Psailm 50 - An Bíobla Naoṁṫa 1817 (Bedell)

Psalm L. Eidirḋealuġaḋ an ḟíor-ċreidiṁ ón ḟásċreidiṁ.

Psalm Asaṗ.

¹ Do ráiḋ an Día cuṁaċdaċ, an TIĠEARNA, agus do ġoir an talaṁ ó éirġe na gréine go a fuineaḋ.

² Amaċ as Sion, do lonnruiġ Día, iomláine na sgéiṁe.

³ Tiucfaiḋ ar Ndía, agus ní ḃiáiḋ na ṫoċd: loisgfiḋ teine roiṁe, agus biáiḋ anfa iomarcaċ na ṫimċioll fa gcuáirt.

⁴ Goirfiḋ sé ċum na ḃflaiṫeas ó a núas, agus ċum na talṁan, do ḃreiṫ breiṫe air a ḋaoiniḃ.

⁵ Cruinniġe mo náoṁa ċugam; noċ do rinne cunnraḋ liom le híoḋbairt.

⁶ Agus foillseoċuid na flaiṫis a ḟíréuntaċd: óir isé Día féin an breiṫeaṁ. Selah.

⁷ Cluiniḋ, ó mo ḋaóine, agus laiḃeorad; ó a Israel, agus do ḋéan fiaḋnuise ḋuitsi: is misi Día, do Ḋíasa.

⁸ Ní ḋéanad himḋeargaḋ ar son híoḋbarṫaċ nó hofrálaċ loisge, noċ do ḃí ós mo ċoṁair a gcoṁnuiġe.

⁹ Ní ġéuḃad bulóg as do ṫiġ, no gaḃair ḟirionna as do ṁánraċuiḃ.

¹⁰ Oír is liomsa a nuile ḃeaṫaċ na coilleaḋ, an teallaċ ar ṁíle ċnoc.

¹¹ Is aiṫne ḋaṁ uile éanlaiṫ na slíaḃ: agus is liomsa beaṫuiġ állta an ṁaċaire.

¹² Dá mbéinn ocraċ, ní inneosuinn duitsi: óir is liomsa an doṁan, agus a iomláine.

¹³ A níosa mé feóil ṫarḃ, no a níḃfe mé fuil na ngaḃar?

¹⁴ Ióḋbair molaḋ do Ḋía; agus díol do ṁóide ris an té is ró áirde:

¹⁵ Agus goir orumsa a ló a néigiontais: agus sáorfad ṫú, agus do ḃéara tú glóir ḋaṁ.

¹⁶ Aċt ris an ccionntaċ a deir Día, Cá mbeannan duitsi mo statúidiġsi dfoillsiuġaḋ, agus go ngéuḃṫá mo ċunnraḋ ad ḃéul?

¹⁷ Agus fúaṫuiġe tú smaċduġaḋ, agus teilgfir mo ḃríaṫra táoḃ síar ḋíot.

¹⁸ Má ċí tú gaduiġe, riġfiḋ tú leis, agus atá do ċuid ronna leis na haḋaltrannaċaiḃ.

¹⁹ Do ḃeirir do ḃéul durċóid, agus cumuiġ do ṫeanga cealg.

²⁰ Suiġiḋ tú agus laḃruiḋ tú a naġaiḋ do ḋearḃraṫar; do ḃeirir scannail do ṁac do ṁaṫar.

²¹ Na neiṫesi do rinnis, agus do ḃí misi am ṫoċd; agus do ṡaóilis go mbéinn cosṁuil riot féin go hiomlán: aċd do ḃéar aċṁusán duit, agus cuirfead na neiṫesi a nórduġaḋ ós coinne do ṡúl.

²² Anois measuiġe so, siḃsi noċ ḋearmadas Día, deagla go réubfuin siḃ, agus naċ biáiḋ fear ḃur ttárrṫála.

²³ An té íoḋbras molaḋ do ḃeir sé onóir ḋaṁsa: agus an té órduiġios a ṡliġe taisbeanfadsa slánuġaḋ Dé ḋó.