Psailm 69 - An Bíobla Naoṁṫa 1817 (Bedell)

Psalm LXIX. Urnaiġe ḋuine ar a ṡáruġaḋ; ag tairrgir scrios an luċd ṡáruiġṫe.

Don ṗríṁḟear ceóil ar Ṡosannim, Psalm Ḋáiḃi.

¹ Saor mé, a Ḋé; óir ṫangadar na huisgeaḋa go nuige manam.

² Do sluigeaḋ mé a lábán roḋoṁuin, mar naċ ḃfuil ionad seasta: ṫáinig mé go doiṁne na nuisgeaḋ, agus tá an sruṫ ag dul ṫorum.

³ Atáim toirseaċ óm ċoṁarcuiḃ: do tiormuiġeaḋ mo scórnaċ, do ḟailliġeadar mo ṡúile tre mfoirḟeiṫeaṁ air mo Ḋía.

⁴ Do líonadar ós cionn ġrúaige mo ċinn an luċd agá ḃfuil fúaṫ orum gan aḋḃar: Is cuṁaċdaċ an luċd re ar mían mo ḋíoṫlaiṫriuġaḋ, ar mbeiṫ na naiṁde agam, go héagcóraċ: annsin daisig mé an ní nar ḟúaduiġios.

⁵ A Ḋé, is aiṫne ḋuitse mo leiṁe; agus ní ḃfuil mo ċionta a ḃfolaċ ort.

⁶ An drong atá ag feiṫioṁ ortsa, a ṪIĠEARNA Día na slúaġ, ná claóiḋṫear íad ná bíoḋ náire orra air mo ṡonsa: an drong íarrus ṫusa, a Ḋé Israel.

⁷ Do ḃríġ gur iomċair mé scannail ar do ṡonsa; atá maġaiḋ a ḃfolaċ lé náire.

⁸ Do rinneaḋ coiṁṫiġeaċ ḋíom dom ḋearḃráiṫriḃ, agus eaċtrannaċ do ċloinn mo ṁaṫar.

⁹ Oír a duáiġ éad do ṫiġesi súas mé; agus do ṫuit aċṁusán na druinge do scannluiġ ṫú orum.

¹⁰ Agus do ġuil mé, agus do ḃí manam a ttrosgaḋ, agus do ċuíreaḋ sin a cceann mo scannlaċ.

¹¹ Agus do rinneas mo ċulaiḋ do ṡaicéadaċ; agus do ḃí mé am ṡeanḟocal acasan.

¹² Agus do laḃradar an luċd ṡuiġios annsa ġeata am aġaiḋ; agus an luċt iḃios deoċ láidir do rinneadar aḃrán orum.

¹³ Aċt misi, atá mo ġuiḋe ċugadsa a ṪIĠEARNA, a nam ionġaḃála: a Ḋé, do réir ro iomad do ṫrócaire cluin mé, a ḃfírinne do ṡlánaiġṫe.

¹⁴ Sáor mé as an laṫaiḋ, agus ná léig mo ḋul a níoċtar: sáorṫar mé ó luċd mfúaṫaiġṫe, agus as doiṁne na nuisgeaḋ.

¹⁵ Ná leig do ṫuile na nuisgeaḋ dul ós mo ċionn, agus na léig do naigéan mo ṡlugaḋ, agus ná léig don ṗoll a ḃéul do ḋrud orum.

¹⁶ Cluin mé, a ṪIĠEARNA; oír is maiṫ do ċinéul gráḋaċ: do réir iomad do ṫrócaire ceannsa fill orum.

¹⁷ Agus ná foluiġ haġaiḋ ód ṡeirḃíseaċ; óir a táim a mbuaiḋreaḋ: déana deiṫfir dom éisdeaċd.

¹⁸ Druid a ngar dom anam fúasgail é: sáor mé do ḃríġ mo náṁad.

¹⁹ Is aiṫne ḋuitsi mo scannail, agus mo náire, agus measonóir: atáid mo naiṁde uile ós do ċoinne.

²⁰ Do ḃris an táċṁusán mo ċroiḋe; agus atáim lán do ḋóbrón: agus do ḃí súil agam re duine éigin do ḋéanaḋ coṁṫuirsi leam, agus ní raiḃ áonduine; agus ar son luċd coṁḟurtaċda, ní ḃfúaras íad.

²¹ Agus ṫugadar ḋaṁ arson ḃíaḋ domlas; agus ann mo ṫart ṫúgadar fíneagra re nól daṁ.

²² Bíoḋ a mbórd ós a ccoinne féin mar ḋul: agus a nionad luaiḋeaċda, mar ṗaintéur ḋóiḃ.

²³ Dorċuiḋṫear a súile, iondus naċ ḃfaicfid; agus taḃair air a leasraċaiḃ ḃeiṫ a ccomnuiġe air criṫ.

²⁴ Dóirt amaċ do ḋíḃḟeirg orra agus gaḃaḋ teas ṫfeirge greim orra.

²⁵ Bíoḋ a nionad coṁnuiḋe na ḃáinsiġ; ná bíoḋ fear coṁnuiġe ann a ttiġṫiḃ.

²⁶ Oír do níd ainleanṁuin air an té do ḃuáil tusa; agus laḃruid ċum doilġis don luċt do loit tú.

²⁷ Cuir urċóid a gcionn a nurċóide: agus ná tiaġaid ad ṫfíréantaċtsa.

²⁸ Scriostar amaċ íad as leaḃar na mbéo, agus ná scríoḃṫar íad maille ris na fíréunuiḃ.

²⁹ Agus misi, bíoḋ go ḃfuilim ar mo ḃuáiḋreaḋ, agus dóbrónaċ: cuireaḋ do ṡlanúġaḋ, a Ḋé, súas go hárd mé.

³⁰ Molfad ainm Dé re caintic, agus do ḋéanad a ṁóruġaḋ ré taḃairt buiḋeaċais.

³¹ Taitneoċuiḋ so mar an gcéadna ris an TTIĠEARNA nísa ṁó ná daṁ nó bulóg agá ḃfuilid aḋarca ingne scoilte.

³² Do ċífiḋ an tuṁal sin, agus do ḋéana gáirdeaċus: agus mairfiḋ ḃur ccroiḋesi noċ íarrus Día.

³³ Oír cluiniġ Día na boiċt, agus ní ṫarcuisniġeann a ṗríusúnaiġ.

³⁴ Molfaiḋ neaṁ agus talaṁ é, na fairgeaḋa, agus a ccorruiġionn ionnta.

³⁵ Oír sáorfa Día Sion, agus cuirfe súas caiṫreaċa Iúdah: ionnus go ndéanaid coṁnuiġe annsin, agus go mbiáiḋ na oiġreaċt aca.

³⁶ Agus sealḃoċuiḋ slioċt a ṡeirḃíseaċ é: agus an luċt ġráḋuiġios a ainm áitreoḃuid ann.