Psailm 68 - An Bíobla Naoṁṫa 1817 (Bedell)

Psalm LXVIII. Caintic ċaiṫreamaċ aig aṫruġaḋ na hairce, agus um ḃuaiḋ agus riġeaċt Ċriosd.

Don ṗríṁḟear ceóil Psalm agus caintic Ḋáiḃi.

¹ Eirġioḋ Día, agus spréiḋṫear a naiṁde: agus teiṫidis an luċt ḟúaṫiġios é ó na aġaiḋ.

² Mar ṫiomáintear deataċ seaċad, marsin tiomáinse seaċad íad: mar leaġas céir ós coinne tineaḋ, marsin meaṫaidís na cíontuiġ a ḃfiaġnuíse Dé.

³ Aċt bídís na fíréin lúaṫġáireaċ; déindís gáirdeaċus ós coinne Dé: agus, bídís meanmnaċ lé lúaṫġáire.

⁴ Canaiḋ do Ḋía, canaiḋ psalm ḋa ainm: árduiġiḋ an té do ní marcuiġeaċd ar na flaiṫís re na ainm IAH, agus deanuiḋ gáirdeaċus ós a ċoinne.

⁵ Isé Día aṫair na ndílleaċt, agus breiṫioṁ na mbaintreaḃaċ, a nionad coṁnuiḋe a náoṁṫaċta.

⁶ Cuiriḋ Día an tuáigneaċ a tteaġlaċ: do ḃeir amaċ an drong ḃíos ceangailte lé slaḃraḋuiḃ: aċt do níd na méirliġ coṁnuiġe a ttalaṁ ṫirim.

⁷ A Ḋé, a nuáir do ċúaiḋ tú amaċ roiṁe do ṗobal, a nuáir do ċúaiḋ tú ar haġaiḋ go gaisgeaṁuil san díoṫraṁ; Selah:

⁸ Do ċrioṫnuiġ an talaṁ, do ṡileadar na flaiṫeaṁnuis ó aġaiḋ Dé: Sínai féin ar aġaiḋ Dé, Día Israel.

⁹ Do ṡil tú fearṫuinn ṫioḋlaicṫeaċ a núas, a Ḋé, do ċoṁḋaingniḋ tú hóiġreaċt, an tan do ḃí sí tuirseaċ.

¹⁰ Do ḃí do ċoiṁṫional na ccoṁnuiḋe inte: do ḋaingniġ tú sin do réir do ṁaiṫeasa do na boċtaiḃ, a Ḋé.

¹¹ Ṫug an TIĠEARNA an focal: bá mór an banna do ṡoisgéul é.

¹² Teiṫid ríġṫe slúaġ, teiṫid: agus roinne sisi noċ ċoṁnuiġios a stiġ a néadail.

¹³ Bíoḋ gur luiġioḃair a measg na mbránraḋ, beiṫí mar sciaṫáin coluim ar na ḃfolaċ lé hairgiod, agus a cleiteaċ ré ór buiḋe.

¹⁴ A nuáir do spréiḋ an Tuileċuṁaċdaċ ríġṫe air a sonsa, do ḃí sí mar ṡneaċta a Salmon.

¹⁵ Cnoc Dé cnoc Básan; cnoc árd cnoc Básan.

¹⁶ Créd fá lingṫí, siḃsi a ṡléiḃte árda? an cnocso bá mían lé Día coṁnuiġe do ḋéanaṁ ann; biáiḋ an TIĠEARNA no ċoṁnuiġ ann go bráṫ.

¹⁷ Atáid carbaid Dé fiṫċe míle, míltiḋ dáingliḃ; atá an TIĠEARNA na measc, annsa náit náoṁṫa, Sínai.

¹⁸ Do ċuáiḋ tú súas ar árd, ṫugais braiġdeanas a mbraiġdeanas leaċd: do ġaḃ tú tioḋlaicṫe ar son daóine; agus fós, ar son na méirleaċ, ċum coṁnuiḋe na measc a ṪIĠEARNA Día.

¹⁹ Go maḋ beannuiġ an TIĠEARNA, noċ ṫréoruiġios sinn go láeṫeaṁuil, Día ar ṡlánuiġṫe. Selah.

²⁰ Isé ar Ndíanne Día ar slánuiġe; agus ré Día an TIĠEARNA beanaid sliġṫeaċ an ḃáis.

²¹ Loitfiḋ Día go deiṁin ceann a naṁad, agus cloigionn ġrúagaċ an té ṡiuḃlas do ġnáṫ iona ṗeacaiḋ.

²² A duḃairt an TIĠEARNA, O Ḃásan do ḃéarad a rís, do ḃéarad ṫusa a rís ó ḋúḃaigéan na fairge:

²³ Go ttumṫuiġ do ċos a ḃfuil, teangṫa do ṁadraḋ a ḃfuil do náṁad.

²⁴ Do ċonncadar himṫeaċda, a Ḋé; imṫeaċta mo Ḋé, mo Ríġ annsa tsanctóra.

²⁵ Do ċúadar na cantaireaḋa a ttosaċ, na ndiáiġ sin an luċd seanma air aḋḃuiḋiḃ; iona meaḋón na maiġdiona oga ag búalaḋ tábuir.

²⁶ Beannuiġsi Día annsna coṁḋáluiḃ, an TIĠEARNA, ó ṫiobraid Israel.

²⁷ Ag sin Beniamin beag a núaċdarán, prionnsuiġe Iudah agus a ccoiṁṫonol, prionnsuiġe Sebulon, agus prionnsoiġe Naṗtali.

²⁸ Daiṫin do Ḋía féin do neart: neartuiġ, a Ḋé, an ní sin noċ doibriġ tú ḋúinne.

²⁹ Ar son do ṫeampuill ann Ierusalem do ḃéuraiḋ ríġṫe tioḋlacaḋ ċugad.

³⁰ Imḋearg beaṫaċ an ġiolcuiḋ, ealḃa na ttarḃ láidir, maille ré láoġaiḃ na ndaóine, nó go nuṁluiġe sé é féin ré píosuiġiḃ airgid: spréiḋ ó ċéile na daóine agá ḃfuil dúil a ccogaḋ.

³¹ Tiocfaid prionnsuiġe as a Négipt; sínfiġ Etíopia go hobann a láṁa amaċ do Ḋía.

³² Canaiḋ do Ḋía, a rioġaċda na talṁan; canaiḋ sailm don TIĠEARNA; Selah:

³³ Don té do ní marcuiġeaċd ar neaṁuiḃ na neaṁ, ón tseanaimsir; féuċ, do ḃeir sé a ġuṫ, guṫ neartṁar.

³⁴ Tugaiḋsi neart do Ḋía: noċ agá ḃfuil a oirḋearcus ar Israel, agus a ḃfuil a neart a ḃflaiṫeaṁnus.

³⁵ Is úaṫḃásaċ ṫusa a Ḋé, amaċ as háitiḃ náoṁṫa: sé Día Israel do ḃeir neart agus cuṁaċda don ṗobal. Go má beannuiġ Día.