Psailm 32 - An Bíobla Naoṁṫa 1817 (Bedell)

Psalm XXXII. An dara Psalm aiṫriġe.

Psalm tegaisg Ḋáiḃi.

¹ Is sona an té agá ḃfuil a ċionnta ar na maiṫeaṁ, agus a ṗeacaḋ ar na ḟolaċ.

² Is beanuiġe an té noċ naċ cuirionn an TIĠEARNA peacaḋ na leiṫ, agus ag naċ ḃfuíl cealg iona spioraid.

³ A nuáir do ḃí mé am ṫoċd, dfásadar mo ċnáṁa foirfe do ḃríġ mo ḃúirfeaḋa ar feaḋ an laói.

⁴ Oír do ḃí do laṁ trom orum do ló agus doiḋċe: do hiompóiġeaḋ mo ḟliċeaċd a ttart saṁraiḋ. Selah.

⁵ Dadṁaiḋ me mo ṗeacaḋ ḋuitse, agus níor ḟoluiġ mé mo ċionta. A duḃairt mé, Aideoṁad maindliġṫe don TIĠEARNA; agus do ṁaiṫ tú urċóid mo ṗeacaiḋ. Selah.

⁶ Ar a naḋḃarsin do ḋéana a nuile ḋuine díaḋa urnuiġ ċugadsa a nam ṫfaġala: go deiṁin a ttuilte uisgeaḋa móra ní ṫiocfuid a ngar ḋósan.

⁷ Is tú mionad foluiġ; coiseonuiḋ tú mé ó ḃuáiḋreaḋ; ré gáirdeaċus sáorṫa tiucfuir fá ccuáirt am ṫimċioll. Selah.

⁸ Teagosfa mé ṫú, agus múinfead ṫú san tsliġe iona ngéuḃair: do ḃéar coṁairle ḋuit ré mo ṡúil do beiṫ ort.

⁹ Ná bíṫí mar a neaċ, nó mar an múille, ag naċ ḃfuil tuicsi: is iníaḋta a ḃéul re béulṁaċ agus re srían, deagla go ttiucfaḋ sé a ngar ḋuit.

¹⁰ Atáid iomad doilġios don ṗeacaċ: aċt tiucfa trócaire, a ttimċíoll an té ċuireas a ḋóṫċus annsa TIĠEARNA.

¹¹ Déanuiḋ gáirdeaċus annsa TIĠEARNA, agus bíṫí lúaṫġáireaċ, siḃsi a ḟíréuna: agus déanuiḋ lúaṫġáir, siḃsi uile noċ atá díreaċ a ccroiḋe.