Psailm 71 - An Bíobla Naoṁṫa 1817 (Bedell)

Psalm LXXI. Ata Daiḃi ag aṫċoinniġ a ċongḃail daingean a ccráḃaḋ iona ṡeanaois.

¹ Ionnadsa, a ṪIĠEARNA, cuirim mo ḋóiġ: ná náiriġṫear mé go bráṫ.

² Ann tfiréantas fúasgail mé, agus sáor mé: cláon do ċlúas ċúgam, agus cúṁduiġ mé.

³ Bí ḋaṁsa ad ionad súiġe daingion, ċum a raċad do ġnáṫ: óir ṫugais aiṫne mo ṫárṫáil; is tú mo ċarruic agus mo ḋaingion.

⁴ Mo Ḋía, sáor mé, as láiṁ an ċiontuiġ, as láiṁ an duine neiṁḟíréunta agus ḟíoċṁair.

⁵ Oír is tú mo ḋóiġ, a ṪIĠEARNA Día: mo ḋóiġ óm óige.

⁶ Is leatsa do congṁaḋ súas mé ón mbroinn: is tú ṫug mé ó ionaṫar mo ṁaṫar: is tusa ṁolfas mé a ccoṁnuiġe.

⁷ Mar iongnaḋ do ḃí mé ag mórán; aċt is tusa mo ḋídean daingean.

⁸ Bíoḋ mo ḃéul líonta led ṁolaḋ honóir air feaḋ an laói.

⁹ Ná teilg seaċad mé a naimsir mo ṡeanaoise; a nuáir ḟailliġios mo neart na tréig mé.

¹⁰ Oír laḃruid mo naiṁde am aġaiḋ; agus luċt atá ag forḟaire air manam gaḃaid coṁairle ré ċéile,

¹¹ Ag ráḋ, Do ṫréig Día é: inġreamuiġ agus gaḃaiḋ é; óir ní ḃfuil fear a ṫárṫála.

¹² A Ḋé, ná bí a ḃfad uáim: mo Ḋía, deiṫfriġ dom ḟurtaċd.

¹³ Bídís claóiḋte agus dioġḃáite noċ atá na neasgcáirdiḃ dom anam; foluiġṫear íad lé scannail agus ré easonóir noċ íarrus molc.

¹⁴ Aċt biáiḋ dóṫċus agam do ġnáṫ, agus cuirfead a gcionn huile ṁolta.

¹⁵ Aiṫreosuiḋ mo ḃéul ṫfíréuntaċt air feaḋ an laói do ṡlánuġaḋ; bíoḋ naċ féidir liom a náirioṁ.

¹⁶ Raċad air maġaiḋ a neart an TIĠEARNA Día: traċdad ar ṫfíréuntaċdsa, ar aṁáin.

¹⁷ O Ḋé, do ṁúinis mé óm óige: agus go nuige so dfoillsiġ mé do ṁíorḃuile.

¹⁸ Anois fós a núair atáim sean agus líaṫ, a Ḋé, ná tréig mé; go ttaisbeana mé do neart don ġinealaċso, agus do ċuṁaċda do nuile ḋuine ṫiucfas.

¹⁹ Atá ṫfíréuntaċt fós ro árd, a Ḋé, noċ do rinne neiṫe móra: a Ḋé, cía is cosṁuil riotsa!

²⁰ Ṫusa noċ do ṫaisbéin daṁ buáiḋearṫa iomḋa neiṁneaċa, béoḋoċair mé a rís, agus do ḃéarair súas mé ó ḋoiṁne na talṁan.

²¹ Foirlíonfa tú márraċtas, agus coṁfuirteoċa tú mé air gaċ taóiḃ.

²² Molfa mé fós ṫú air aḋḃaiḋ na sáltraċ, ṫfírinnesi, ó mó Ḋía: canfad sailm ḋuit leis an ccláirsiġ, ṫusa a Aóin Náoṁṫa Israel.

²³ Do ḋéana mo ḃéul lúaṫġáire mar ċanfad sailm ḋuit; agus manam, noċ dfúascuil tú.

²⁴ Laiḃeoruiḋ mar an gcéadna mo ṫeanga air ṫfíréantaċd feaḋ an laói: óir atáid claóite, atáid ar na nairiuġaḋ, an drong íarrus molc.