Psailm 33 - An Bíobla Naoṁṫa 1817 (Bedell)

Psalm XXXIII. Maiṫeas, 6 cuṁaċt, 12 agus freasdal Dé dá ṁuinntir féin.

¹ Gairdiġiḋ annsa TIĠEARNA, siḃsi a ḟíréuna: is cuḃaiḋ molaḋ don díreaċ.

² Molaiḋ an TIĠEARNA ris an ccláirsiġ: re psaltair re hionstrumeint ḋeiċ ttéud canuiḋ ḋó.

³ Canuiḋ ḋó caintic núaḋ; sinniḋ go héolgaċ maille re fuáim áird.

⁴ Oír is díreaċ bríaṫar an TIĠEARNA, agus a oiḃreaċa uile maille re fírinne.

⁵ Is ionṁuin leis ceart agus breiṫeaṁnus: atá an talaṁ lán do ṫrocaire an TIĠEARNA.

⁶ Re breiṫir an TIĠEARNA do rinneaḋ na flaiṫeaṁnuis; agus le spiorad a ḃéil a ṡlúaġ uile.

⁷ Cruinníġiḋ sé uisgeaḋa na mara aṁuil cárnn: agus cuiriḋ súas an dúḃaigéan a ttiġṫiḃ ionnṁuis.

⁸ Bíoḋ eagla an TIĠEARNA air an ttalaṁ uile: bíoḋ úaṁan ar uile áitreaḃaċa an doṁuin.

⁹ Oír do laḃair sé, agus do rinneaḋ aṁluiḋ; do aiṫin sé, agus do cruṫuiġeaḋ é.

¹⁰ Do ní an TIĠEARNA coṁairle na ccinneaḋaċ díoṁaoin: do ní smúaintiġe na ndaóine neiṁéifeaċtaċ.

¹¹ Seasfuiḋ coṁairle an TIĠEARNA go bráṫ, smúaintiġṫe a ċroiḋe go sáoġal na sáoġal.

¹² Is beannuiġ an cineaḋ agá ḃfuil an TIĠEARNA na Ḋía aca; na daóine do ṫoġ sé mar oiġreaċd dó féin.

¹³ Féuċuiḋ an TIĠEARNA ó neaṁ; do ċí sé mic na ndáoine uile.

¹⁴ Dearcaiḋ sé ó a ionad cóṁnuiġ air áitreaḃaiḃ na talṁan uile.

¹⁵ Eision cumadóir a ccroiḋṫeaḋ a néainḟeaċd; tuige sé a noibreaċ uile.

¹⁶ Ní ḃfuil ríġ air biṫ cuṁduiġṫear re iomad slóiġ: ní sáorṫar an duine tréan re méad a neirt.

¹⁷ Is ní díoṁaóin eaċ mar ḋídion: ní ṡáorfa sé aonduine re méad a neirt.

¹⁸ Féuċ, atá súil an TIĠEARNA ar an luċd air a ḃfuil a eagla, air an luċt ċuirios a ndóiġ iona ṫrócaire;

¹⁹ Do ṡáoraḋ a nánma ó ḃás, agus dá ccongṁáil béo a ngorta.

²⁰ Atá ar nanam ag feiṫeaṁ air an TTIĠEARNA: is eision ar ccaḃair agus ar scíaṫ.

²¹ Oír is annsan do ḋéanas ar ccroiḋe gáirdeaċus, do ḃríġ gur ċuireamar ar ndóiġ ann a ainm náoṁṫasan.

²² Bioḋ do ṫrócaire, oruinn, a ṪIĠEARNA, do réir mar atá ár ndóiġ ionnad.