Psailm 103 - An Bíobla Naoṁṫa 1817 (Bedell)

Psalm CIII. Gairdeaċus an tanam déis a ṡásuġaḋ go mór le grásaiḃ Dé.

Psalm Ḋáiḃi.

¹ Beannuiġ ó manam, an TIĠEARNA: agus mo íonaṫar uile, a ainm náoṁṫa.

² Beannuiġ, ó manam, an TIĠEARNA, agus ná dearmaid a ṫioḋlaicṫe uile:

³ Noċ ṁaiṫios do ċionnta uile; noċ leiġisíos huile easláintiġe;

⁴ Noċ ḟúasglas hanam ó scrios; noċ ċuirios coróin ṁaiṫeasa agus ṫrócaireaḋa ċinéulta ort;

⁵ Noċ ṡásuiġios do ḃéul ré maiṫ; ata hóige ar na haṫnúaġaḋ mar iolar.

⁶ Do ní an TIĠEARNA ceart agus breiṫeaṁnus do gaċ áon a leaṫtrom.

⁷ Dfoíllsiġ sé a ṡliġṫeaċa do Ṁaóise, a oibreaċa do ċlannuiḃ Israel.

⁸ Atá an TIĠEARNA grásaṁuil agus lán do ṫruáiġe, fad ḟuilingeaċ, agus diomud trócaire.

⁹ Ní ḃiáiḋ sé ċoiḋċe a nimreasuin: ni mó ċuinneoċus sé a ḟearg go síorruiḋe.

¹⁰ Ní do réir ar ccionta do rinne sé ḋúinn; agus ní do réir ar néigceirt ṫug sé luáiḋeaċt dúinn.

¹¹ Aċt mar atá áirde na neaṁ ós cionn na talṁan, atá a oineaċ ċomór sin don luċt air a ḃfuil a eagla.

¹² Coṁḟad atá a náird ṡoir ó náird ṡíar, do ċuir sé ar bpeacuiḋe uáinne.

¹³ Mar ḃíos truáiġe ag aṫair dá ċloinn, is marsin atá truáiġe ag an TTIĠEARNA don luċt air a ḃfuil a eagla.

¹⁴ Oír is aiṫne ḋó ar ḃfoirm; cuiṁniġ sé gur luáiṫreaḋ sinn.

¹⁵ Atáid láeṫe an duine, mar an ḃféur; mar ḃláṫ an ṁaġa, is marsin ḃías ag bláṫuġaḋ.

¹⁶ Oir téid an ġáoṫ ṫairis, agus ní ḃfuil sé ann; agus ní aiṫeonuiḋ a ionad féin é ó sin amaċ.

¹⁷ Aċt atá trócaire an TIĠEARNA ó ṡíorruiḋeaċt go síorruiḋeaċt air an luċt air a ḃfuil a eagla, agus a ḟíréuntaċd do ṁacaiḃ mac;

¹⁸ Don luċt ċoiṁéudas a ċunnraḋ, don luċt ċuiṁniġios a aiṫeanta dá ndéanaṁ.

¹⁹ Do ṡuiġiḋ an TIĠEARNA a ċaṫaóir ríoġa ar neaṁ; agus atá a rioġaċt ag ríaġluġaḋ ós cionn a nuile.

²⁰ Beannuiġesi an TIĠEARNA, a aingle féin, noċ atá árraċdaċ a neart, ag coṁall a aiṫeanta, ag taḃair aire do ġuṫ a ḃreiṫre.

²¹ Beannuiġe an TIĠEARNA, a ṡluaġsan uile; a luċd friṫeóilte, noċ do ní a ṫoil.

²² Beannuiġe an TIĠEARNA, a oibreaċa uile annsa nuile áit dá ṫiġearnas: beannuiġ ó manam, an TIĠEARNA.