Psailm 135 - An Bíobla Naoṁṫa 1817 (Bedell)

Psalm CXXXV. Dleasdanas ḃúaċaille agus ṗobuil De. 5 Lé díoṁaineas na nioḋol.

¹ Moluiḋ an TIĠEARNA. Moluiḋ ainm an TIĠEARNA; moluiḋ é, a ṡeirḃíseaċa an TIĠEARNA.

² Noċ ṡeasas a ttiġ an TIĠEARNA, a gcúirtiḃ ṫiġe ar Ndé,

³ Moluiḋ an TIĠEARNA; óir is maiṫ an TIĠEARNA: canaiḋ sailm ḋá ainm; óir atá sé aóiḃinn.

⁴ Oír do ṫoġ an TIĠEARNA Iácob ḋó féin, Israel do ḃeiṫ na ionnṁus áiriġe aige.

⁵ Oír ís aiṫne ḋaṁ gur mór an TIĠEARNA, agus go ḃfuil ar TTIĠEARNA ós cionn a nuile ḋée.

⁶ Do rinne an TIĠEARNA, gaċ ní do ṫoguir féin air neaṁ, agus air talaṁ, annsna fairgeaḋuiḃ, agus annsna huile aigéanuiḃ.

⁷ Tógḃuiḋ sé súas na deatuiġe ó ḟoirimeal na talṁan; do ní tinnteaċ ċum fearṫanna; ag taḃairt na gaóiṫe amaċ as a ionnṁusaiḃ.

⁸ Noċ do ḃuáil céaidġeine na Hégipte, ó ḋuine go beaṫaċ.

⁹ Do ċuir sé coṁarṫaḋa agus ionganta ċugadsa a Egipt, ann do meaḋon, air Ṗarao, agus air a uile ṡeirḃíseaċaiḃ.

¹⁰ Noċ do ḃuáil iomad cineaḋaċ, agus do ṁarḃ ríġṫe móra;

¹¹ Sihon ríġ na Namoríteaċ, agus Og ríġ Básan, agus uile rioġaċta Ċánaain:

¹² Agus ṫug sé a ḃfearann mar oiġreaċt, na oiġreaċd Disrael a ṗobal féin.

¹³ A ṪIĠEARNA, atá hainm, go síorruiġe; a ṪIĠEARNA, atá do ċuíṁne, ó ġinealaċ go ginealaċ.

¹⁴ Oír béaraiḋ an TIĠEARNA breiṫeaṁnus air a ḋaóiniḃ, agus biáiḋ aiṫreaċus air a ttáoḃ a ṡeirḃíseaċ.

¹⁵ Is airgiod agus ór íoṁaiġe na ngeinteaḋ, obair láṁ dáoine.

¹⁶ Atá béul aca, agus ní laḃraid; atáid súile aca, agus ní ḟaicid síad;

¹⁷ Atáid cluása aca, agus ní ċluinid; agus ní ḃfuil fós anál iona mbéul.

¹⁸ Is cosṁuil ríu an luċt do ní íad: gaċ a ccuirionn a ndóiġ ionnta.

¹⁹ A ṫiġ Israel, beannuiġ an TIĠEARNA: a ṫiġ Aaron, beannuiġ an TIĠEARNA:

²⁰ A ṫiġ Léḃi, beannuiġ an TIĠEARNA: siḃsi air a ḃfuil eagla an TIĠEARNA, beannuiġe an TIĠEARNA.

²¹ Go maḋ beannuiġ an TIĠEARNA as Síon, noċ ċoṁnuiġeas ann Ierusalem. Moluiḋ an TIĠEARNA.