Psailm 106 - An Bíobla Naoṁṫa 1817 (Bedell)

Psalm CVI. Iomadaṁlaċd ṫaḃartuis Dé, 13 agus cláonaḋ míonaireaċ na ndaoine.

¹ Moluiḋe an TIĠEARNA. O taḃaríġe búiḋeaċas don DTIĠEARNA; óir is maiṫ é: óir mairiḋ a ṫrócaire go síorruiḋe.

² Cía ḟéadas neart an TIĠEARNA ċanaṁuin? a ṁolaḋ uile dfoillsiuġaḋ?

³ Is beannuiġe an drong noċ ċoiṁéadas breiṫeaṁnus, an tí do ní fíréuntas san nuile am.

⁴ Cuiṁniġ orumsa, a ṪIĠEARNA, re faḃar do ḋaoine: fiosruiġ mé red ṡlánuġaḋ;

⁵ Ionnus go ḃfaicfe mé maiṫ do ḋaóine toġṫa, go ndéana mé gairdeaċus a lúaṫġáire do ḋaoine, go ndéana mé glóir led oiġreaċd.

⁶ Do ṗeacuiġeamar lé ar naiṫriḃ, do rinneamar cionta, do rinneamar neiṫe coiripe.

⁷ Níor ṫuigeadar ar naiṫre do ṁíorḃuilesi san Négipt; níor ċuiṁníġeadar iomad do ṫrócaireaḋa; aċt do ċeannairgeadar ag an muir, ag an muir Ruáiḋ.

⁸ Aċt ċeana do ṡáor sé iad ar son a anma féin, ċum a ċuṁaċd do ċur a nuṁuil.

⁹ Agus dimḋearg sé an ṁuir Rúaḋ mar an gceadna, agus do tiormuiġeaḋ súas í: agus tugaḋ orrasan siuḃal annsna haigéanuiḃ, mar an ndíoṫraṁ.

¹⁰ Agus do ṡáor sé íad ó na láṁuiḃsion noċ do ḟúaṫaiġ íad, agus dfúasgail sé íad amaċ as láiṁ na náṁad.

¹¹ Agus dfoluiġ na huisgeaḋa a naiṁde: níor fágḃaḋ áon aca.

¹² Annsin do ċreidiodar a ḃríaṫra; do ċanadar a ṁolaḋ.

¹³ Do ḋearmadar go doiṫ a oibreaċa; níor ḟanadar le na ċoṁairle:

¹⁴ Agus do rinneadar anntoil ré hainṁian san díoṫraṁ, agus do ċuireadar caṫuġaḋ air Ḋía annsa nuáignios.

¹⁵ Agus ṫug sé ḋóiḃ a níarratas; aċt do ċuir crúas a steaċ iona ccroiḋe.

¹⁶ Agus do ṫnúṫuiġeadar re Maóise mar an gceadna annsa ċampa, agus ré Aaron áon náoṁṫa an TIĠEARNA.

¹⁷ Dfoscail an talaṁ agus do ṡluig sé Dátan, agus dfoluiġ sé coiṁṫionól Abíram.

¹⁸ Agus do faduiġeaḋ teine iona ccoṁḋáil; do loisg an lasair súas na ciontuiġ.

¹⁹ Do rinneadar láoġ ann Hóreb, agus do aḋradar don íoṁáiġ leaġṫa.

²⁰ Agus do áṫruiġeadar a nglóir a gcosaṁlaċd ḋaiṁ noċ iṫios féur.

²¹ Do ḋearmadar Día a slánaiġṫeóir, noċ do rinne neiṫe móra san Négipt;

²² Ionganta a ttalaṁ Ċam, neiṫe úaṫḃásaċa ag an muir Ruáiḋ.

²³ Agus do laḃair sé dá milleaḋ, mun ḃeiṫ gur ṡeas Maóise a ḟear toġṫa annsa mbeirn ós a ċoinne, diompóġ a ḟeirge úaṫa, deaglo go scriosfaḋ sé íad.

²⁴ Agus do ṫarcuisniġeadar an talaṁ áoiḃinn, níor ċreideadar a ḃríaṫar:

²⁵ Agus do rinneadar iṫiomráḋ iona bpáillíunuiḃ, níor éisteadar re guṫ an TIĠEARNA.

²⁶ Agus do ṫóig seision súas a láṁ na naġaiḋ, da sgrios annsa díoṫraṁ:

²⁷ Do sgrios a sleaċda mar an ccéadna a measg na gcineaḋaċ, agus da spréaġaḋ annsa dúṫaiġ.

²⁸ Agus do ċeangladar íad féin ré Baal-peor mar an gceadna, agus diṫiodar íoḋbarṫa na marḃ.

²⁹ Agus do ḃrostuiġeadar ċum feirge é le na ngníoṁuiḃ: agus do ḃris an ṗláiġ a steaċ orra.

³⁰ Agus déirġiḋ Ṗineas súas, agus do ċuir breiṫeaṁnus a ccríċ: agus do toirmiosgaḋ an ṗláiġ.

³¹ Agus do measaḋ sin dó mar ḟíréuntaċd ó ġinealaċ go ginealaċ go siurruiġe.

³² Agus do ḃrostuiġeadar é mar an gceudna ag uisgeaḋuiḃ Meribah, agus do ḃí sin go holc ag Maóise air a sonsan:

³³ Do ḃríġ gur ḃrostuiġeadar a spiorad, agus gur laḃair sé go neiṁċéilliġe lé na ḃéul.

³⁴ Níor ṁilliodar na cineaḋaċa, da ttáoḃ a ttug an TIĠEARNA aiṫne ḋóiḃ:

³⁵ Aċt do ċoiṁmeasgadar íad féin leis na cineaḋaċaiḃ, agus do rinneadar a noibreaċa dfoġluim.

³⁶ Agus do aḋradar dá nioḋaluiḃ: agus do ḃádar dóiḃsion mar ṗaintéar.

³⁷ Agus do íoḋbradar a mic agus a ninġiona do ḋíaḃluiḃ,

³⁸ Agus do ḋóirteadar fuil neiṁċiontaċ, fuil a mac agus a ninġean, noċ do íoḋbradar do ḋíaḃluiḃ Ċánáan: agus do ḃí an talaṁ ar na ṫruailliuġaḋ le fuil.

³⁹ Agus do ḃádar ar na salċaḋ le na noibreaċaiḃ féin, agus do ċuadar re méirdreaċus le na naigiontaiḃ féin.

⁴⁰ Ar an aḃarsin do ḃí an TIĠEARNA feargaċ le na ḋaóiniḃ, agus dfúaṫaiġ sé a oiġreaċt féin.

⁴¹ Agus ṫug sé íad a láiṁ na gcineaḋaċ; agus do ḃádar na ttiġearnuiḃ ós a gcionn agá raiḃ fúaṫ orra.

⁴² Agus ḃrúiġeadar a naiṁde íad mar an gceadna, agus do ḃádar ar na núṁluġaḋ fáoi na láiṁ.

⁴³ Do ṡáor sé íad go minic; agus do ḃrostuiġeadar é le na ccoṁairliḃ; agus do hísliġeaḋ íad ar son a gcionta.

⁴⁴ Aċt giḋeaḋ do ċonnairc sé an tan do ḃíoḋ anacair orra, a nuáir do ċúalaiḋ sé a néiġṁe:

⁴⁵ Agus do ċuiṁniġ sé ḋóiḃ a ċunraḋ, agus do ḃí aiṫreaċus air do réir iomad a ṫrócaire.

⁴⁶ Agus ṫug sé air gaċ áon dá rug léo íad a mbraiġdionas truaiġe do ḋéanaṁ ḋóiḃ.

⁴⁷ Sáor sinn, a ṪIĠEARNA ar Ndía, agus cruinniġ sinn ó na cineaḋaċaiḃ, ċum buiḋeaċus do ṫaḃairt dot ainm náoṁṫa, agus do ċaiṫréimiuġaḋ ann do ṁolaḋ.

⁴⁸ Go maḋ beannuiġ ḃías an TIĠEARNA Día Israel ó ṡíorruiġeaċd go síorruiġeaċt: agus abraidís na daóine uile, Amen. Molaiḋ an TIĠEARNA.