Psailm 18 - An Bíobla Naoṁṫa 1817 (Bedell)

Psalm XVIII. Caiṫreim, buiḋeaċas, agus faiġeadoireact Ḋaiḃi a ndeireaḋ a ḃeaṫa.

Don ṗriṁḟear ceóil, Psalm Ḋáiḃi searḃḟoġantuiġ an TIĠEARNA , noċ do laḃair ris an TTIĠEARNA bríaṫra na cainticesi ansa lá ionar ṡáor é as láṁuiḃ a naṁad uile, agus as láiṁ Ṡauil: agus a duḃairt.

¹ Graiḋeoċuiḋ mé ṫú, a ṪIĠEARNA mo neart.

² An TIĠEARNA mo ċarruic, agus mo ḋaingean, agus mfear sáorṫa; mo Ḋía, mo neart, ióna ccuirfe mé mo ḋóṫċus; mo scíaṫ, agus aḋarc mo ṡlánuiġṫe, mo ionad árd.

³ Goirfe mé air an TTIĠEARNA, nóċ is fíu a ṁolaḋ: agus sáorfuiġṫear óm naiṁdiḃ mé.

⁴ Do ṫimċiolladar doilġiosa an ḃáis mé: do eagluiġeadar tuilte na neiṁḋíaḋaċda mé.

⁵ Do ṫimċiolladar doilġiosa ifrinn fa ccuáirt mé: do cuireaḋ líonta an ḃáis as mo ċoinne.

⁶ Ann maṁgar do ġoireas aír mo ṪIĠEARNA, agus déiġios air mo Ḋía: do ċúaluiḋ sé ó na ṫeampull mo ġuṫ, agus do ċuáiḋ méiġṁe ós a ċoinne, iona ċlúasaiḃ.

⁷ Ann sin do ċroiṫ agus do ċrioṫnuiġ an talaṁ; agus do ċrioṫnuiġeadar íoċdar na ccnoc agus do ċrioṫeadar íad féin, do ḃríġ go raiḃ teas feirge air.

⁸ Do ċuáiḋ deataċ súas tré na ṡróin ṗuill agus teine iosa ḃéul ag cnaói: do lás gúal úaḋa.

⁹ Agus do ċláon sé na neaṁa agus ṫáinic a núas: agus do ḃí dorċadus fa na ċosuiḃ.

¹⁰ Agus do ḃí ag marcuiġeaċd ar Ċerub, agus deitil sé; deitil go ro lúaṫ ar scioṫánuiḃ na gaóiṫe.

¹¹ Do rinne a ionad uáigneaċ don dorċadus; uisgeaḋ dorċa agus néulla tiuġa a naiéir bá páilliúin dóma ṫimċioll.

¹² On deálraḋ do ḃí as a ċoinne dimṫiġeadar a néulla tiuġa, cloiċṡneaċda, agus gúal teineaḋ.

¹³ Agus do rinne an TIĠEARNA tóirneaċ annsna neaṁuiḃ, agus ṫug an té is ro áirde a ġuṫ; cloiċṡneaċda agus gúal teineaḋ.

¹⁴ Fós, do ċaiṫ sé a ṡoiġde, agus do spréiḋ sé íad; agus do ċaiṫ tinnteaċ, agus do ċlaói íad.

¹⁵ Agus do ċonncas aigéun na nuisgeaḋ, agus do noċtaḋ íoċdar an doṁuin ód aċṁusansa, a ṪIĠEARNA, ó ṡoinnéun anála do ṡróna.

¹⁶ Do ċuir sé a núas, do ġaḃ sé misi, do ṫarruing sé mé as iomad uisgeaḋ.

¹⁷ Do ṡáor sé mé óm náṁuid neartṁuir, agus ón druing do ḟúaṫaiġ mé: óir do ḃádar ro neartṁar orum.

¹⁸ Ṫangadar am aġaiḋ a ló mo ṫruáiġṁéile: aċt do ḃí an TIĠEARNA na urrainn agam.

¹⁹ Agus ṫug sé amaċ a nionad ḟairsing mé; do ṡáor sé mé, do ḃríġ go raiḃ dúil aige ionnam.

²⁰ Do aisig an TIĠEARNA ḋaṁ do réir mfíréantaċd; do réir ġloine mo láṁ ṫug sé díoluiġeaċd ḋaṁ.

²¹ Do ḃríġ gur ċoiṁéud mé sliġṫe an TIĠEARNA, agus nar ḟill mé go cionntaċ ó mo Ḋía.

²² Oír do ḃádar a ḃreiṫeaṁnusa uile ós mo ċoṁair, agus níor ċuireas a reaċda uáim.

²³ Agus do ḃí mé díreaċ aige, agus do ċoiṁéadas mé féin ó mo ċionntuiḃ.

²⁴ Agus ṫug an TIĠEARNA luáiġeaċd ḋaṁ do réir mfíréuntaċda, do réir ġloine mo láṁ ós coinne a ṡúl.

²⁵ Don trócaireaċ táisbeanfa tú ṫú féin trócaireaċ; ris an duine díreaċ táisbeanfa tú ṫú féin díreaċ;

²⁶ Do nfíorġlan foillseaċṫair ṫú féin fíorġlan; agus leis an cceannaircṫeaċ foillseoċṫair ṫú féin ceannaircṫeaċ.

²⁷ Oír sáorfa tú na daóine buáiḋearṫa; agus ḃéarair na súile ro árda a núas.

²⁸ Oír lasfaiḋ tú mo ċonniol: soillseoċṫuiḋ mo ṪIĠEARNA Día mo ḋorċadus.

²⁹ Oír tré do ċungnaṁso riṫfiod ṫríd ṡlúaġ; agus maille ré mo Ḋía raċad do léim ṫar ḃalla.

³⁰ Do ṫáoḃ Dé, atá a ṡliġe iomlán: do dearḃaḋ bríaṫra an TIĠEARNA: is scíaṫ é do nuile ċuirios a ndoṫċus ann.

³¹ Oír cía is Día aċt an TIĠEARNA? cia is carruig aċt ar Ndíane?

³² An Día noċ ullṁuiġios mé lé neart, agus do ní mo ṡliġe iomlán.

³³ Noċ do ní mo ċosa ionann ré cosuiḃ na neilteaḋ, agus ṡuiġios mé ar mionaduiḃ árda.

³⁴ An té ṁúinios mo láṁa ċum cogaḋ, iondus go mbristior boġa crúaḋa rem láṁuiḃ.

³⁵ Agus ṫuguis ḋaṁ mar an gceudna scíaṫ do ṡlánuiġṫe: agus do ċonnaiṁ do láṁ ḋeas súas mé, agus do ṁéuduiġ do ċeansaċd mé.

³⁶ Fairseonguiḋ tú mo ċoiscéime fúm, agus ní sciorrfuid mo ṡála.

³⁷ Do ḃéar tóruiġeaċt dom naiṁdiḃ, agus béarad orra: agus ní ḟillfe mé go cclaóiḋtear íad.

³⁸ Goinfead íad ṫríoṫa iondus naċ buḋ éidir léo éirġe: tuitfid fam ċosuiḃ.

³⁹ Uillṁeoċuiḋ tú lé neart mé ċum an ċaṫa: claoiḋfiḋ tú an luċd éirġios am aġaiḋ.

⁴⁰ Agus ṫugais muinéul mo náṁad ḋaṁ; agus na luċd ḟuáiṫiġios mé scriosfa mé íad.

⁴¹ Do ḋéanuid éiṁġe, (agus ni ḃiáiḋ áon do ḋéanaḋ a ndídion): ċum an TIĠEARNA, agus ní ċluinfe sé íad.

⁴² Agus brúiġfe mé íad aṁuil luáiṫreaḋ roiṁe an ngaóiṫ: aṁuil laṫaċ annsna sráidiḃ sailteoruiḋ mé orra.

⁴³ Saorfa tú mé ó imreasain na ndaóine; cuirfir mé mar ċeann air na cineaḋaċaiḃ: daóine nar ḃaiṫne ḋaṁ do ḋéanuid serḃís daṁ.

⁴⁴ Coṁluaṫ is ċluinfid a ccluas, caiṫfid ḃeiṫ uṁal daṁ: caiṫfiḋ an coigcriġeaċ uṁla do ḋéanaṁ ḋaṁ.

⁴⁵ Tuitfid na coigcríġ, agus biáiḋ eagla orra as a nionaduiḃ daingne.

⁴⁶ Mairiḋ an TIĠEARNA; agus go maḋ beannuiġ ḃias mo ċarruic; agus árduiġṫear Día mo ṡlánuiġṫe.

⁴⁷ An Día noċ do ḃeir dioġaltas ar mo ṡonsa, agus a deir ris na daóiniḃ ḃeiṫ urramaċ ḋaṁ.

⁴⁸ Sáorfa tú mé óm naiṁdiḃ: iseaḋ, tógfa tú mé ós cionn na druinge éirġios súas am aġaiḋ: sáorfa tú mé ó ḟear a nḟoiréigin.

⁴⁹ Ar a naḋḃarsin molfa mé ṫú, a ṪIĠEARNA, a measc na ngeinteaḋ, agus canfad molaḋ dot ainm.

⁵⁰ Noċ do ḃeir fúascluiṫe móra ḋa ríġ; agus ḟoillsiġios trócaire ḋá ungṫaċ, do Ḋáiḃi, agus dá ṡíol go bráṫ.