Psailm 1 - An Bíobla Naoṁṫa 1817 (Bedell)Psalm I. Sonas an deaġ ḋuine. 4 Agus anraṫ an droċḋuine. 1 Is beannuiġ an fear naċ siuḃluiġionn a ccoṁairle na neiṁḋiaḋaċ, naċ seasann a sliġe na bpeacaċ, agus naċ suiġionn a suiġeaċán na ttárcuisneaċ. 2 Aċt atá a ḋúil a ndliġeaḋ an TIĠEARNA; agus iona ḋliġeaḋ smuaineann sé do ló agus doiḋċe. 3 Agus biáiḋ sé ccosṁuil re crann plannduiġṫe láiṁ re haiḃniḃ uisge, noċ do ḃeir a ṫoraḋ iona aimsir íomċuḃaiḋ; ní ċríonfuiḋ fós a ḋuille; agus giḋ bé ní do ḋéana sé tiocfaiḋ biseaċ air. 4 Ní mairsin do na míoċráiḃṫiġ: aċt atáid cosṁuil ris an lóċán noċ sgabus an gáoṫ. 5 Ar a naḋḃarsin ní ṡeasfuíd na míoċráiḃṫiġ annsa mbreiṫeaṁnus, ná na peacaiċ a ccoiṁṫionól na ḃfíréun. 6 Oir bí fios sliġe na ḃfiréun ag an TTIĠEARNA: aċt raċaiḋ sliġe na neiṁḋíaḋaċ seaċad. |
First published by the British and Foreign Bible Society in 1817.
British & Foreign Bible Society