Psailm 51 - An Bíobla Naoṁṫa 1817 (Bedell)

Psalm LI. An ceaṫraṁaḋ psalm aiṫriġe.

Don ṗríṁḟear ceóil, Psalm Ḋáiḃi, a nuáir ṫáinic Nátan an fáiḋ ċuige, tar éis é do ḋul go Bat-sébah.

¹ Deuna trócaire orum, a Ḋé, do réir do ṫrócaire móire: do réir ro iomaid do ṫruáiġe scrios amaċ maindliġṫe.

² Niġ mé ó mo ċiontaiḃ go hiomlán, agus glan mé ó mo ṗeacaiḋ.

³ Oír adṁuiġim mo ċionta: agus atá mo ṗeacaḋ ós mo ċoinne a ccoṁnuiġ.

⁴ Ad haġaiḋsi, féin aṁáin, do ṗeacaiḋ mé, agus ad raḋarcsa do rinneas an tolc: ċum go ḃfíoruiġṫear ṫusa ann hurlaḃra, agus go raḃair fíorġlan ann do ḃreiṫeaṁnus.

⁵ Féuċ, is an eigceart do ċumaḋ mé; agus a gcionntuiḃ do ġaḃ mo ṁaṫair a mbroinn mé.

⁶ Féuċ, iarruiḋ tú fírinne taoḃ a stiġ: agus a secréid dfoillsiġ tú crionnaċd daṁsa.

⁷ Glansa le hisóip mé, agus bíad glan: niġ mé, agus buḋ gile mé ná sneaċda.

⁸ Do ḃéarair orum gáirdeaċus agus lúaṫġáir do ċlos; ċum go ndéindís na cnáṁa noċ do ḃris tú luaṫġáire.

⁹ Foluiġ haġaiḋ óm ṗeacuiġiḃsi, agus scrios uáim mo ċionta.

¹⁰ Cruṫaiġ ionnam croiḋe glan, a Ḋé; agus aṫnúaġaiḋ ann mo ṁeaḋón spiorad iomlán.

¹¹ Ná teilg mé seaċad od ḟiaġnuise; agus ná beír do spiorad náoṁṫa uáim.

¹² Aisig ḋaṁ gáirdeaċus do ṡlánuiġṫe; agus connuiṁ súas mé le spiorad ṡaóir.

¹³ Ann sin múinfiḋ mé do ṡliġe do ċiontaċaiḃ; agus iompóċṫair peacaċa ċugadsa.

¹⁴ Sáor mé ó ḟuil, a Ḋé, Día mo ṡlánuiġṫe: agus foillseoċaiḋ mo ṫeanga ṫfíréantaċt ós áird.

¹⁵ A ṪIĠEARNA, foisgeola tú mo ṗuisíne; agus foillseoċuiḋ mo ḃéul do ṁolaḋ.

¹⁶ Oír ní íarrann tú íoḋbairt; agus go ttiuḃruinn sin uáim: ní ḃfuil dúil agad a nofráil loisge.

¹⁷ Is íad íoḋbarṫa Dé spiorad briste: ar ċroiḋe ḃriste ċoṁbrúiġte, a Ḋé, ní ḋéanair tarcuisne.

¹⁸ Déan maiṫ do Ṡion ó do ḋeaġṫoil féin: cuir súas ballaḋa Ierusalem.

¹⁹ Annsin biáiḋ fonn agad a níoḋbairt na fíréuntaċda, a nofráil loisge agus a nofráil ċnaóite go hiomlán: annsin do ḋéanaid bulóga óga do ṫoirḃirt air haltóir.