Psailm 55 - An Bíobla Naoṁṫa 1817 (Bedell)

Psalm LV. Guiḋe Ḋáiḃi anaġaiḋ eascairde a ṫiġe féin.

Don ṗríṁḟear ceóil ar Neginot, Psalm teagaisg Ḋáiḃi.

¹ Taḃair éisteaċt dom ġuiḋe, ó a Ḋé; agus ná foluiġ ṫú féin óm ġearán.

² Taḃair aire ḋaṁ, agus éist riom: do ním doilġios ann mo ġearán, agus do ním fuáim;

³ Tre ġuṫ na náṁad, tre ainleatrom na bpeacaċ: óir do ḃeirid urċóid orum, agus fuaṫiġid mé a ndíḃḟeirg,

⁴ Atá mo ċroiḋe air na ro ṗíanaḋ ionnum: agus do ṫuiteadar úaṫḃása an ḃáis orum.

⁵ Atá eagla agus crioṫnuġaḋ ar tteaċd orum, agus dfoluiġ úaṫḃás mé.

⁶ Agus a duḃras, O naċ ḃfuil scíaṫán coluim agam! do ḋéanuinn eitil as, agus do ḃéinn a suáiṁneas.

⁷ Féuċ, do raċuinn a ḃfad ar seaċrán, do ḋéanuinn coṁnuiġe ann sa ḃfásaċ. Selah.

⁸ Do ḋéanuinn deiṫnios rem eulóġ ón ngaóiṫ ngúasaċdaiġ agus anfaiḋ.

⁹ Scrios, a ṪIĠEARNA, agus roinn a tteangṫa: óir do ċonnairc mé foiréígion agus imreasan annsa ċaṫruiġ.

¹⁰ A ló agus a noiḋċe tigid na timċioll air na ballaḋuiḃ: atá urċóid agus doilġios iona meaḋón.

¹¹ Atá corbaḋ ann a lár: agus ní ḋealuiġionn meaḃail agus cealg ré na sráidiḃ.

¹² Oír ní náiṁaid do imḋearg mé; annsin dféadfuinn a iomċar: níor arduiġ an té dó ḟúaṫaiġ mé é féin am aġaiḋ; ann sin do raċfuinn a ḃfolaċ air:

¹³ Aċt tusa, a ḋuine mar mo ṡaṁuil féin, mo éoluiġe, agus mfear aiṫeantais.

¹⁴ Do rinneamar aráon coṁairle ṁilis, do ċúaḋmar a naóinḟeaċd go tiġ Dé.

¹⁵ Gaḃaḋ an bás sealḃ orra, tíaġaid síos go hifrionn béo: óir atáid uilc iona ccoiṁṫionól, íona meaḋón.

¹⁶ Ar mo ṡonsa, éiġfe mé ċum Dé; agus sáorfa an TIĠEARNA mé.

¹⁷ Tráṫnóna, agus air maidin, agus san meaḋon laói, do ḋéana mé urnaiġ, agus éiġfiod ós áird: agus cluinfiḋ seision mo ġuṫ.

¹⁸ Dfúasgail sé manam a síoṫċáin ón gcaṫ do ḃí am aġaiḋ: óir is re hiomad do ḃádar ag cur ċugam.

¹⁹ Cluinfiḋ an Día láidir, agus do ḃéaraiḋ a núas íad, eaḋon an té atá ann ón tseanaimsir. Selah. Ar a naḋḃar naċ áṫruiġid, dá ḃríġ sin ní ḃíonn eagla Dé orra.

²⁰ Do ċuir sé a láṁa amaċ a naġaiḋ an luċda do ḃí a síoṫċáin ris: do ḃris sé a ċunnraḋ.

²¹ Bá bláiṫe bríaṫra a ḃéil ná ím, aċt do ḃí cogaḋ iona ċroiḋe: bá buige a ḟocail ná ola, giḋeaḋ bá cloiḋṁṫe tairrngṫe íad.

²² Teilg do ṁuiriġin air an TTIĠEARNA, agus coṫoċuiḋ sé ṫú: ní ḟuileonguiḋ sé an fíréun do ċorruġaḋ go bráṫ.

²³ Aċa tusa, a Ḋé, ḃéaras síos íad go poll an ḃáis: ní ṁairfid daoine fuilteaċa agus cealgaċa leiṫ a láeṫeaḋ; Aċt biáiḋ mo ḋóiġse ionnadsa.