Psailm 105 - An Bíobla Naoṁṫa 1817 (Bedell)

Psalm CV. Dioġluim as eaċdarḋaiḃ Israel, mur aṫ-ċuiṁne ar ṁirḃuiltiḃ Dé.

¹ Tugaiḋ búiḋeaċus don TIĠEARNA; goiriḋ air a ainm: foillsiġiḋ a measg na gcineaḋaċ a ġníoṁarṫa.

² Canuiḋ ḋó, canuiḋ psalm ḋó: laḃruiḋ air a iongantuiḃ uile.

³ Déanuiḋ glóir iona ainm náoṁṫa: déanaḋ a gcroiḋesion gáirdeaċus noċ ṡirios an TIĠEARNA.

⁴ Iarruiḋ an TIĠEARNA, agus a neart: íarruiḋ a aġaiḋ a gcoṁnuiḋe.

⁵ Cuiṁniġiḋ a ionganta noċ do rinne sé; a ċoṁarṫaḋa, agus breiṫeaṁnuis a ḃéil;

⁶ Siḃsi a ṡíol Abrahaim a ṡeirḃiseaċ, siḃsi a ċlann Iacob a áon tóġṫa.

⁷ Is eision an TIĠEARNA ar Ndía: atáid a ḃreiṫeaṁnuis annsa talaṁ uile.

⁸ Cuiṁniġiḋ sé go síorruiḋe, a ċunnraḋ an ḃríaṫar noċ do aiṫin sé go feaḋ míle ginealaċ.

⁹ Noċ do ċeangail sé le Abraham, agus a ṁionna do Isaac;

¹⁰ Agus do ḋaingniḋ sé é do Iacob mar ḋliġeaḋ, do Israel mar ċunnraḋ síorruiḋe:

¹¹ Ġa ráḋ, Ḋuitsi do ḃéaras misi talaṁ Ċánáan: line ḃur noiġreaċta:

¹² A nuáir do ḃádar beagán daóine; ro ḃeagán, agus na gcoigcríoċaiḃ ansin.

¹³ Agus do ṡiúḃladar ó ċineaḋ go cineaḋ, ó rioġaċd go daoiniḃ oile.

¹⁴ Níor ḟulaing sé déanduine éagcoir do ḋéanaṁ orra: aċt ṫug aiṫfior air a son do ríġṫiḃ;

¹⁵ Ġa ráḋ, Ná beanaiḋ lém ungṫaċaiḃ, agus dom ḟáiġiḃ na déanuiḋ doċar.

¹⁶ Agus do ġoir sé gorta air an ttalaṁ: agus do ḃris sé a nuile stór aráin.

¹⁷ Agus do ċuír sé duine rompa, Ioseṗ, noċ do díolaḋ mar ṡeirḃiseaċ:

¹⁸ Do ġortuiġeadar ris an ngeiṁiol a ċosa: do cuireaḋ a níarann é:

¹⁹ Gus a nam a ttáinic a ḃríaṫar: do ḋeárḃ glór an TIĠEARNA é.

²⁰ Dfúagair an ríġ agus do scaoileaḋ é; úaċtarán na ndaóine, agus do leig é sáor úaḋ.

²¹ Do ċuir sé é na ṫiġearna air a ṫiġ, agus na úaċdaran iona ṡealḃuiḃ uile:

²² Do ċeangail a ṗrionnsoiḋe ar a ṫoil féin; agus a ċoṁairleaċa ċum go ndéanaḋ eagnuiḋe íad.

²³ Agus do ċúaiḋ Israel don Négipt; agus do ċoṁnuiḋ Iácob a ttalaṁ Ċam.

²⁴ Agus ṫug air a ḋaóiniḃ méaduġaḋ go mór; agus do rinne íad ní bu láidre ná a naiṁde.

²⁵ Do iompóiġ sé a ccroiḋe ċum a ḋaoine dfúaṫuġaḋ, agus ċum meaḃla do ḋéanaṁ air a ṡeirḃíseaċaiḃ.

²⁶ Do ċuir sé úaḋ Maóise a ṡeirḃiseaċ; agus Aaron noċ do ṫoġ se féin.

²⁷ Do ċuireadarsan iona measg bríaṫra a ċoṁarṫaḋ, agus ionganta a ttalaṁ Ċam.

²⁸ Do ċuir sé dorċadas ċuca, agus do ḃí sé dorċa; agus níor ċeannairrgeadar a naġaiḋ a ḃréiṫre.

²⁹ Do iompoiġ sé a nuisgeaḋa a ḃfuil, agus do ṁarḃ sé a níasg.

³⁰ Ṫug a ttalaṁ amaċ luisgionna go líonṁar, a seomraḋuiḃ codalta a ríġṫe.

³¹ Do laḃair sé, agus ṫainic cumasg do ċuiléoguiḃ, míola iona ttéorannuiḃ uile.

³² Do rinne sé cloiċṡneaċda da gceaṫaiḃ, teine lasarḋa iona ttalaṁ.

³³ Agus do ḃuáil sé a ḃfíneaṁuin agus a ccrann fíge; agus do ḃris sé crainn a leiṫimil.

³⁴ Do laḃair sé, agus ṫáinic an lócuist, agus an caterpiller, agus níor ḃféidir a náirioṁ,

³⁵ Agus a duádar a nuile luiḃ iona ttalaṁ, agus a duádar súas toraḋ a ḃfearuinn.

³⁶ Agus do ḃuáil sé a gcéidġeine iona ttalaṁ, tosaċ a neirt úile.

³⁷ Agus ṫug sé leis amaċ íad maille re hairgiod agus ré hór: agus ní raiḃ duine meirtneaċ ann a ttreaḃuiḃ.

³⁸ Do ḃí an Négipt lúaṫġáireaċ a núair do imġeadar: óir do ṫuit a neagla orra.

³⁹ Do leaṫnuiġ sé néull mar ḟolaċ; agus teine do ṫaḃairt soluis san noiḋċe.

⁴⁰ Díarradar, agus ṫug se ċugṫa na gearragoirt, agus do ṡásuiḋ sé íad re harán ó neaṁ.

⁴¹ Dfosgail sé an ċarraic, agus do lingeadar na huisgeaḋa amaċ; do reaṫadar a náitiḃ tiorma mar ṡruṫ.

⁴² Oír do ċuiṁniġ sé bríaṫar a náoṁṫaċda, do Abraham a ṡeirḃíseaċ.

⁴³ Agus ṫug se leis amaċ a ṁuinntír lé gáirdeaċas, a ḋáoine toġṫa lé lúaṫġáire:

⁴⁴ Agus ṫug sé ḋóiḃ fearann na gcineaḋaċ: agus do ġaḃadar sáoṫar na ndaoine mar oiġreaċd;

⁴⁵ Iondus go ccongṁaidís a reaċda, agus go ccoiṁéadaidís a ḋliġṫe. Moluiḋesi an TIĠEARNA.