Psailm 148 - An Bíobla Naoṁṫa 1817 (Bedell)

Psalm CXLVIII. Is cuḃaiḋ do ċréatuiriḃ neaṁḋa, 7 do ḃeaṫáċáiḃ talṁuiḋe, 11 agus do ḋáoiniḃ tuigsionaċa, Día do ġloruġaḋ.

¹ Moluiḋ an TIĠEARNA. Moluiḋ an TIĠEARNA ó na neaṁuiḃ: moluiḋ é annsna hárduiḃ.

² Moluiḋ é, a aingle féin uile: moluiḋ é, a ṡlúaġ uile.

³ Moluiḋ é, a ġrían agus a ġealaċ: moluiḋ é, a uile réulta an tsoluis.

⁴ Moluiḋ é, a neaṁa na neaṁ, agus na huisgeaḋa atá os cionn na neaṁ.

⁵ Molaidís ainm an TIĠEARNA: óir do aiṫin sé, agus do cruṫuiġeaḋ íad.

⁶ Agus do ḋaingniḋ sé ċoiḋċe, agus go bráṫ íad: ṫug sé reaċd úaḋ agus ní sáireoċṫar í.

⁷ Moluiḋ an TIĠEARNA ón ttalaṁ, a ḋragúna, agus a uile ḋoiṁne:

⁸ Teine, agus cloiċṡneaċda; sneaċda agus deaṫuiġ: gáoṫ anfaḋaċ ag coiṁliónaḋ a ḃréiṫre.

⁹ Na sléiḃte, agus na huile ċnoic; croinn ṫoraiḋ, agus a nuile ṡéadar:

¹⁰ An beaṫaċ allta, agus a nuile ainṁiḋe; gaċ ní ṡnáiġios, agus éunlaiṫ eitiolus:

¹¹ Ríġṫe na talṁan, agus na huile ḋaoine; prionnsoiġe, agus uile ḃreiṫeaṁuin na talṁan:

¹² Oígḟir, agus fós maiġdiona; seandaóine, agus leiniḃ:

¹³ Molaidís ainm an TIĠEARNA; óir atá a ainm aṁáin ar na árduġaḋ go hoirḋeirc; atá a ġlóir ós cionn na talṁan agus na neaṁ.

¹⁴ Agus dárduiġ sé aḋarc a ḋaóine, molaḋ a náoṁ uile; ċlanna Israel, na daoine atá a ḃfogus dó. Moluiḋ an TIĠEARNA.