Psailm 19 - An Bíobla Naoṁṫa 1817 (Bedell)

Psalm XIX. Gu bfaicṫear gloir Ḋé iona oibriġṫiḃ. 7 Agus a ġrás ina ḃriaṫraiḃ.

Don ṗríṁḟear ceóil, Psalm Ḋáiḃi.

¹ Foillsiġid na flaiṫis glóir Dé; taisbeanuid na spéiriġ obair a láṁ.

² Foillsiġiḋ lá urlaḃraḋ do lá oile, agus foillsíġiḋ oiḋċe eagna doiḋċe.

³ Ní ḃfuil coṁráḋ ar biṫ, agus ní ḃfuil focail naċ ccluintear a nguṫ.

⁴ Téid a líne go fóirleaṫan annsa talaṁ uile, agus a mbríaṫra go deireaḋ an doṁuin. Do ċuir sé páilliun don ġréin ionnta,

⁵ Noċ atá aṁuil fear mná pósta ag teaċt amaċ, as a ṡeómra, lúaṫġáiriġiḋ sé aṁuil fear neartṁar ag rioṫ coíṁlionga.

⁶ O ṫéoruinn na ḃflaiṫeas iseaḋ ṫríallus amaċ, agus a ṫimċiollraḋ go nuige a ṫéorannuiḃ oile: agus ní ḃfuil aóinni a ḃfolaċ ó na ṫeas.

⁷ Atá dliġeaḋ an TIĠEARNA iomlán, ag iompóġ a nanma: is fírinneaċ fiaġnuise an TIĠEARNA, ag déanaṁ an tsimpliġ críonna.

⁸ Atáid reaċda an TIĠEARNA ceart, ag gáirdiuġaḋ an ċroiḋe: atá áiṫne an TIĠEARNA fiorġlan, ag taḃairt raḋairc do na súiliḃ.

⁹ Atá eagla an TIĠEARNA glan, ag marṫuin ċoiḋċe: is fírinneaċ breiṫeaṁnusa an TIĠEARNA agus ceart go hiomlán.

¹⁰ Mó is cóir a níarruiḋ ná ór, aseaḋ, ná iomad dór ḟínealta: ni is millsi mar an gcéadna ná mil, agus ná seilt ċriaṫar na meala.

¹¹ Leó fós teagasgar do ṡearḃḟoġantuiġ: iona ccoiṁéad atá lúaiġeaċd ṁór.

¹² Cía ṫuigfeas a ṡeaċrán? ó ṗeacuiġiḃ foluiġeaċa glansa mé.

¹³ Mar au ccéadna ó ṗeacuiġiḃ uáiḃreaċa connuiṁ ar ais do ṡeirḃíseaċ; ná bíoḋ cuṁaċda aca orum: annsin ḃías mé díreaċ, agus bíad neiṁċiontaċ ó naindliġeaḋ ṁór.

¹⁴ Bídís bríaṫra mo ḃéil, agus smuáineaḋ mo ċroiḋe, ionġaḃṫa ad laṫair, ó a ṪIĠEARNA, mo ċarruic agus mfear fúasguilte.