Psailm 118 - An Bíobla Naoṁṫa 1817 (Bedell)

Psalm CXVIII. Fascaḋ Dé bunaiteaċ, agus a ṫoirḃeartas iongantaċ.

¹ Moluiḋ an TIĠEARNA; óir is maiṫ é: óir atá a ṫrócaire go síorruiḋe.

² Abraḋ Israel a nois, go ḃfuil a ṫrócaire go síorruiḋe.

³ Abraḋ a nois tiġ Aaron, go ḃfuil a ṫrócaire go síorruiḋe.

⁴ Abraidis an dream ler beagal an TIĠEARNA, go ḃfuil a ṫrócaire go síorruiḋe.

⁵ Am anacair do ġair mé air an TTIĠEARNA; agus do ḟreagair an TIĠEARNA, agus do ċuir a réiteaċ mé.

⁶ Atá an TIĠEARNA ar mo ṡonsa; ní ḃíaiḋ eagla orum: cred ḋéanas duine riom?

⁷ Atá an TIĠEARNA ar mo ṡonsa a measc luċt mfurtaċda: agus do ċífe mé mó ṁían air an luċt ḟúaṫuiġios mé.

⁸ Is fearr dóiġ do ċur annsa TIĠEARNA ná dóiġ do ċur a nduine.

⁹ Is fearr dóiġ do ċur annsa TIĠEARNA ná dóiġ do ċur a bprionnsaḋuiḃ.

¹⁰ Do ċruinniġeadar a nuile ċineaḋ am ṫimċioll: a nainm an TIĠEARNA geárrfad díom íad.

¹¹ Ṫangadar am ṫimċiol; go deiṁin, ṫangadar fa ccuáirt am ṫimċioll; a nainm an TIĠEARNA fós gearrfad diom íad.

¹² Ṫangadar mar ḃeaċaiḃ am ṫimċioll; atáid ar na múċaḋ mar ṫeine na ndroiġean: óir a nainm an TIĠEARNA gearrfad diom íad.

¹³ Do ṡáiṫ tú ċugam go neartṁar iondus go ttuitfinn: aċt ba hé an TIĠEARNA mfear furtaċda.

¹⁴ Isé an TIĠEARNA mo neart agus mo ċaintic, agus atá ḋaṁsa na ṡlánuġaḋ.

¹⁵ Atá guṫ an ġáirdeaċus agus an tslánaiġṫe a ttiġṫiḃ na ḃfíréun: do ní láṁ ḋeas an TIĠEARNA gaisge.

¹⁶ Atá láṁ ḋeas an TIĠEARNA ar na hárduġaḋ: do ní láṁ ḋeas an TIĠEARNA cróḋaċt.

¹⁷ Ní ḃfuiġiod bás, aċt maírfiod, agus foillseoċad oibreaċa an TIĠEARNA.

¹⁸ Do smaċtuiġ an TIĠEARNA mé go mór: aċt níor ṫoirḃir sé don ḃás mé.

¹⁹ Fosgluiḋ ḋaṁsa geatuiġ na fíréantaċda: raċad a steaċ ionta, agus molfad an TIĠEARNA:

²⁰ Isé so geata an TIĠEARNA, raċaid na fíréun a steaċ ann.

²¹ Molfad ṫú; do ḃríġ go gcualaiḋ tú mé, agus go raḃuis daṁ mar ṡlánuġaḋ.

²² An ċloċ do ḋíultadar na saóir sí atá ar ndéanaṁ na ceann san gcuáine.

²³ On TIĠEARNA do ḃí so; agus is iongantaċ é ann ar súiliḃne.

²⁴ Isé so an lá do rinne an TIĠEARNA; bíom lúaṫġáireaċ agus déanam gáirdeaċus ann.

²⁵ Anois, aṫċuinġim ṫú, a ṪIĠEARNA tarṫaiḋ: aṫċuinġim ṫú, a ṪIĠEARNA, soirḃíġ anois.

²⁶ Is beannuiġ an té ṫig a nainm an TIĠEARNA; beannuiġmaoid siḃ ó ṫiġ an TlĠEARNA.

²⁷ Isé Día an TIĠEARNA, agus ṫug sé solus dúinne: ceanglaiḋ a nioḋbairt ré téuduiḃ, do ċorruiḃ na haltóra.

²⁸ Is tú mo Ḋía, agus molfad ṫú: is tú mo Ḋía, agus áirdeoċad ṫú.

²⁹ Moluiḋ an TIĠEARNA; óir is maiṫ é: óir atá a ṫrócaire go bráṫ.