Ṗilémoin 1 - An Bíobla Naoṁṫa 1817 (Bedell)

Caibidil I Impiḋe ar Ṗilemoin, maiṫeaṁnas ḟior-ċriosduiġe ṫaḃair dá óglaċ annsa dioġḃail do ḋearnaḋ.

¹ Pol, priosúnaċ Iósa Críosd, agus an dearḃraṫair Timoteus ċum Ṗilémoín ionṁuin, agus ar ḃfear caḃarṫa,

² Agus ċum Apṗia ġráḋaċ, agus ċum Arċippuis ar gcoiṁḟior coguiḋ, agus ċum ne heaglaisi atá ad ṫiġ:

³ Grása maille riḃ, agus síoṫċáin, ó Ḋía ar Naṫair agus ón Dtíġearna Iósa Críosd.

⁴ Beirim buiḋeaċus rém Ḋía, ag sior ċuiṁneaḋ ortsa um urnuiġiḃ,

⁵ (Do ḃriġ go gcluínim iomráḋ do ġráḋasa agus an ċreidim, atá agad a dtáoḃ an Tíġearna Iósa, agus a dtáoḃ na nuile náoṁ;)

⁶ Ionnus go mbíaḋ cumann do ċreidiṁ éifeaċdaċ a nadṁáil na huile ṁaiṫeasa atá ionnuiḃ tré Iósa Críosd.

⁷ Oír is mór an gáirdeaċas agus an solás atá aguinn an do ġráḋsa, do ḃríġ go ḃfúaradar inniġe na náoṁ furtaċd ṫríodsa, a ḋearḃráṫair.

⁸ Uime sin, bíoḋ gur féidir leam ḃeiṫ ro ḋána a Gcriosd ris an ní atá iomċuḃaiḋ dáiṫníuġaḋ ḋíot.

⁹ Giḋeaḋ ċeana tré ġráḋ is usa liom impiḋe ċur ort, ar mbeíṫ ḋaṁ mar Ṗól ḟoirfe, agus a noir fós um ṗríosúnaċ ar son Iósa Críosd.

¹⁰ Guiḋim ṫu air son mom hic Onesimus, noċ do ġeinmé a ngéiḃeanuiḃ:

¹¹ An tí do ḃí ar úairiḃ neaṁṫarḃaċ ḋuit, aċd a nois atá ró-ṫarḃaċ ḋuitse agus daṁsa:

¹² Noċ do ċuir mé ar a ais: agus gaḃsa ċugad é, mar mo ċroíḋe féin:

¹³ Noċ bá mían riumsa a ċongṁáil um ḟoċair féin, ionnus go ndéunaḋ sé miniosdralaċd daṁ a tionadsa, a gcuiḃriġiḃ an tsoisgéil:

¹⁴ Giḋeaḋ níor áontuiġ mé éinní ḋéunaṁ gan do ṫoilse; ionnus naċ bíaḋ do ṁaiṫse aṁuil tré éigean, aċd do réir do ṫola féin.

¹⁵ As dóiġ gur ab uime dimṫiġ sé ar feaḋ tamuill, ionnus go nglacfá é go síorruiḋe;

¹⁶ Ní mar ṡearḃḟoġantuiġe feasda, aċd ós cionn ṡearḃḟoġantuiġe, na ḋearḃráṫair ġráḋaċ, go háiriġe ḋaṁsa, a né naċ mo ná sin duitse, sa gcoluinn agus sa Dtíġearna?

¹⁷ Uime sin má atá cumann eadrad agus misi, gaḃ ċugad é mar mé féin.

¹⁸ Agus má rinne sé dioġḃáil air biṫ ḋuit nó má ḋliġeann tú éinní ḋe, bíoḋ sé um leiṫse;

¹⁹ Misi Pól do sgríoḃ so rém láiṁ féin, do ḃéur díoluiḋeaċd uáim: bíoḋ naċ abruim riot, go ndliġim ṫú féin fós ós a ċeann sin díot.

²⁰ A seaḋ, a ḋearḃráṫair, faġuim gáirdeaċas uáid sa Dtíġearna: cóṁfurtuiġ mo ċroíḋe sa Dtíġearna.

²¹ Do sgríoḃ mé ċugad, ar mbeiṫ ḋaṁ muniġneaċ as húṁlaċd, ar mbeiṫ a ḟeasa agam go ndéuna tú ní sa ṁó ná mar a deirim.

²² Agus maille ris sin ullṁuiġ lóisdín daṁ: óir atá muiniġin agum go bpronnfuiġear ḋíḃ me tré ḃur nurnuiġíḃ.

²³ Cuiriḋ Epaṗras (mo ċóṁṗriosúnaċ a Niósa Críosd,)

²⁴ Marcus, Airistarċus, Démas, agus Lúcas, mo ċóṁluċd cáḃarṫa, mbeannaċd ċugad.

²⁵ Grása ar Dtíġearna Iósa Críosd ré ḃur sbioruid. Amen.