Psailm 20 - An Bíobla Naoṁṫa 1817 (Bedell)

Psalm XX. Guiḋe na heagluisi arson an rí ionna ṫionnsgantaiḃ.

Don ṗríṁfear ceóil, Psalm Ḋáiḃi.

¹ Go ccluiniḋ an TIĠEARNA ṫú a ló na buáiḋearṫa; go ccoiṁéaduiġ ainm Día Iácob ṫú.

² Go ccuiriḋ caḃair ċugad as an tsanctóra, agus go neartuiġe ṫú as Sión.

³ Go ccuiṁniġe ṫofrála uile, agus go niompóiġ ṫioḋbairt loiscṫe a luáiṫ. Selah.

⁴ Go ttuga ḋuit do réir do ċroiḋe, agus go ccoiṁlíonuiḋ huile ċoṁairle.

⁵ Do ḋéanam gáirdeaċuis ann do ṡlánuġaḋ, agus a nainm ar Ndé cuirfeam brataċa súas: go ccoiṁlíona an TIĠEARNA huile íarratas.

⁶ Anois aiṫniġim go slánuiġionn an TIĠEARNA a ungṫaċ; cluinfe sé é ó na ḟlaiṫeasuiḃ neaṁḋa re neart dídin a láiṁe deise.

⁷ Cuiṁniġiḋ drong air ċarbaduiḃ, agus drong oile air eaċuiḃ: aċt cuiṁneoċaimne air ainm an TIĠEARNA ar Ndé.

⁸ Tugaḋ a núas íad agus do ṫuiteadar: aċd éirġimidne súas, agus seasamuid go díreaċ.

⁹ O a ṪIĠEARNA, saḃail: cluineaḋ an ríġ sinn a nuáir ġoirfeam.