarruiḋ bíḋ dá nainṁíannuiḃ.

¹⁹ Do laḃradar fós a naġaiḋ Dé; a duḃradar, An ḃféadann Día bórd do líonaḋ le bíaḋ san díoṫraṁ?

²⁰ Féuċ, do ḃuáil sé an ċarrac, agus do lingeadar uisgeaḋa amaċ, agus do ṫuiliġeadar sroṫa; an ḃféadann sé arán do ṫaḃairt úaḋ mar an ccéadna? an féidir leis feóil do ṡolaṫar dá ḋáoiniḃ?

²¹ Ar a naḋḃarsin do ċúala an TIĠEARNA sin, agus do ḃí ro ḟeargaċ: iondus go raiḃ teine ar na lasaḋ a naġaiḋ Iácob, agus mar an gcéadna ṫaínig díḃḟearg súas a naġaiḋ Israel;

²² Do ḃríġ nar ċreidiodar a Ndía, agus nar ċuireadar a ndóiġ iona ṡlánuġaḋ:

²³ Giḋ gur aiṫin sé do na néulluiḃ ó náird a núas, agus gur ḟoscuil doirse niṁe,

²⁴ Agus gur ḟear orra manna re iṫe, agus go ttug sé arḃar ó neaṁ ḋóiḃ.

²⁵ Do iṫ an duine aran na naingeal: do ċuir sé a ndíol bíḋ ċuca.

²⁶ Ṫug sé air an ngaóiṫ a noir gaḃáil ṫort is neaṁ: agus re na ċuṁaċda ṫug sé a steaċ an ġáoṫ a ndeas.

²⁷ Agus dfear sé feóil orra mar luáiṫreaḋ, agus éanlaiṫ sciaṫánaċ mar ġaineaṁ na fairge:

²⁸ Agus ṫug orra a tuitim a meaḋón an ċampa, a ttimċioll a ionad coṁnuiḋe.

²⁹ Mairsin a dúadar, agus do ḃadar sáiṫeaċ go lor: óir ṫug sé ḋóiḃ a mían féin;

³⁰ Ní ḋéarnaḋ fós coiṁiġeaċ íad óna nainṁíanuiḃ féin. Do ḃí a mbíaḋ fós iona mbéul,

³¹ A núair ṫáinic fearg Dé orra, agus do ṁarḃ da ndáoiniḃ méiṫe, agus do leag síos roġa oigḟear Israel.

³² Ṫairis so uile do ṗeacuiġeadar fós, agus níor ċreidiodar ar son a ionganta.

³³ Agus do ċaiṫ sé a láeṫe a ndíoṁáoineas, agus a mblíaḋna a mbuáiḋreaḋ.

³⁴ A nuáir do ṁarḃ sé íad, is annsin do ṡiriodar é: agus dfilliodar agus do ṡireadar Día go moċ,

³⁵ Agus do ċuiṁniġeadar gur bé Día a ccarruic, agus an Día láidir a ḃfúascaltóir.

³⁶ Agus do rinneadar spleaḋa ris re na mbéul, agus bréaga re na tteangaiḋ.

³⁷ Aċt ní raiḃ a ccroiḋe leis, agus ní raḃadar fírinneaċ ann a ċunnraḋ.

³⁸ Ṫairis sin, mar do ḃí sé trócaireaċ, do ṁaiṫ a ccionta, agus níor sgrios íad: agus dfill sé go minic a ḟearg tar a hais, agus níor ṁúscail sé a ḋiḃḟearg uile.

³⁹ Agus do ċuiṁniġ gur ḃfeóil íad; anál do imṫiġios, agus naċ ḃfillean.

⁴⁰ Cá ṁéud úair do ċorruiġeadar é annsa díoṫraṁ, agus do ċuireadar doilġios air annsa ḃfásaċ!

⁴¹ Agus dfilliodar agus do ċuireadar caṫuġaḋ ar Ḋía, agus do ċuireadar an Táon Náoṁṫa Israel a gcuimsi.

⁴² Níor ċuiṁniġeadar a láṁ, nó an lá do ṡáor sé íad ó na náṁuid.

⁴³ A nuáir do ċuir a ċoṁarṫaḋa san Négipt, agus a ionganta a maġ Soan:

⁴⁴ Agus diompóiḋ a sroṫa a ḃfuil; agus a naiḃne, go nar ḃféidir ḋóiḃ deoċ ól.

⁴⁵ Do ċuir sé iona measc iomad cuiléog, noċ do iṫ íad; agus an luisgionn, noċ do scrios íad.

⁴⁶ Agus ṫug sé a mbiseaċ don dréollán-teasḃuiḋ, agus a saoṫar don lócuist.

⁴⁷ Do ṁarḃ a ḃfíneaṁuin ris an gcloiċṡneaċta, agus a ccroinn siocamor ris an gcuisne.

⁴⁸ Agus ṫug a neallaċ don ċloiċṡneaċda, agus a ttréuda do na teinntiġ.

⁴⁹ Do ċuir sé orra teas a ḟeirge, fíoċ, agus aingiḋeaċd, agus buaiḋreaḋ, ré cur droċaingiol na measc.

⁵⁰ Do ċoṁṫromuiġ sé sliġe ḋá ḟeirg; níor ċáoṁuin a nanam ó ḃás, agus ṫug sé a mbeaṫa don ṗláiġ;

⁵¹ Agus do ḃuáil sé céidġeine na Hégipte; tosaċ a néirt a bpáilliúnuiḃ Ham:

⁵² Agus ṫug air a ḋaoiniḃ dul ṫairis mar ċáorċaiḃ, agus do ṫréoruiḋ aṁuil tréud annsa díoṫraṁ íad.

⁵³ Agus do ṫréoruiḋ amaċ íad ré dánaċd, agus ní raiḃ eagla orra: agus dfoluiġ a nfairge a naiṁde.

⁵⁴ Agus ṫug sé íad go himeal a ṡanctora, an slíaḃso, noċ do ġnoḋuiġ a láṁ ḋeas.

⁵⁵ Agus do ṫeilg amaċ rompa na geintiġe fós, agus do roinn sé oiġreaċd dóiḃ re crannċaír, agus ṫug air ṫreaḃuiḃ Israel áitriuġaḋ iona nionad suiḋe.

⁵⁶ Giḋeaḋ do ċuireadar caṫuġaḋ agus do ḃrostuiġeadar an Día is ro áirde, agus níor ċongṁadar a ḟíaḋnuisiġ:

⁵⁷ Aċt dfilliodar air a ccúl, agus do ṗeacuiġeadar go míoċoinġiollaċ mar a naiṫre: do ḃádar air na niompóġ mar ḃoġa cealgaċ.

⁵⁸ Agus do ċorruiġeadar é ċum feirge le na náitiḃ árda, agus re na níoṁáiġiḃ ceirḃéarṫa do ġluáisiodar é ċum éada.

⁵⁹ Do ċúalaiḋ Día sin, agus do ḃí fearg air, agus do ḟúaṫaiḋ Israel go ro ṁór:

⁶⁰ Agus do ṫréig sé tabernacuil Ṡilo, an páillíun noċ do ṡuiġiḋ sé a measc a ḋaóine;

⁶¹ Agus do ṫoirḃir a neart a mbraiġdionas, agus a ġlóir a láiṁ na náṁad.

⁶² Ṫug sé mar an ccéadna a ḋaóine don ċloiḋioṁ; agus do ḃí sé feargaċ re na oiġreaċd.

⁶³ Do loisg an teine roġa a ndaóine óg; agus níor ṁolaḋ a maiġdiona.

⁶⁴ Do ṫuiteadar a sagairt ris an ccloiḋeaṁ; agus níor ġuileadar a mbaintreaḃaċa.

⁶⁵ Ann sin do ṁúscuil an TIĠEARNA mar ḋuine na ċodlaḋ, agus mar ḋuine árraċta ag gárrṫa tre ḟíon.

⁶⁶ Agus do ḃuáil a naiṁde iona ndeireaḋ: ṫug sé scannail ṡíorruiḋe ḋóiḃ.

⁶⁷ Agus do ḋíult sé áitreaḃ Ióseṗ, agus níor ṫoġ sé treaḃ Eṗraim:

⁶⁸ Aċt do ṫoġ sé treaḃ Iúdah, slíaḃ Sion noċ dob ionṁuin leis.

⁶⁹ Agus do ċuir súas a ṡanctóir cosṁuil re pálásaiḃ árda, mar an ttalaṁ noċ do ṡuiġiḋ sé go síorruiḋ.

⁷⁰ Agus do ṫoġ sé Dáiḃi a ṡeirḃíseaċ ċeana, agus rug sé ó ṁanraċaiḃ na ccáoraċ é:

⁷¹ O ḃeiṫ a ndiáiġ na ccáoraċ ann a raiḃ uáin ṫug sé é do ḃeaṫuġaḋ Iácob a ṗobal, agus Israel a oiġreaċd.

⁷² Agus do ḃeaṫaiḋ sé íad ré iomláine a ċroiḋe; agus do ṫréoruiḋ íad lé héolus a láṁ.