Psailm 60 - An Bíobla Naoṁṫa 1817 (Bedell)

Psalm LX. Psalm ċaiṫreamaċ tar éis ḃuáiḋ ċaṫláraċ.

Don ṗríṁḟear ceóil aír Ṡusan-eduṫ, Psalm órḋa Ḋáiḃi ċum teagaisg; an tan do ṫroid sé ré Aram ó Ṁesopotamia, agus re Aram ó Ṡobah, an tan dfill Ioab, agus do ṁarḃ do Edom ḋá ṁíle ḋéug a ngleann an tsaluinn.

¹ A Ḋe, do ċuir tú ḋíot sinn, do ḃris tú sinn, do ḃí fearg ort; iompóiġ ṫú féin ċugainn a rís.

² Ṫugais air an ttalaṁ crioṫnuġaḋ; agus do ḃrisis é: leiġis a ḃéarnaḋa; óir atá sé air criṫ.

³ Do ṫaisbéin tú ní crúaiḋ dot ṗobal: ṫuguis oruinn fíon an ṁearuiġṫe dól.

⁴ Ṫuguis brataċ don luċt agá ḃfuil heagla, dá noċtaḋ air son na fírinne.

⁵ Ċum go sáorfuiḋe haóís gráḋa; sáor led láiṁ ḋeis, agus cluin misi.

⁶ Do laḃair Día iona náoṁṫaċd; bíad lúaṫġáireaċ, roinnfead Seċem, agus toiṁeosad gleann Sucot.

⁷ Is leamsa Gílead, agus is leam Manasseh; sé Eṗraim fós neart mo ċinn; Iudah mo ḋliġṫeaṁnaċ;

⁸ Moab mo ṗota ionnluiṫ; teilgfiod mo ḃróg tar Edom: a Ṗalestina, déan caiṫréim ós mo ċionn.

⁹ Cía ḃéaras mé gus an ccaṫruiġ ḋaingin? cía ṫréoroċus mé go Hédom?

¹⁰ Naċ déana tusa, a Ḋé, noċ do ċuir ḋíot sinn? agus nar ḃáill leaċd dul amaċ, a Ḋé, ré ar sluáiġṫe?

¹¹ Taḃair furtaċd ḋúinn ó ḃuáiḋreaḋ: óir is díoṁáoin caḃair an duine.

¹² A Ndía do ḋéanam gaisge: agus sailteoruiḋ se síos luċt ar mbúaiḋearṫa.