Psailm 74 - An Bíobla Naoṁṫa 1817 (Bedell)

Psalm LXXIV. Urnaiġ ag iarraiḋ furtaċd don eagluis ro ḃrúiġte.

Psalm teagaisg Asaṗ.

¹ Cred fár ṫeilgis uáit go bráṫ sinn, a Ḋé? a ndéana ṫfearg deataċ a naġaiḋ ċáoraċ hinnḃir féin?

² Coiṁniġ do ċoiṁṫionól, noċ do ċeannuiġ tú fada ó ṡin; dfúascail tú slat hoiġreaċta; do ċnoc Sion, ann ar ċoṁnúiġis.

³ Tóg súas do ċosa ċum na ḃfásaċ síorruiḋe; a nuile olc da ndéarnaiḋ an náṁaid annsa tsanctóra.

⁴ Béiciḋ do naiṁde a meaḋon do ċoiṁṫionól; do ṡáiṫeadar a mbrataċa mar ċoṁarṫaiḃ.

⁵ Bá clúiteaċ an té noċ do ṫógaḋ a ṫúaiḋ go hárd ar ṫiuġ na coille.

⁶ A nois mar an ccéadna buailid síos a obair ċeirḃeireaċda re tuaḋuiḃ agus re hórduiḃ.

⁷ Do ċuireadar an tsanctóir tre ṫeine go talaṁ, do ṫruáilliġeadar ionad coṁnuiḋe hanmasa.

⁸ A duḃradar iona gcroiḋṫiḃ, Scriosam íad a naóinḟeaċd: do ċuireadar tré ṫeine gaċ uile ċoiṁṫionól re Día annsa dúiṫċe.

⁹ Ní ḟaicmíd ar ccoṁarṫaḋa: ní ḃfuil áon ḟáiḋ ní as mó: ní mó atá áon agá ḃfuil a ḟios cá fad.

¹⁰ Cá fad, a Ḋé, ḃías a neasccara ag scannluġaḋ? an mbía an náṁuid ag tarcuisniuġaḋ ċoiḋċe?

¹¹ Cred fá ḃfillionn tú do láṁ, do láṁ ḋeas féin? connaiṁ í ó lár do ḃrolluiġ.

¹² Oír se Día mo Ríġ a ríaṁ, ag oibriuġaḋ slánuiġṫe a meaḋon na talṁan.

¹³ Do roinn tú a nfairge léd neart: do ḃris tú cinn na ndragún annsna huisgeaḋuiḃ.

¹⁴ Do ḃrúiġis cinn an leḃíatan; ṫugais é mar ḃíaḋ do na daóiniḃ annsa ḃfásaċ.

¹⁵ Do scoilt tú toibreaċa agus sroṫa: do rinnis aiḃne móra tirim.

¹⁶ Is duitsi is dúal an la, is leatsa fós a noiḋċe: dórduiġ tú an solus agus an ġrían.

¹⁷ Do ṡuiġiḋ tú imiol na talṁan uile: do ċum tú saṁraḋ agus geiṁreaḋ.

¹⁸ Cuiṁniġ so, a ṪIĠEARNA, gur scannluiġ an náṁuid, agus gur ṫarcuisniġeadar na daóine leaṁa hainm.

¹⁹ Ná taḃair anam do ċolum do ċuideaċda na náṁad: coiṁṫionól do ḃoċd ná dearmaid ċoiḋċe.

²⁰ Taḃair haire don ċonraḋ: óir atáid áitreaḃuiġ dorċa na talṁun lán dáitriḃ foiréigin.

²¹ Na léig do luċt an leatruim filleaḋ fa náire: molaid na boiċt agus na huireasḃaċa hainm.

²² Eíriġ, a Ḋé, tagair do ċúis féin: cuiṁniġ do ṫarcuisne ó namadán air feaḋ an laói.

²³ Ná dearmuid guṫ do náṁad: an luċd éirġios ad aġaiḋ ag méuduġaḋ a gcoṁnuiġe.