Psailm 122 - An Bíobla Naoṁṫa 1817 (Bedell)

Psalm CXXII. Guiḋe arson síṫ agus sonuis Ierusalem.

Caintic ċéimeaḋ Ḋáiḃi.

¹ Do luáṫġáiriġios ris an luċt a dúḃairt leam, Téiġeam go tiġ an TIĠEARNA.

² Atáid ar ccosa na seasaṁ ann do ġeataḋuiḃ, a Ierusalem.

³ Ierusalem ar na tógḃáil mar ċaṫraiḋ atá ar na ċoiṁċeangal innte féin ré ċéile:

⁴ Oír is innte sin suas ṫéid na treaḃa, treaḃa an TIĠEARNA, go fiaḋnuisi Israel, ċum anma an TIĠEARNA do ṁolaḋ.

⁵ Oír suiġfid annsin a suiġiḃ ríoġa ċum breiṫeaṁnuis, caṫaóire ríoġa ṫiġe Ḋáiḃi.

⁶ Guiḋiḋ ar son síoṫċána Ierúsalem: bídis a síoṫċáin noċ ler bionṁuin ṫú.

⁷ Bíoḋ síoṫċáin ann do ḋaingion, sonas a stiġ ann do ṗálásaiḃ.

⁸ Ar son mo ḋearḃráiṫreaċ agus mo ċarad, a déarad a nois, Bíoḋ síoṫċáin ionnad.

⁹ Ar son tiġe an TIĠEARNA ar Ndé íarrfa mé maiṫ ḋuitsi.